„The Hardest thing“, последниот сон на Тоше
В недела, 25 јануари, на 28. роденден на Тоше Проески, постхумно ќе биде промовиран албумот „The Hardest thing“. Тоа е официјалната вест врзана за англискиот албум на нашата најголема пејачка ѕвезда. Она што го носиме во себе, нешто како чувство, кревко распослано низ целата душа е дека и ангелите пеат.
Тажно, трогателно и свечено - ќе ги чуеме песните што му беа преокупација, опсесија и несоница во последниот период на Тоше . И, којзнае, можеби ќе бидеме поблиску до него... Следејќи ги судбинските патешествија, „The hardest thing“ е исполнување на последниот сон на Тоше. Во тоа име вреди да му се пркоси на „напишаното“.
Насловната нумера - „The Hardest thing“ наедно е една од омилените теми на Тоше, која веќе можевме да ја чуеме и видиме. Обвивката на албумот е решение на неговите обожаватели - станува збор за портрет на Тоше, во чија заднина е Крушево. Секогаш до него треперливо светка родениот град, а во средината на небото е најсилна една ѕвезда.
Менаџерката на Тоше, Лилјана Петровиќ, и неговата продуцентска куќа „Аворд“ неодамна се откажаа од сите права врзани за продажбата на неговите албуми и сите права се пренесени на семејството Проески. Така, се' си дојде таму од каде што потекнува. Од почетокот. Со овој текст се обидовме да се потсетиме на целата приказна врзана за последниот албум.
Во 2006 година, во периодот кога го потпиша договорот со англиската продуцентска куќа „Пипл ин моушн“, Тоше се запозна и со британскиот композитор и продуцент Енди Рајт (48), во чија кариера се наведува работата со „Симпли ред“, Бритни Спирс, Бочели, Павароти, Џана Нанини...
„Пее блескаво, изгледа супер и не можам да верувам дека човекот нема мана“, беше првиот впечаток на Енди. Минатиот октомври, по концертот во чест на Тоше, се надополни. „Тоше беше многу харизматичен, просто пленеше каде и да се појави. Силно светкаше неговата ѕвезда - ќе засвири клавир и сите како хипнотизирани гледаат во него. Сигурен сум дека пред него стоеше светска кариера. Всушност, кога првпат го видов на концерт на стадион во Скопје, во 2006 година, се' ми беше јасно... Цврсто верувам дека овој албум ќе постигне голем успех“.
По работата и дружењето во Лондон, подоцна и на Јамајка, договорот беше следната станица на Тоше, на неговата менаџерка Лилјана и на Енди да биде Дубровник. Поради убавината, сонцето, Јадранот... Летово беа во Дубровник, без Тоше, зашто ветување си е ветување. Средбата на менаџерката и англискиот продуцент беше многу тажна, и во прекрасниот Дубровник Тоше постојано беше присутен во мислите. Така се случи договорот за доработката на песните за англискиот албум. Енди наполно и целосно се посвети на работата... Тоа беше неговиот долг кон чесното момче од Балканот.
Но, да се вратиме на периодот пред, сега веќе, три години. Потпишувањето на неколкугодишниот договор со англиските продуценти значеше соработка со признати музичари, снимање во најдобри студија и три албуми со кои и светот би слушнал за македонскиот славеј. Странците беа презадоволни кога го слушнаа Тоше. Покрај тоа, првиот човек на „Пипл ин моушн“, Брајан Тејлор, „падна“ на природноста на нашето момче, на неговата детска љубопитност и чистота и веднаш заклучи дека македонската поп-икона е нетипична ѕвезда. Чист и искрен. Непорочен. Далеку од она што го има на Запад.
„Многу сум среќен поради се' што ми се случува“, кажуваше Тоше. „Знам дека е многу тешко да се направи интернационална кариера и дека, покрај квалитетот, се важни и други нешта. Сега, кога имам сигурност од мојата матична куќа, ќе го дадам најдоброто“.
