Човече, ова снукеров е ТОП работа.
Двајца омилени снукераши ми се Рони О'Саливен и Џон Хигинс.
После нив следуваат Стифен Хендри, Стив Дејвис, Марк Селби и Шон Марфи.
Ма што зборувам, и овие кинезиве Динг Џунгхуи и Марко Фу се ТОП, и Лианг Венбо и Ксиао Гуодонг не се
лоши, Гуодонг го победи О'Саливен на China Open 2009 турнирот, а ги има само 20 години.
Ама најомилени ми се О'Саливен и Хигинс. О'Саливен е природен снукераш, мислам дека може да ја игра играта и со очите врзани, ама знае понекогаш да откачи. Не знам кога рекол за Стифен Хендри дека може да се соблече по гаќи, да танцува, да го победи во снукер, но и после тоа пак ќе му се врати на својот мизерен живот, се разбира подоцна му се извинил за тоа што го рекол. А во декември 2006 на Британскиот Шампионат 2006, во мечот со Стифен Хендри, О'Саливен губеше од Стифен Хендри со 4:1, но сепак имаше шанса да продолжи да игра и да го победи, бидејќи играа до максимални 17 фрејма, што значи дека тој што ќе победи ќе мора да освои 9 фрејма за да победи во мечот.
И што се случи ?
Уште една откачена драма во режија на О'Саливен, го предаде мечот на Стифен Хендри и со тоа се откажа и од мечот и од турнирот.
Еве ја снимката од тој момент како го предава мечот на Хендри:
Додека се ракува со него предавајќи му го мечот, му рекол:
"Извини, пријателе, не можам повеќе".
Ова му е најбрзиот максимален брејк на О'Саливен, 147 бодови:
А Хигинс е невиден лисец, човече, да играш со него и ако те стави во снукер ситуација, односно во ситуација каде што најсигурно ќе направиш грешка и ќе ќари бодови од твојата грешка, ќе поминеш низ неверојатен пекол со него. Шампион е за да те воведе во тешка ситуација, а исто така е и шампион за да се извлече себеси од тешка ситуација. Дефинитивно заслужува почит. Дури и самиот О'Саливен кажа во септември 2009 непосредно пред почетокот на Grand Prix 2009 турнирот во Гласгов, Шкотска, дека Хигинс е вистински мајстор за снукер. Играа еден против друг во истоимениот турнир до максимални 9 фрејма и ги одиграа сите максимални 9 фрејма, Хигинс го победи О'Саливен со 5:4. Хигинс изгуби од Нил Робертсон во четвртина финалето на турнирот, играа до максимални 11 фрејма и ги одиграа сите максимални 11 фрејма, Робертсон го победи Хигинс со 6:5.
И О'Саливен и Хигинс си имаат свои предности и недостатоци.
Во 2001 О'Саливен го победи Хигинс во финалето на Светскиот Шампионат во снукер 2001 со 18:14 и со тоа за прв пат во неговата кариера стана светски шампион. Победата му ја посвети на својот татко.
А тате негов пак, е сопственик на ланец продавници за порничи во Сохо, во западен Лондон, во 1992 го затвориле за убиство на црнец телохранител на некои си двајца познати детективи и лежеше 18 години. На судењето неговите адвокати тврделе дека било во самоодбрана, но тој тврдел дека воопшто и не бил таму, а имало и докази и сведоци дека бил таму и дека тој е убиецот. Во 2003 успеа да докаже дека не е расист и од тука следува дека убиството не е од расистички мотиви. Но мораше да ја одлежи 18 годишната казна затвор и го ослободија сега во 2009. А во меѓувреме, младиот О'Саливен западнал во депресија, станал наркозависник, во 1995 му ја одзеле возачката на една година и му собрале 1200 фунти казна поради брзо возење, во 1996 мама негова ја затвориле на седум месеци поради неплаќање на данок, во 2009 рече дека снукерот му станал досаден и дека станал сра_е од спорт. Неговиот живот од 1991 до 2009 е прав хаос, секоја му чест како издржал. Во повеќе наврати има навредено познати личности, во повеќе наврати има изјавено дека ќе го батали снукерот, во повеќе наврати се има откажано од фрејм кој почнал пред неполни 5 или 10 минути, за што и бил казнуван со одземање на одреден број на бодови од листата на Светската Снукер Асоцијација на најдобри снукераши во светот. Има две деца, ќерка и син, со жена со која што се запознал за време на терапија за прочистување од наркотици, но се разделиле подоцна, а децата тој ги задржал, сега мислам дека има друга девојка, дали се венчани не знам, но по се изгледа од 2009 кога татко му го ослободија, животот му се враќа во нормала, дај Боже.
Хигинс, од друга страна во 2006 откако изгуби од Кен Дохерти во финалето на Малта Купот 2006, се опијани и мораа камен пијан да го испратат до авион.
Во 2008 му го доделија MBE (Order of the British Empire) медалот, една од најголемите признанија што Велика Британија им ги доделува на докажани државници и народни херои, нешто слично како витештвото.
Стифен Хендри, Стив Дејвис, Рони О'Саливен и Џон Хигинс се единствените живи
снукераши кои што повеќе од два пати го освоиле Светскиот Шампионат во
снукер, и тоа:
Стифен Хендри - 1990, 1992, 1993, 1994, 1995, 1996, 1999;
Стив Дејвис - 1981, 1983, 1984, 1987, 1988, 1989;
Рони О'Саливен - 2001, 2004, 2008;
Џон Хигинс - 1998, 2007, 2009.
