Петров и Ивановски за резултатски 100%
"Генерално сум задоволен од подготовките на Златибор. Полека се наѕира тимот, концепцијата и филозофијата на игра за новата сезона иако има уште простор за воигрување и корекција", вели Илчо Ѓоргиоски
Со триумф над српскиот суперлигаш Слобода Севојно, заокружувајќи притоа и статистички резултатска максимална успешност, најтрофејниот македонски клуб вчера ги заврши подготовките на Златибор.
"Црвено-црните" со погодиците на двете засилувања за новата сезона Филип Петров, кој двапати се запиша во листата на стрелците, и Филип Ивановски стигна до убава победа над српскиот тим, која е трета на третиот натпревар одигран на Златибор. Претходно "вардарците" со 1:0 го совладаа премиерлигашот од БиХ, Челик Зеница, а со 2:0 славеа над локалниот нисколигаш од Златибор.
Србинот Ранѓеловиќ ново име меѓу "вардарци"
Фудбалерот од средниот ред, Србинот Предраг Ранѓеловиќ е најново засилување во редовите на Вардар за новата натпреварувачка сезона. 21-годишниот Ранѓеловиќ кој доаѓа од српскиот прволигаш Телеоптик.