Сигурен чекор на охриѓани
Продолжува победничкиот чекор на охридските “рибари“ откако на Билјани Извори го совладаа тимот на Скопје со 3-1. За охриѓани кои се искачија на второто места на табелата ова беше шестти триумф сезонава, трети на домашен терен. Творци на триумфот беа најдобриот стрелец во лигата Клечкароски и капитенот Маркоски.
Не помина многу време , а охриѓани стигнаа да резултатска предност. Во осмата минута Маркоски упати долга топка кон Клечкароски, киксираше потесната одбрана на гостите, топката среќно стигна до охридскиот напаѓач кој го искористи подарокот и ги доведе “сините“ во водство 1-0.
Веднаш гостите можеа да се вратат резултатски во натпреварот, но ударот на Јованоски по одличната комбинација со Мојсовски заврши во надворешниот дел на мрежата. Охриѓани комбинираат, а Волчески и Атај не успеваат да го совладаат Маркоски. Најдобрата прилика во финишот на првиот дел ја имаше Боцевски, кој изби сам пред Абди, но не успеа да го матира.
Наградата за залагањето во текот на натпреварот за гостите стигна во 64 минута кога Мојсовски избегна офасајд замка, и му асистираше на Неделковски за израмнување 1-1.
Голот ги разбуди домаќините кои преку Клечкароски и Христов се обидоа да стигната до нова предност. Повторно во водство охриѓани се вратија во 78 минута. Акцијата ја започна Маркоски, го проигра Димоски кој како на тацна го послужи Клечакароски кој уште еднаш ја потврди одличната голгетерската форма стрелајќи прецизно за ново водство (2-1), постигнувајќи го деветиот гол во исто толку натпревари.
Следуваа минути на отворен фудбал, а гостите беа тие кои ја имаа првата прилика во судиското надполнување, Шабани го лобоваше Абди но топката заврши покрај голот. На истекот на судиското надополнување, по нафрлената топка на Волчески, капитенот Маркоски стави точка на мечот.
Охрид : Абди, Чашитоски (89` Келешоски), Шопоски, Велковски, Христов, Исаку, Бочески (46 ` Димоски) ,Волчески, Маркоски, Атај (59` Затуроски), Клечкароски
Стрелци : Клечкароски 8`, 78`, Маркоски 90+3 (О), Неделковски (С).
Кој друг ако не Клечкароски
Нема стоп за охридскиот тим. Охрид попладнево на Билјани Извори со 3-1 го совлада тимот на Скопје.
Творци на шестата победа , трета на домашен терен беа најдобриот стрелец во лигата Клечкароски и капитенот Маркоски. Клечкароски биеше прецизно во 8 и 78 минута, додека Маркоски стави точка на мечот во судиското надополнување. Стрелец на почесениот гол за гостите беше Неделковски во 65 минута.
По девет одиграни кола со 19 освоени бодови охриѓани се втори на табелата.
извор: ohridnews