Светски Шампионат во Снукер 2022
од 16 април 2022 до 2 мај 2022
во англискиот театар Крусибл во Шефилд
22 април 2022
Седми ден - Осмина финале:
Џексон Пејџ 3:13 Марк Вилијамс;
Утре, сабота, 23 април 2022, треба да продолжат и да завршат веќе започнатите мечови од осмина финалето на Светскиот Шампионат во Снукер 2022:
11:00; 20:00. Марк Селби 4:4 Јан Бингтао;
11:00. Жао Ксинтонг 5:11 Стифен Мегваер;
15:30. Рони О'Саливен 12:4 Марк Ален;
Исто така утре, сабота, 23 април 2022, покрај продолжувањето и завршувањето на веќе започнатите мечови, треба да започнат уште два меча од осмина финалето на Светскиот Шампионат во Снукер 2022, во кои силите ќе си ги измерат:
15:30. Антони МекГил - Џад Трамп;
20:00. Нил Робертсон - Џек Лисовски.
Грешка е ако земе одмор Џон Хигинс од 1-2 години како што имаш напишано.
Таков одмор да земе би имало логика ако беше Хигинс во возраст во која сега се наоѓа Марк Селби 0д 37-38 години. Хигинс ако земе долг одмор од снукер баш тоа е рецепт и пат кон брзо пензионирање.
Баш Рони О' Саливен во претходна сезона 2020/2021 изгуби во сите 5 финалиња во кои играше, па освои само 1 титула оваа сезона со победа во финалето Светското Гран При, после резултатска негатива од Нил Робертсон во финалето на тој турнир.
Ама Рони О' Саливен после тие 5 изгубени финалиња во 2020/2021 сезона, тој гледаш дека оваа сезона играше на скоро сите турнири. И благодарение на учеството во тие 5 изгубени финалиња и тие порази, сепак е моментално на 1 место на рејтинг листата, достигнување вредно за почит со оглед на возраста. Губеше финалиња но собираше поени, нешто што оваа сезона го прави и Џон Хигинс.
Баш токму Марк Селби е играчот кој треба да земе одмор од снукерот и да игра во следната 2022/2023 сезона само на поголемите турнири.
Лично сметам дека Марк Селби ќе испадне од турниров сега во 2 рунда од Кинезот Јан Бингтао.
Инаку ако Селби испадне најдоцна во 2 рунда на Светското, а доколку некој од Џон Хигинс или Кајрен Вилсон ја освои титулата, тогаш Хигинс и Вилсон можат дури да бидат на 1 место на рејтинг листата после завршено Светско првенство на крај од сезоната. Секако за ова сценарио ќе треба и Рони О' Саливен да не стигне до финалето.
Рони О'Саливен се повлече од повеќето - ако не од сите - професионални турнири во снукер од сезоната 2012/2013, секако со исклучок на Светскиот Шампионат во Снукер 2013, каде што успешно ја одбрани титулата, освојувајќи ја втора година по ред и по 5-ти пат во својата професионална снукер кариера, и веќе наредната сезона 2013/2014 имаше одлични резултати - ги освои Британскиот Мастерс 2014, Велшкото Отворено Првенство во Снукер 2014, а стигна и до финалето на Светскиот Шампионат во Снукер 2014.
О'Саливен е генерација со Џон Хигинс и Марк Вилијамс, кој исто така имаше не баш успешен период од 2011 година кога последен пат освои рангирачки турнир во снукер - Германскиот Мастерс 2011 - до сезоната 2017/2018 во која ги освои Северноирското Отворено Првенство во Снукер 2017, Германскиот Мастерс 2018, и се разбира Светскиот Шампионат во Снукер 2018.
Инаку да, О'Саливен беше токму на истата 37 годишна возраст на која е Марк Селби денес, со разликата што Селби има слаби резултати само оваа сезона 2021/2022, додека минатата сезона 2020/2021 имаше одлични резултати, не верувам дека му е време за одмор.
Јас лично го сметам Џон Хигинс за најдобар снукер играч на денешницата, подобар дури и од О'Саливен во некои погледи, па дури и самиот О'Саливен најмногу пофални зборови има токму за Хигинс.
Но резултатите говорат за самите себеси, ете не мора да одмара цела сезона како што направи О'Саливен, но сепак му треба одмор за да се врати во топ форма, еве денес О'Саливен и Вилијамс играа агресивно како во своите најдобри денови, несомнено добриот одмор имал позитивно влијание врз нив.