Јунајтед нуди 29 милиони евра за Ето
Скоро е сигурно дека 28-годишниот камерунски фудбалски интернационалец Самуел Ето наскоро ќе ги напушти редовите на европскиот и шпанскиот шампион Барселона, чии бои ги бранеше од 2004-та година.
Наводно камерунецот, кој минатата сезона во Примера постигна дури 30 погодоци во 36 одиграни натпревари, а вкупно во каталонскиот дрес ја прескокна бројката од 100 погодоци (108), на челништвото на Барселона јасно им дал до знаење дека сака да го напушти клубот.
Претседателот на Барселона Хуан Лапорта не реагираше на таквата желба на извондредниот напаѓач, а во неговото име за јавноста прозбори агентот Хозе Мариа Масалес.
„Ето нема да го повикуваме со пари. Сакаме клуб во кој и понатаму ќе може да остваруваме успеси и освојуваме трофеи.“
Но, таков клуб е Манчестер Јунајтед, кој по пишувањта на неделникот „News of the World“, испраил јасна порака до играчот и до Барселона. Имено, англискиот шампион понудил 29 милиони евра.
Исто така, Фергусон има голема желба да потпише четиригодишен договор со Камерунецот, за неделна плата од 150.000 англиски фунти.
Пред два дена Манчестер Сити и јавно се откажа од трката за напаѓачот на Барселона, но сега другиот клуб од истиот град е многу реална опција за камерунецот.
Многу се 29 милиони , ама на крај па ниту јас нити некој друг од овде ги дава парите
Битно ми е Јунајтед да е најдобар , а Ето искрено е ЅВЕР играч.