Тоа што граѓанин на ЕУ не смее да биде дискриминиран е веќе политичка работа а сите знаеме дека таа не треба да се меша со спортот. По таа логика треба ЕУ да испрати своја репрезентација на СП и нема да се појави Италија со раштиман состав.Мора да се заштитат националните интереси затоа што секоја репрезентација си игра за себе на СП и не ја претставува ЕУ.
После раното испаѓање на Италија од СП,Претседателот на ФИГЦ Абете мораше да направи нешто и да си ја спаси функцијата (многу фудбалски работници во него гледаа виновник за слабиот настап на Италија на СП и бараа негов отказ), и Абете најде начин да направи промени во функционирањето на Италијанскиот фудбал-воведувајќи вакво правило.
Сметам дека ова правило нема да го постигне посакуваниот ефект на ФИГЦ,и вакво какво што е донесено воопшто нема да донесе никакви позитивни ефекти какви што посакуваат во ФИГЦ, и е донесено во потполно лош временски период. Многу од тимовите во Италија веќе си имаат направено свој трансфер план, а со новово правило,голем број на тимови треба да го редефинираат веќе испланираниот настап на трансфер пазарот а периодот за дејствување на маркетот се намалува, и тоа доста негативно може да се одрази врз градењето на тимовите, а со тоа се ослабува и самото првенството.Вакво правило се носи на почеток на сезона, за да не се одрази на плановите на тимовите.
Посакуваниот ефект можеби ќе се постигнеше ако се воведеше правило да смее да се ангажираат во еден трансфер рок само 2 играчи кои не потекнуваат од Италија, отколку 1 играч кој не потекнува од земјите членки на Европската Унија. Со ова правило на тимовите од Италија им е забрането да потпишуваат повеќе од 1 играч надвор од Европската Унија, но не им е забрането да ангажираат повеќе играчи од земјите членки.Со правилото сакаат да се постигни ефектот да тимовите од Италија предност да им даваат на Италијаните пред другите играчи,но еден Италијански тим може во еден трансфер рок да ангажира 10 играчи од Франција,Англија,Германија итн, и пак нема да бидат застапени Италијаните, и со самото тоа ефектот од новово правило на ФИГЦ нема да даде никаков резултат.