Морам да се согласам со коментарот на Ненад Стевовиќ за штандовите на средина. Буквално си прават што сакаат со изгледот на штандовите па така Литература овојпат тотално ги блокираа Или Или, Бегемот, Темплум и уште неколку штандови кои беа во близина. Имаа еден огромен ѕид кон кој токму овие штандови гледаа и истите беа скриени и не можеа да се видат од скоро секоја точка во салата. Настрана тоа што мене искрено не ми се допаѓаат глупостите кои ги прават Литература и Три со изгледот на штандовите. Од Литература сокриле еден куп книги под нозете на продавачите, и тоа баш книги кои имаа попусти, зашто немаа класичен пулт, туку како секогаш 5-6 малечки масички раштркани натаму наваму. Изгледа убаво, можеби, но непрегледно е. А Три беа катастрофа годинава. Поставиле маси ко на селска слава, паралелно една со друга, тоа на се личеше само на штанд не. И Стела и Сани се мотаат натаму наваму и делат попусти и се сликаат со дечиња, а од звучникот истовремено рока Игор Џамбазов со „Дај ми дај ми жити се!“. Да земеш и да си пукаш во чело. Верувам дека да немаа таков хаос направено, ќе се задржев подолго кај нив и сигурно ќе купев уште нешто. Вака само ја грабнав „Папокот на светлината“ и заминав. И ќе им пишам за ова, обавезно, зашто стварно на ништо не личеше, ни за децата, ни за возрасните.
umno.mk
