Благодарам за информациите. Уште тогаш кога ги напиша ги пренесов до круг на луѓе кои треба да ги знаат и да влијаат понатаму.
Те замолувам ако имаш нешто квалитетно слободно изнеси за да можеме заеднички да ја водиме оваа борба против криминалците кои не осиромашуваат и ни ја уништуваат земјата. Криминалците од секаков тип се сојузници во своето злосторничко делување, а ние сме одвоени и секој за себе само гледаме што се случува, молчиме и се туткаме. Така беше досега и така не ни оди работава.[DOUBLEPOST=1443982701][/DOUBLEPOST]Оваа вест подолу е за дрвокражбата во делот кој ме поттикна за да ја отворам темава.
Во последниве недели работите почнаа да се одвиваат во нагорна линија. Во овој дел шумска полиција имаше 3-4 акции против дрвокрадците. По патот од каде редовно и слободно се пренесуваа украдените дрва, кражбата е значително намалена. Сеуште се кради, но во помали количини и далеку од онаа слободна безобразност која претходно ја имаа. Ова докажува дека постојаните упорни поттикнувања на одговорните институции даваат резултат. Мене и кругот на луѓе кои одлучивме да стапниме против овој криминал кој ни прави огромни штети не не интересира партија власт, партија опозиција. Мило ми е што тргна да се решава овој проблем. Тоа беше крајно неопходно, за биолошкиот опстој. Ако го решат проблемот, ќе заборавиме за гревовите кои ги сториле за да се развие во степенот кој беше развиен. Но ако докрај си ги исполнат должностите. Ние граѓаните независно од народна, партиска или било каква припадност сите имаме потреба од чист воздух, добра клима, планини богати со шуми, води, секакви растенија, плодна почва и немаме друг избор освен разбивање на дрвната мафија.
Настаните што се случуваат докажуваат за организираноста и темнината на ова злосторничко делување. Со почетокот на рациите против дрвокрадците, во делот каде живеат. Ромската населба Тризла најпрво направија серија од нереди. Прво превртеа полициска кола, после помал бунт од 200 собрани луѓе, а еве вчера бил извршен и јавен напад врз шумската полиција со тешко повредени. Ако вака реагираат, ова зборува дека бевме сосема во право кога зборувавме дека се работи за темна сила збир на штеточини кои немаат обѕир во уништувањето на нашата иднина. Таму тоа е некое занесување поблага форма на исис-мисис што се замислува дека може да го јава градот. И им успеваше поврзано со криминалците т.н. белите јакни кои седат во канцелариите. Оние кои мирно си седат и тивко си подсоработуваат и подзаработуваат со и од криминалот. Имаме во план и други потези и нема да се запира.
Ако треба и за едно дрво, за едно дрво ќе се тепаме. Бидејќи само така може да се соочиме со подмолноста и лукавоста на злосторничкиот ум.
Дрвокрадци претепале шумски полицајци во Прилеп
Патрола на шумската полиција завчера била нападната од дрвокрадци, на улицата Тризла во Прилеп, при што еден од нив бил потешко повреден и пренесен во болница заради укажување лекарска помош.
Инцидентот, како што информираа од полицијата, се случил завчера околу 18 часот, во непосредна близина на новата џамија. Попладнето Р.М., М.К. и Г.С. - вработени во шумската полиција, со автомобил "лада нива" со прилепски регистарски таблички пристигнале на улицата Тризла за каде што имале сознанија дека се врши нелегална продажба на дрва. Кога свртеле од улицата Тризла по улицата Гостиварска, биле пресретнати од поголема група граѓани, при што едно од лицата, со метална шипка ја оштетило хаубата и го скршило предното ветробранско стакло. Додека друго лице, со тврд предмет го искршило задното лево стакло од возилото, по што шумските полицајци излегле од колата. Во нападот, двајца шумски полицајци биле турнати од толпата и погодени со шишиња во пределот на главата, а третиот бил нападнат, по што останал да лежи на тротоарот. Набрзо на местото на нападот пристигнала полицијата, по што разјарената толпа избегала, а повредениот полицаец бил префрлен во Прилепската болница каде што му била констатирана тешка повреда.
Ова е втор ваков инцидент годинава, кога шумската полиција е нападната од дрвокрадци.
Полицијата работи на целосно расветлување на случајот и на утврдување на идентитетот на лицата што учествувале во нападот на шумската патрола.