Што да пишам, уште сум под импресии. 6 комада, ова е перфектна одмазда за последното коло пред две години, каде што не победивме против нив и испаднавме.
Многу бев скептичен во врска со Керол, мислев дека со сила го буткаат, дека е локален па сакаат да го прават нов Ширер, ама денеска како изигра дечкото, колку трчаше, отвараше простор, Дан не му зема топка со глава, хет трик постигна, дури и Ширер се утепа од радување и плескање во ложата. Балдини, помошникот на Капело беше во публика, па се надевам дека запиша нешто во тефтерчето.
Се на се, перфектен ден, кој можеше и да има друг тек ако постигнеа гол од пеналот и судијата на 1:0 не им досудеше непостоечки офсајд по продорот на Ешли Јанг, ама како и да е, деморализирани се без Мартин О`НИл, како изгубени беа, имавме повеќе шутеви и заслужено победивме.
Следен натпревар ни е во среда на гости против Акрингтон за Лига Купот, а во Премиер играме во сабота против Вулверхемптон.
Гледам и сме потпишале со некој Тиоте од Твенте, 24 годишен играч за врска од Брегот на Слонова Коска, играл и на Светсково 2010, ја не го знам, ако некој го гледал нека пише нешто повеќе.
И за крај, херојот на денот, новата 9-ка на гордоста на северо-истокот, Енди Керол:
