Левица имаше во последниве години едно 150 пенали да шутира. Често и на празен гол, како што е оваа ситуација сега. Требаше да најдат начин да допрат до јавноста. Многу се пасивни.
На моменти, воопшто не ме интересира дури ни дека се од лева проминенција, туку само за да се разбие ова црно-бело мафијашко-олигархиско владеење, овој ебен дуопол, кој е поштетен и од режим и од граѓанска војна и од општа природна катаклизма...ама не сме со таква среќа...
Како да допрат, кога двајца без тројца се.
А и ми личи дека по игра на случајности од некакво движење се трансформираа во партија. Ни имаат организација, ни логистика, ни кадровски потенцијал, обременети со идеологија со изминат рок. Немам ништо против дечките, ама на најголем дел од нив ни трафика не би им дал да менаџираат, не па влада.
Ликови како Апасиев, повеќе би сакал да ги видам во својата природна средина, на професорско место, каде интелектуалниот капацитет ќе им биде соодветно искористен. Со политички екскурзии, само за џабе си ги троши најплодните години од работниот век, не е за таму.
Политичките партии кај нас го преставуваат нашето вистинско цивилизациско ниво и политичка кулутра. Тоа е најдобриот модел на политичко организирање што го знаеме, авторитарен лидер, хиерархиски поставени ешалони низ кои се напредува преку непотизам или конекции и племенска интерна динамика, кои со помош на државните механизми, паразитираат од останатиот дел од населението. Тоа е политички модел за пред-модерни општества, тоа се ти кажува. Се останато, е само маска за пред светот, за номинално да може да се нарекуваме демократија. И тоа е само затоа што во моментов таа е глобално најпопуларната маска. Не е ни чудно што, двете политчки елити кај нас се продолжение на комунистичката политичка елита. Во 90тите само се преоблекоа со неколку националистички трогателни говори, како што и се случуваше секаде во Југославија и во бившиот Источен блок.
