Веќе се изјаснив на темава дека сум против тие штрајкови и тоа одамна најавуваното полагање на матура треба конечно да се воведе.
Сега гледав снимки од протестот пред Министерство за образование и страшно ме изреволтира изјавата на еден средношколец.
Им дале опција да им го намалат материјалот во второ полугодие, касно им било. Јасно им навеле дека при полагањето нема да биде застапено ништо од тоа што тие не го учеле и за тоа им било касно. И уште неколку работи имаше кои во моментов не ми текнуваат, за кои им било касно.
Толку човекот беше дециден во таа своја изјава, да помислиш дека земјата ќе ја преврти само да не полага.
А да го прашаше новинарот тој на пет метра до него ќе кажеше друга причина и ќе дадеше други услови за полагањето на матурата. Важно се собрале тие да протестираат за истата работа, а не знаат што точно сакаат, освен тоа ДА НЕ СЕ ПОЛАГА.
Губете си само часови, после не само што ќе си учите и Саботи, туку и ќе се каете што сте седеле на улици, место да читнете нешто што ќе ви помогне и ке ви даде повеќе знаење.
А во некој пост и прочитав, незнаеле есеј да напишат, а можело тоа да го има во матурата. Додека си свиркавте со свирчињата пред Министерство, можевте да го искористите времето баш за ова.