Во интервју за „Утрински весник“, Тоше за убавите нешта по кои ќе ја памети 2006 го спомнува договорот со продуцентската куќа од Англија „Пипл ин моушн“. „Тие ќе се грижат за кариерата надвор од Балканот, а првиот човек Брајан Тејлор е многу задоволен и од мојот глас и од материјалот што го подготвуваме за англискиот пазар. Преку оваа работа видов како е да се работи со врвни професионалци и затоа - со Господ напред! Не сакам многу да зборувам предвреме, подобро е да почекаме да излезе албумот, па потоа да коментираме. Композициите се феноменални и сите се направени по моја мерка. Тоа е резултат на работата на извонреден тим. Посебно сум среќен со мојата песна што ја снимивме во Шведска со Норт Јенсен. Се вика ’ Тhe Hardest Thing“ и звучи прекрасно“.
Тоше снимаше и во татковината на регето, Јамајка, во куќата на Боб Марли, каде што работеше со неговите синови - Стивен, Џулијан и Зиги. Автентичната атмосфера, за која ни раскажа неговата менаџерка Лилјана Петровиќ, неоптовареноста со материјални нешта и музиката, сосема го понесоа. Многуте кадри овековечени и снимени во Јамајка, каде што е направен и спотот за „Hardest thing“, ја опишуваат предаденоста на Тоше кон музиката. Нежната македонска душа се растажи од она што го слушна - дека музичарите на Јамајка пееле кога сакале да и' се „скријат“ на сиромаштијата.
Лилјана се сеќава дека тимот со кој Тоше го подготвуваше своето ново цеде за светскиот пазар ги имаа најдобрите музичари од Англија, Шведска, Ирска. Со тие луѓе во 2006 година темелно се избираа песните, а пет се снимени во престижното лондонско студио „Олимпик“. Се работеше и во Шведска.
„Иако цело време одевме чекор по чекор, нашите очекувања беа огромни. Кога дојдов во Македонија во 2002 година и кога го издадовме албумот ’Ако ме погледнеш во очи‘, кажав дека Тоше ќе биде балканска ѕвезда, а пред три години јавно изјавив дека му претстои светски успех“.
Албумот се работеше две години, а авторите се различни - го има Енди Рајт, музичкиот тандем „Пампкин долс“, Вејн Хектор... Мразот го проби „Арија“, дуетот со Џана Нанини, што беше промовирана на концертот во „Белградска арена“. Енди Рајт долго време работел со оваа италијанска примадона и идејата за успешниот дует беа токму емоциите. И двајцата уметници со неверојатна харизма ја интерпретираа композицијата.
„My litle one“ е уште еден дует на Тоше, со внукот Кристијан. „Мое малечко, длабоко во своето срце знај дека никогаш нема да се разделиме“ е дел од пораката на оваа песна која е снимена во студиото во Крушево. Тоше сакаше песната на следниот концерт на стадион да ја изведе токму со својот внук. Замислата за оваа композиција која Тоше му ја пренел на својот продуцент Енди беше музиката во старт да звучи како да е цртан филм за подоцна да се надградува и да порасне во поп-рок мелодија. Песната е доработувана по трагичното загинување на Тоше, во студиото „Олимпик“, каде што е правен поголемиот дел од песните. Енди го направи комплетниот микс, аранжман и мастеринг на композицијата.
Тоше беше голем уметник, а неговата особеност значеше тоа што го носи во себе, тоа нешто по што публиката го препозна и одбра. Искреноста е прашање на срцето. Ја имаш или ја немаш.
Албумот за почеток ќе биде отпечатен во 150 илјади примероци и тоа низ пазарите во Хрватска, Србија, Босна и во Словенија. Понатаму нештата самите ќе се кажат. За нас е важно што се исполни големиот сон на Тоше.
извор
Специјални емисии за Тоше на МТВ
Во чест на спомените и на делото на најголемата македонска музичка ѕвезда Тоше Проески, Македонската телевизија ќе емитува две специјални емисии. Првата ќе се емитува утре, еден ден пред роденденот на Тоше, а втората задутре, точно на 25 јануари. И двете се во терминот 20.15 часот.
Првата е насловена „Незаборав за Тоше“ и ќе се емитува во рамките на емисијата „Фолковизија“. Во неа ќе бидат прикажани неговата љубов кон Македонија и кон македонскиот фолклор преку спомените на неговите соработници и пријатели.
Втората специјална документарна емисија е насловена „Со Тоше во срцата“. Истата вечер во Домот на АРМ ќе биде промовиран неговиот албум на англиски јазик „The Hardest Thing“, наменет за светскиот пазар. Промоцијата од затворен тип е закажана за 19 часот, а во нејзините рамки ќе биде претпремиерно прикажан и документарниот филм посветен на снимањето на албумот. Од февруари филмот ќе се прикажува и во киносалите.