Секој од нив бил светски снукераш број 1 во светот, тоа се одредува по бодови кои што се освојуваат врз основа на тоа до каде играчот стигнал на турнири, колку поблиску стигнал до осмина финале, четвртина финале, полуфинале или финале, толку повеќе бодови ќе освои, се разбира ако победи ќе ќари екстра повеќе бодови. Денеска овие четворица професионални снукераши при сезоната 2009/2010 се рангирани вака:
1. место со 53575 бодови Рони О'Саливен, до сега 5 сезони бил светски снукераш
број 1, земајќи ја во предвид и сезоната 2009/2010;
4. место со 45825 бодови Џон Хигинс,
до сега 3 сезони бил светски снукераш број 1;
10. место со 33125 бодови Стифен Хендри,
до сега 9 сезони бил светски снукераш број 1;
23. место со 24544 бодови Стив Дејвис,
до сега 7 сезони бил светски снукераш број 1.
Само тие што спаѓаат во ТОП 16 на листата на Светската Снукер Асоцијација
на најдобри снукераши во светот можат да учествуваат на било кои турнири организирани, спонзорирани или поддржани од страна на асоцијацијата без да мораат да се квалификуваат на истите. Останатите ќе мораат да се квалификуваат за да учествуваат на турнирите.
Стифен Хендри и Џон Хигинс се Шкотланѓани, а Стив Дејвис и Рони О'Саливен се Англичани. Од нив четворица само на Рони О'Саливен до сега не му бил доделен MBE (Order of the British Empire) медалот, додека на oстанатите тројца им е доделен.
Сите четворица имаат направено максимален брејк со 147 бодови и тоа:
Стифен Хендри - 9 пати;
Рони О'Саливен - 9 пати;
Џон Хигинс - 5 пати;
Стив Дејвис - само еднаш во 1982 на Lada Classic 1982 турнирот.
Инаку, за снукер играчници во Македонија не знам, знам дека во Скопјево наше ги има неколку,
но само една има оригинална маса за снукер со оригинални димензии на какви што играат професионалните
снукераши и на какви што се игра на турнирите, 3.569 x 1.778 метри. КМ Билијард се вика играчницата, се наоѓа позади домот за постдипломци Атанас Близнаков кај Педагошка Академија. Адресата е "Дрезденска", бр. 19, локал 14. Местото е ТОП, не знам колку наплаќаат, ама сум поминал неколку пати покрај влезот и знам дека работат барем до 24:00, а и по тоа што други ми имаат кажано, дефинитивно вреди да отидеш таму и да одиграш некоја партија билијард или снукер.
Е па што да им се прави, побратиме, знаат само за фудбал, кошарка и ракомет. Снукерот бара максимална тишина и концентрација, нема урлања како на стадионите. Оваа женскава судијка Микаела Таб е закон. Позната е по тоа што во повеќе наврати ги има предупредувано луѓето во публиката ако снимаат или сликаат со мобилен телефон или камера или ако урлаат, дека ќе бидат исфрлени ако не се приберат. Правилата забрануваат попречување на концентрацијата на играчите со било какви осветлувачки тела или звуци. Била капитен на клубот кој победил во Светскиот Шампионат во билијард во сезоната 1997/1998. Заинтересирана била и за снукер, но дошле до заклучок дека не може да игра, бидејќи масата е преголема и ќе мора да се растегне за долги потези нели, ама нејзините гради ги допирале топките, а правилата велат дека не смееш со ништо да ги допираш или поместуваш топките, освен белата која што ја ориентираш со ударите од стапот за снукер се разбира.
Еве некои интересни моменти од нејзината кариера како судија на снукер натпревари:
Овде ги подбира тие од публиката:
Овде со О'Саливен дискутираат за тоа дали може розовата топка да се врати на место или ќе треба да ја премести, бидејќи нејзиното место е зафатено од црвените топки, од каква помош и е само О'Саливен:
Овде се изненадува кога Динг Џунгхуи прави грешка во меч со Џон Хигинс:
Исто така е и судијка и на натпревари во билијард.
Во 2009 стана првата жена судијка која што судела во финалето на Светскиот Шампионат во снукер кога судеше во финалето на Светскиот Шампионат во снукер 2009 во мечот помеѓу Џон Хигинс и Шон Марфи, играа до максимални 35 фрејма, ги одиграа 27 фрејма и на крајот Хигинс го победи Марфи со 18:9, со што влезе во друштво со Стифен Хендри, Стив Дејвис и Рони О'Саливен кои што се единствените живи снукераши кои што повеќе од 2 пати победиле во Светскиот Шампионат во снукер.
Снукеров е дефинитивно ЗАКОН спорт.
И дефинитивно треба да ги има повеќе снукер играчници во државава наша, не сакам да мешам политика и спорт, но кога овие од Агенција за млади и спорт толку многу се одлучени да инвестираат во спортот, постојано отвораат нови спортски игралишта и нови спортски сали, што не им текне да изградат и по некоја снукер играчница ?
Еве, во Велика Британија во Шефилд во Крусибл театарот се игра Светскиот Шампионат во снукер.
Кај нас во Македонија два нови театари се градат, стариот скопски театар и новиот театар во Велес.
Што не им текне да се игра Македонски Шампионат во снукер во некој од овие театари, кога веќе се градат ?
Ама што да ти се прави, ова ти е Македонија, земјата на чудата, каде што се случуваат секакви чуда, од чуден пораз во фудбал од Андора, до коцкари кои се кладат во секакви спортови, а кога ќе им спомнеш снукер, ко зачудени се.