Мене досега ми се нема случено да се онесвестам, па баш се прашувам какво е чувството... а многу пати ми се има стемнето пред очи, ништо не гледам, но си стојам без никаков проблем, без да почувствувам било каква слабост во колената...
Еве во прилог една компилација на свадбени онесвестувања, па можете да ми опишете нешто повеке, и зошто се случува тоа...
Мене еднаш ми се има случено, пред околу една година. Имав добиено менструација, негде втор ден мислам дека беше. Обично ме боли стомак многу, ми требаат апчиња. Тогаш уште се немав напиено, утро беше. И станувам од кревет, одам до веце, и ја замолив вујна ми да ми донесе аналгин, зашто не можев да се симнувам по скали од болка. Отидов до веце, и на враќање накај соба, имаме еден столб во дневната. И само застанав, ми се стемни, и јас не осетив кога сум паднала, ама вујна ми и сестра ми одма притрчаа, ми рекоа дека одеднаш сум пребледела и сум ги превртила очите. Ме фатија пред да паднам. Ме однесоа во соба, ме седнаа и малце ме испрскаа со вода и ме исплескаа малце за да се освестам. Не осетив дека скроз сум изгубила свест, како само да тргнав, ама ме вратија. Кога се освестив, ме облеа ладна пот по цело тело. Не можам да опишам како беше, чудно ептен. И после се напив апче, легнав. Додека не ми помина, се виткав од болка во кревет, не можев да зборам од што ме болеше. И добро, после 15тина минути почна да ми делува лекот, и ми беше подобро. А зошто се случи, немам појма. Вајда од болка... Не знам.