извор
В недела, 25 јануари, на 28. роденден на Тоше Проески, постхумно ќе биде промовиран албумот „The Hardest thing“. Тоа е официјалната вест врзана за англискиот албум на нашата најголема пејачка ѕвезда. Она што го носиме во себе, нешто како чувство, кревко распослано низ целата душа е дека и ангелите пеат.
Тажно, трогателно и свечено - ќе ги чуеме песните што му беа преокупација, опсесија и несоница во последниот период на Тоше . И, којзнае, можеби ќе бидеме поблиску до него... Следејќи ги судбинските патешествија, „The hardest thing“ е исполнување на последниот сон на Тоше. Во тоа име вреди да му се пркоси на „напишаното“.
Насловната нумера - „The Hardest thing“ наедно е една од омилените теми на Тоше, која веќе можевме да ја чуеме и видиме. Обвивката на албумот е решение на неговите обожаватели - станува збор за портрет на Тоше, во чија заднина е Крушево. Секогаш до него треперливо светка родениот град, а во средината на небото е најсилна една ѕвезда.
Менаџерката на Тоше, Лилјана Петровиќ, и неговата продуцентска куќа „Аворд“ неодамна се откажаа од сите права врзани за продажбата на неговите албуми и сите права се пренесени на семејството Проески. Така, се' си дојде таму од каде што потекнува. Од почетокот. Со овој текст се обидовме да се потсетиме на целата приказна врзана за последниот албум.
Во 2006 година, во периодот кога го потпиша договорот со англиската продуцентска куќа „Пипл ин моушн“, Тоше се запозна и со британскиот композитор и продуцент Енди Рајт (48), во чија кариера се наведува работата со „Симпли ред“, Бритни Спирс, Бочели, Павароти, Џана Нанини...
„Пее блескаво, изгледа супер и не можам да верувам дека човекот нема мана“, беше првиот впечаток на Енди. Минатиот октомври, по концертот во чест на Тоше, се надополни. „Тоше беше многу харизматичен, просто пленеше каде и да се појави. Силно светкаше неговата ѕвезда - ќе засвири клавир и сите како хипнотизирани гледаат во него. Сигурен сум дека пред него стоеше светска кариера. Всушност, кога првпат го видов на концерт на стадион во Скопје, во 2006 година, се' ми беше јасно... Цврсто верувам дека овој албум ќе постигне голем успех“.
По работата и дружењето во Лондон, подоцна и на Јамајка, договорот беше следната станица на Тоше, на неговата менаџерка Лилјана и на Енди да биде Дубровник. Поради убавината, сонцето, Јадранот... Летово беа во Дубровник, без Тоше, зашто ветување си е ветување. Средбата на менаџерката и англискиот продуцент беше многу тажна, и во прекрасниот Дубровник Тоше постојано беше присутен во мислите. Така се случи договорот за доработката на песните за англискиот албум. Енди наполно и целосно се посвети на работата... Тоа беше неговиот долг кон чесното момче од Балканот.
Но, да се вратиме на периодот пред, сега веќе, три години. Потпишувањето на неколкугодишниот договор со англиските продуценти значеше соработка со признати музичари, снимање во најдобри студија и три албуми со кои и светот би слушнал за македонскиот славеј. Странците беа презадоволни кога го слушнаа Тоше. Покрај тоа, првиот човек на „Пипл ин моушн“, Брајан Тејлор, „падна“ на природноста на нашето момче, на неговата детска љубопитност и чистота и веднаш заклучи дека македонската поп-икона е нетипична ѕвезда. Чист и искрен. Непорочен. Далеку од она што го има на Запад.
„Многу сум среќен поради се' што ми се случува“, кажуваше Тоше. „Знам дека е многу тешко да се направи интернационална кариера и дека, покрај квалитетот, се важни и други нешта. Сега, кога имам сигурност од мојата матична куќа, ќе го дадам најдоброто“.
