Судени за Македонија

[pelister1]

Vreme bese da se otkrie vistinata :jaj:

 

[Ч Е Н Т О]

Во прилог на шестово видео и организацијата "БУНТ" за која се зборува во него ги приложувам првите 5 страни од обвинителниот акт против нејзините членови (Трајко Попов, Борислав Градишки, Ефтим Гашев и др.) на монтираниот политички процес на кој по инерција им се лепела етикетата "ванчомихајловисти", иако тоа нема никаква врска со вистината.
Истото се правело во континуитет 45 години за сите македонски патриоти коишто си ја сакале и славеле обединета Македонија, а не титова Југославија, и немале и не сакале да имаат ништо заедничко со абдалот Ванче Михајлов.

 

[Anco]

-значи да се разбереме ги сакам комунистите ама
оние што ја почнаа борбата “41 што се бореа и што
загинаа- и за нив ќе пишувам понекогаш.......

-за кодошиве долго се чекаше,проживеава и из......
треба и на Абаз да се отвори досието, колку поради
него со негов потпис се гонети и апсени.

Татко ми беше во 1артилериска бригада 48 дивизија,
беше на Кале и на плоштадот и на Срем.И на патот
за Срем има настани кој досега ги нема во јавност.
Живеев близу централниот затвор на Калето.Иако
дете тие години често ги гледав затворениците на
високите мали отвори со дебели решетки.Сега читам
зошто биле затварани, зошто“ лежеле“ во зандани.
Аир да не видат кодошите и наредбодавците кој ги
затвараа овие наши патриоти за Македонија.Сем..да..и..
Мислам и Панчета во Краљево го утепава зошто беше
за Македонија .

Не сум историчар подобро да се искажам,ама ми се
чини касниме со работава требаше веднаш по “91.
Треба сите да се рехабилитираат и сврстат во борци
за Македонија и добијат права кој ги заслужуват.

 

[Anco]

ВМРО - ПРАВДА

Првиот конгрес во Град,тоа е под Градско,кај Росоман.
Делегати од источна Македонија,од повардарјето,од ресенско и од Скопје.
Еден преставник од Воден,тројца од Солун.
Повеќе преставници од Пиринска Македонија.
Декларација од конгресот.
„ Иднината на Македонија е во младата генерација која треба се повеќе
да се организира за да се поведе заедничка борба со целекупната
младина од Егејска и Пиринска Македонија за нејзино обединување.
Една единствена ќе ни биде целта - слободна,независна и обединета
Македонија“
Зошто име ВМРО - ПРАВДА
„ ПРАВДА“ -затоа што организацијата требаше да ги исправи сите
неправди што им се нанесени од тогашната власт на Македонија и на
македонскиот народ.
Наш став е дека Македонија е посрбена,дека треба да се бориме за
нејзино обединување бидеиќи Пиринска Македонија не ја приваќаме
како бугарска,туку како дел од Македонија продадена од Србите...
...таа слобода што ја имавме не е слобода, Во таква состојба ние
членовите на ВМРО - ПРАВДА,треба да се бориме да ја обединиме
Македонија, а дека во секој случај ќе ни пријде на помош Америка и
ќе ни даде оружје.
Таа работа беше готова,ако не настанеше таа провала во 1950 година.
Се беше потготвено за тоа.
Тајноста на организацијата беше беше многу голема и затоа беше чудно
како не испозатворија. Во еден ден и една ноќ не испоапсија сите.
А не предаде една , Невенка Ципушева,од Радовиш...
---------------------
Мислам дека нема отворено тема што го опваќа ова прашање со ова
организација.Во 1971-1972 година повторно се апсат членови на оваа
организација,како и други млади лица,кои се судат истата година,
„ за дела против народот и државата“ и праќаат на робија.
------------------
Илија Максимовски - политички затвореник за Македонија

 

[Vasko.G]

Во овој период на десиденство се отвараат многу вакви организации.
--- надополнето: 7 септември 2013 во 10:48 ---
ВМРО - ПРАВДА била конспиративна политичка организација во НР/СР Македонија формирана од припадниците на ВМРО-СДРМА во Прилеп со политичка програма: обединета самостојна држава Македонија со парламентарно уредување по угледот на парламентарните држави на Запад, надополнета со заложби за остварување социјалнаправда[1]. Дејноста ја проширила мрежата во Битола, Охрид, Ресен, Скопје, Свети Николе, Штип, Берово, Струмица и во селата, во Малешевско и во Дебарца. Членовите на Организацијата се декларирале како следбеници на Претседателот Методија Андонов-Ченто т.н. „чентовци“. И по честите апсења опстојувала. Организацијата ја проширила својата мрежа и дејноста ( во периодот 1970–1971) во Пиринскиот и во Егејскиот дел на Македонија[2]. Преку студентската група во Загреб, одржувала врски со Движењето за ослободување на Македонија (ДОМ) во Европа. Дејствувала во периодот од 1948 до 1985 година.

 

[gjoko-mkd]

Јас потекнувам од семејство прогонувано за идеите за самостојна Македонија,мојот дедо е осуден и затворен(лежел во иста ќелија со Трајан Тељаноски-дедо на спикерот, и дедо Михаил,првиот поглавар во независна Македонија).Нормално за тоа има пишано и Стојан Ристески во Судени за Македонија(ја имам книгата со посвета од писателот),каде е пишува и мојата мајка која иако била дете била угнетувана.

Кој не поминал низ овие голготи,незнае колку биле сурови тогашните комунисти.Кога умираше дедо ми ,онака во бунило,ама со голема физичка сила неколкуте последни недели од неговиот животен век ги помина сакајќи да го утепа татко ми,ословувајќи го со `мајорот` кој многу го тепал и му се изживувал во затворот.Нормално при таква состојба стар човек му се мешаат сликите од минатото и незнае да распознава,но неговиот бес беше огромен иако цел живот беше многу плашлив човек(нормално после све тоа)

Иначе немам некое фајде од тоа што моето потекло е такво,сега се во мода `поинакви` комити