Секакви рецепти

[Windfucker]

Фала Македонка за советите

Еве што се одлучив јас еден специјалитет да направам нешто како Бурито со пилешко. Купив сега од КАМ Маркет тортиљи за таа намена и ќе пробам да видам што ќе испадне.

Планирам да ги сварам копаните добро и да ги исчистам од коската, потоа месото да се искубе и исече на ситни парчиња и да се стави да се прже во масло заедно со малку пушена сланинка и ситно сечкан морков.
Кога ќе е готово со пржење да му додадам многу малку доматен сос, малку лута буковска пипер и магдоност да се убаво подинста малку и да биде готов за премачкување на тортиљите. Кога ќе е готов сосот да се додаде кисела павлака во него малку и да се измеша.
Потоа се топлат тортиљите на рерната, се полнат во сосот и излегува бурито.

Ако грешам некаде кажувајте побрзо, да одземам или додадам нешто во рецептов.

 

[Windfucker]

Да додадам дека излезе многу вкусно, само не турив павлака оти немав во фрижидерот, а мислам дека исто фалеше и рендан кашкавал малку да се растопи на тортиљата пред сосот.

 

[Shellshock nam67]

има во Веро- 130 денари/ кг

abe ne pazarime kaj grcistana

 

[Олимпија]

Да додадам дека излезе многу вкусно, само не турив павлака оти немав во фрижидерот, а мислам дека исто фалеше и рендан кашкавал малку да се растопи на тортиљата пред сосот.

Следен пат напрај ги со ѕаѕики сос и исфрли го магдоносот

 

[AnFem]

Моментално се пече италијанската пита со компири, еве го оригиналниот рецепт:

http://www.me-chitash.com/zdravje/index.php?option=com_garyscookbook&Itemid=470&func=detail&id=44

Јас направив некои мали измени (и не ставав според овие мерки, ретко готвам по мерките)... Тестото од компир го оставив да се пече 5 минути. Пред тоа доматите со кромидот ги динстав заедно, да станат кашести. Извадив тавчето со тестото, ставив 200 гр. моцарела и одозгора доматите, сето тоа фино си се измеша во рерна. На крај ќе го додадам кашкавалот. Е не е пармезан, немам пармезан. Небитно!

 

[Windfucker]

Следен пат напрај ги со ѕаѕики сос и исфрли го магдоносот

 

[Mar-Teen]

Знае ли некој рецепт за кинеска салата? (со ориз нешто се правеше)

 

[CafeDelMar]

Знае ли некој рецепт за кинеска салата? (со ориз нешто се правеше)

КИНЕСКА САЛАТА

Потребни состојки:

· 250 г ориз
· 250 г шунка, ситно исечкана
· 800 г краставица, ситно исечкана
· 3 павлаки
· 3 лажици мајонез
· сол
· црн пипер

Начин на приготвување:

Оризот се вари, се мие со студена вода и се убаво се цеди. Потоа се додаваат ситно исечканите шунка и краставица, павлаките и мајонезот. Се зачинува со сол и црн пипер по желба.

 

[Смрт за зони и пајак воз.]

ПРОЈА ( на мој начин - без зејтин)

Потребни продукти:
300 грама пченкарно брашно
200 грама пшенично брашно,
300 грама сирење
1 јајце
1 прашок за пециво
сол, половина кафена лажичка

Најнапред , пченкарното, пшеничното брашно, прашокот за пециво и солата ги ставам во сад за мешање и ги измешувам на суво. Потоа го додавам јајцето и вода по потрба да се добие речиси течно тесто ( како за пандишпан за торта ). Таквото тесто го оставам да одстои 1 саат, може и повеќе за да брашното ја упие водата. На крајот, во тестото го додавам претходно издробеното сирење и малку промешувам пазејќи да сирењето не се издроби премногу па да не се познава..
Тестото го пресипувам во, добро намачкано со масло, плехче 32 и печам на 180 степени околу 30 минути.
Кога е готово сечам на парчиња и сервирам топло со млеко, јогурт, чајна, сирење кашкавал и обавезно феферони
--- надополнето: 22 јануари 2012 во 11:05 ---
Сега ја ставив да се пече, кој сака нека повели

 

[Олимпија]

Шарен солен ролат

Потребни состојки:
- 4 јајца
- 1 шоља брашно
- 1 шоља јогурт
- 1 прашок за печиво
- 1 лажичка сол