Во интервју за „Утрински весник“, Тоше за убавите нешта по кои ќе ја памети 2006 го спомнува договорот со продуцентската куќа од Англија „Пипл ин моушн“. „Тие ќе се грижат за кариерата надвор од Балканот, а првиот човек Брајан Тејлор е многу задоволен и од мојот глас и од материјалот што го подготвуваме за англискиот пазар. Преку оваа работа видов како е да се работи со врвни професионалци и затоа - со Господ напред! Не сакам многу да зборувам предвреме, подобро е да почекаме да излезе албумот, па потоа да коментираме. Композициите се феноменални и сите се направени по моја мерка. Тоа е резултат на работата на извонреден тим. Посебно сум среќен со мојата песна што ја снимивме во Шведска со Норт Јенсен. Се вика ’ Тhe Hardest Thing“ и звучи прекрасно“.
Тоше снимаше и во татковината на регето, Јамајка, во куќата на Боб Марли, каде што работеше со неговите синови - Стивен, Џулијан и Зиги. Автентичната атмосфера, за која ни раскажа неговата менаџерка Лилјана Петровиќ, неоптовареноста со материјални нешта и музиката, сосема го понесоа. Многуте кадри овековечени и снимени во Јамајка, каде што е направен и спотот за „Hardest thing“, ја опишуваат предаденоста на Тоше кон музиката. Нежната македонска душа се растажи од она што го слушна - дека музичарите на Јамајка пееле кога сакале да и' се „скријат“ на сиромаштијата.
Лилјана се сеќава дека тимот со кој Тоше го подготвуваше своето ново цеде за светскиот пазар ги имаа најдобрите музичари од Англија, Шведска, Ирска. Со тие луѓе во 2006 година темелно се избираа песните, а пет се снимени во престижното лондонско студио „Олимпик“. Се работеше и во Шведска.
„Иако цело време одевме чекор по чекор, нашите очекувања беа огромни. Кога дојдов во Македонија во 2002 година и кога го издадовме албумот ’Ако ме погледнеш во очи‘, кажав дека Тоше ќе биде балканска ѕвезда, а пред три години јавно изјавив дека му претстои светски успех“.
Албумот се работеше две години, а авторите се различни - го има Енди Рајт, музичкиот тандем „Пампкин долс“, Вејн Хектор... Мразот го проби „Арија“, дуетот со Џана Нанини, што беше промовирана на концертот во „Белградска арена“. Енди Рајт долго време работел со оваа италијанска примадона и идејата за успешниот дует беа токму емоциите. И двајцата уметници со неверојатна харизма ја интерпретираа композицијата.
„My litle one“ е уште еден дует на Тоше, со внукот Кристијан. „Мое малечко, длабоко во своето срце знај дека никогаш нема да се разделиме“ е дел од пораката на оваа песна која е снимена во студиото во Крушево. Тоше сакаше песната на следниот концерт на стадион да ја изведе токму со својот внук. Замислата за оваа композиција која Тоше му ја пренел на својот продуцент Енди беше музиката во старт да звучи како да е цртан филм за подоцна да се надградува и да порасне во поп-рок мелодија. Песната е доработувана по трагичното загинување на Тоше, во студиото „Олимпик“, каде што е правен поголемиот дел од песните. Енди го направи комплетниот микс, аранжман и мастеринг на композицијата.
Тоше беше голем уметник, а неговата особеност значеше тоа што го носи во себе, тоа нешто по што публиката го препозна и одбра. Искреноста е прашање на срцето. Ја имаш или ја немаш.
Албумот за почеток ќе биде отпечатен во 150 илјади примероци и тоа низ пазарите во Хрватска, Србија, Босна и во Словенија. Понатаму нештата самите ќе се кажат. За нас е важно што се исполни големиот сон на Тоше.
извор
Специјални емисии за Тоше на МТВ
Првата е насловена „Незаборав за Тоше“ и ќе се емитува во рамките на емисијата „Фолковизија“. Во неа ќе бидат прикажани неговата љубов кон Македонија и кон македонскиот фолклор преку спомените на неговите соработници и пријатели.
Втората специјална документарна емисија е насловена „Со Тоше во срцата“. Истата вечер во Домот на АРМ ќе биде промовиран неговиот албум на англиски јазик „The Hardest Thing“, наменет за светскиот пазар. Промоцијата од затворен тип е закажана за 19 часот, а во нејзините рамки ќе биде претпремиерно прикажан и документарниот филм посветен на снимањето на албумот. Од февруари филмот ќе се прикажува и во киносалите.
извор
