- Член од
- 16 октомври 2014
- Мислења
- 25
- Поени од реакции
- 61
Околу перспективите:
Еве еден сајт каде може да видите листа на дипломски, одбранети во изминатиот период или во тек.
http://diplomski.finki.ukim.mk/StartPage/DiplomaList
Еве еден друг сајт каде може да видите една цела генерација студенти, на која тема дипломирале и каде се вработиле (под услов да ја волонтирале истата информација да биде објавена). http://www.finki.ukim.mk/tablo/
Еве еден промотивен спот со изјави од неколку наши студенти по светот: https://www.youtube.com/watch?v=Xfk3Y9S8AWI
Перспективи има, но треба да си ги отворите, значи зависи од вас:
- колку интензивна припрема ќе имате пред факултетот - за ФИНКИ ви се потребни предзнаења и од математика и од програмирање, инаку ќе ви биде многу многу потешко.
- колку интензивно ќе работите додека сте на факултет (тука не мислам на тоа дали ќе ги совладате предметите, туку колку ќе бидете спремни самите да си се обучувате за дополнителни работи надвод од предметите - ако на Факултетот ви се предава на пример само Java, C, C++, C#, Lisp, Python, тогаш вие треба сами да си научите да програмирате и во Go, Haskell
- треба да се регистрирате по странски сајтови каде објавуваат огласи за студии, обуки, потреби
- треба да следите што се бара на пазарот тука, во околината, но и на запад (гледајте какви огласи за работа се објавуваат и какви предзнаења се бараат)
Ова не е напишано напразно, имајте предвид дека нашите студии важат за тешки, но во некои делови се многу полесни отколку на врвните универзитети. Така е затоа што сме државен и затоа што сакаме да им овозможиме да дојдат на сите. Но, за да си ги отворите перспективите на глобално ниво, треба сами да се потрудите да бидете колку конкурентни со вашите колеги од MIT, Stanford, ...
Околу изборот: Има луѓе што веднаш ќе ви кажат кој факултет е подобар. Некој веднаш ќе рече Harvard или MIT. Не ги слушајте. Проверете ги наставните планови, видете дали има студиски програми со предмети кои ви се интересни. За најинтересните предмети видете кои професори ги држат тие предмети. Побарајте дали имаат свој веб сајт или некаде да имаат биографија каде може да прочитате што работеле - во кои проекти учествувале во или надвор од МК, каде биле на студиски престои од каде би стекнале добри искуства и пракси, со кои други универзитети соработуваат, каде биле на конференции и што презентирале. Кај поранешните студенти распрашајте се колку овие професори се достапни за контакт, средби, идеи, не само во предмети, туку и за општа дискусија за интересни идеи. И конечно имајте предвид дека сѐ ова е релативно. Секој си има своја визија за тоа што е добар Факултет и што е добар професор, по овие, но и по други критериуми. Неодамна во еден светски весник имаше натпис за професор од универзитет од топ 10 листите, кој од студентите бил прогласен за најдобар, но истата година бил отпуштен од управата поради недоволен истражувачки ангажман.
Информирајте се што е можно подобро, па направете избор. Истиве сугестии важат и за медицина и за право и за информатика и за електроника.