За шарени кори на ролат:
- зелена боја 4 лажици сецкан сварен спанаќ
- портокалова боја 4 лажици ајвар
- жолто-црн ролат 3 лажици мак

Потребни состојки за фил:
- 200 мл. павлака
- 200 гр. сирење
- 2 лажици мајонез
- 200 гр. шунка

Подготовка:
Одвојте ги жолчките од белките и прво матете ги жолчките. Додајте сол, брашно помешано со прашок за печиво, јогурт. По желба додајте 4 лажици спанаќ/ајвар или мак, во зависност од тоа каква боја на ролат сакате да добиете. Изматете ги и белките во цврст снеги, па потоа со лажица измешајте ги со смесата со жолчки. Сипете во плехот од рерна на кој сте ставиле хартија за печење и печете 10-15 минути на температура од 180 степени. Печениот ролат замотајте го во влажна крпа и оставете да се олади. За тоа време подгответе го филот. Убаво иситнете го сирењето и додајте ја павлаката и мајонезот. Намачкајте ја кората прво со оваа смеса па врз неа ставете ја шунката и формирајте ролат.

 

[[ Македоникус ]*]

Блазе Acid со тебе.

 

[dzulija]

Шарен солен ролат

Потребни состојки:
- 4 јајца
- 1 шоља брашно
- 1 шоља јогурт
- 1 прашок за печиво
- 1 лажичка сол

За шарени кори на ролат:
- зелена боја 4 лажици сецкан сварен спанаќ
- портокалова боја 4 лажици ајвар
- жолто-црн ролат 3 лажици мак

Потребни состојки за фил:
- 200 мл. павлака
- 200 гр. сирење
- 2 лажици мајонез
- 200 гр. шунка

Подготовка:
Одвојте ги жолчките од белките и прво матете ги жолчките. Додајте сол, брашно помешано со прашок за печиво, јогурт. По желба додајте 4 лажици спанаќ/ајвар или мак, во зависност од тоа каква боја на ролат сакате да добиете. Изматете ги и белките во цврст снеги, па потоа со лажица измешајте ги со смесата со жолчки. Сипете во плехот од рерна на кој сте ставиле хартија за печење и печете 10-15 минути на температура од 180 степени. Печениот ролат замотајте го во влажна крпа и оставете да се олади. За тоа време подгответе го филот. Убаво иситнете го сирењето и додајте ја павлаката и мајонезот. Намачкајте ја кората прво со оваа смеса па врз неа ставете ја шунката и формирајте ролат.

Јас правам како торта со истиот состав ,печам кора ја сечам на два дела и секој дел го филовам и ги ставам една над друга ,одозгора декорирам со жолчка варена,потоа ги сечам на квадрати и потоа секој квадрат на половина значи добивам триаголници ...еве уште една идеја како да добиете нова форма.

 

[Смрт за зони и пајак воз.]

ПРОЈА ( со додаден праз )

Потребни продукти

4 јајца
1 шоља јогурт или кисело млеко
2 шољи пченкарно брашно
1/2 шоља масло за јадење
250 грама сирење
1 прашок за пециво
3 страка поголеми, праз ( ситно сецкан - жив, не се пржи ни вари )

Јајцата се матат. Се додава јогуртот, маслото, пченкарното брашно, прашокот за печиво и се измешуваат. На крајот се додава сечканиот праз и издробенето сирење и се промешува.
Смесата се истура во, претходно, подмачкан плех и се пече во рерна на 220 степени околу половина саат.
Оваа не е мој рецепт, но вечерва го пробав на гости - одлично. Затоа брзам да го споделам со Вас и да го препорачам за неделен појадок.

 

[Nancy*]

Ќофтиња од компири

Состојки
5-6 компири
200 гр кашкавал
1 мала лажичка сол
1 мала лажичка буковец
1/2 лажчка црвен пипер
мелен црн пипер
лебни трошки
магданос
масло за јадење

Компирите се лупат и се стават да се варат околу 30 минути. Откако ќе се сварат, се пасират како за пире. Треба да се оладат а потоа во нив се додаваат другите состојки. Кашкавалот треба да биде изрендан. Лебни трошки се ставаат по потреба.Сето тоа се умесува. Потоа се прават топчиња и се расплескуваат, се валкаат во брашно ( јас ги валкав во лебни трошки) и се ставаат да се пржат на претходно загреано масло.


П.С. Во моите фали магданос, секогаш кога ќе почнам нешто да правам мора нешто да нема ама добри се и вака.

 

[faraon]

Дајте ми рецепт за целуфки..