Вардар - Работнички, скопско дерби по 36. пат
Иако далеку од ситуацијата кога соседската дерби пресметка го кроеше врвот во домашниот шампионат, сепак, нова повеќе од занимлива средба меѓу "црвено-црните" и "романтичарите" во желбата за избегнување на дното од една страна и прицврстување кон врвот од друга страна...
Оптоварена, како по некое правило последните три години, и поради последната масовна преселба на фудбалери од една на друга страна на "Филип Втори" пресметка која во секој случај е повеќе од значајна и за двете екипи.
"Нема сомнеж дека се работи за нов значаен натпревар за нас во трката по бодови за опстанок", вели еден од најдобрите вардарови фудбалери, дефанзивецот Раденко Бојовиќ, кој пред само неколку месеци ја носеше капитенската лента во составот на Работнички.
Па што ако играм против Брацо!?
Денеска Штефан Вујчиќ ќе игра против Вардар, значи ќе игра и против тимот на својот татко Слободан Вујчиќ - Брацо, кој повторно е спонзор на нашиот најтрофеен клуб.
"Па што ако играм против клубот на мојот татко. Јас сум професионалец и денеска од 14 до 16 часот кај мене ќе нема никакви емоции. Најмалку емоции кон Брацо, но само за време на натпреварот. Можеби на јавноста и е повеќе важно дека ќе играм против клубот на својот татко. Знам дека тој посакува моја одлична игра, но и победа на Вардар. Се надевам дека нема да биде баш среќен по натпреварот", дополни Штефан Вујчиќ. Брацо, пак, не сакаше да коментира, само посочи дека очекува добар и неизвесен натпревар.
ДЕРБИ НА 22. КОЛО
ВАРДАР - РАБОТНИЧКИ
Национална арена "Филип Втори Македонски". Капацитет: 22.000. Почеток: денеска, 14 часот. Главен судија: Владимир Кипријановски. Помошници: Тони Стојановски и Џенан Хајдари (сите од Скопје).
ВАРДАР: Маџаровски, Нено, Бојовиќ, Б. Џангаровски, Ристов, Трипуновски, Т. Џангаровски, Мојсов, Настевски, Фабио, Вандаир
Тренер: Зоран Стратев
РАБОТНИЧКИ: Стефановиќ, Тунески, Адем, Ќумбев, Станковиќ, Глигоров, Тодоровски, Вујчиќ, Петровиќ, Маневски, Андонов.
Тренер: Влатко Костов
ПОСЛЕДНИ ПЕТ НАТПРЕВАРИ
РАБОТНИЧКИ - ВАРДАР 2:0
РАБОТНИЧКИ - ВАРДАР 1:1
РАБОТНИЧКИ - ВАРДАР 1:0
ВАРДАР - РАБОТНИЧКИ 1:2
ВАРДАР - РАБОТНИЧКИ 2:0
ВО РАМКА
ВАРДАР - РАБОТНИЧКИ
13 победи 13
9 нерешено 9
13 порази 13
48/40 голови 40/48
93 ж.картони 94
8 ц.картони 3
8/6 пенали 5/4