Aj да препорачам 3 филма со тематика која е интересна за дел од форумов, а тоа е UFO themed based movies, во конкрентиов случај 3 кои не се многу експонирани и мал број луѓе и знаат дека воопшто постојат, а ја случајно сите ги имам изгледано на албанскиве тринг канали и така всушност и дознав за нив.
Редоследот, од условно речено најлошиот, до најдобриот, иако мене лично сите ми се допаднаа. Ако барате оскаровска глума, дијалози и слично баталете, станува збор за нискобуџетни проекти, инкогнито глумци и режисери и како такви сите погодија во центарот, конкретно за мој вкус.
1. Космос, 2019, оцена на имдб 6.
Целиот филм е централизиран практично во возило, каде се наоѓаат тројцата главни протагонисти.
Станува збор за 3ца аматерски астрономи, кои работат на проект за детектирање на сигнали од вселената, користат возило и опрема и практично целиот филм е сниман во нивното возило. Буџетот на филмот е само 7000 долари така да ова е уште една работа која треба да се земе во предвид ако некој се фрли во подлабоки анализи и цепидлачи.
Како што реков, дејствието на филмот се одвива практично во нивното возило, филмот почнува споро, со рандом дијалози типични за луѓе кои ја работат оваа професија, сместување на опрема, компјутери, активирање на истата и создавање услови за она што треба да го работат таа вечер. И тој тек на настани добива првично мал преокрет, кога детектираат сигнал за кој не се сигурни што е, и на кој одговараат соодветно на она што го налагаат процедурите.
Очекувањата нормално им се дека не станува збор за нешто сериозно, а дури и да е тоа случај нивниот одговор треба да патува стотици години додека биде детектиран, и Се се менува кога за краток временски интервал, детектираат нов сигнал за кој веруваат дека е реакција на нивната порака што практично не е возможно.
2. UFO, 2018, оцена на IMDB 6.2
Поголем кастинг, поголем буџет сигурно, но ништо посебно од тој контекст, за кастингот има неколку познати фаци тука што секому би биле познати а тоа се Гилијан Андерсон со споредна улога што и не е изненадување зашто се појавува во ваков филм поради X files, Дејвид Стретхерн (ваљда вака се изговара) и овој има во 200 филмови глумено негде поекспониран некаде како споредна улога, попознат по улогите у Born Identity серијалот на филмови, The Expanse серијата и ред други сеа да не набројувам, и Ела Пурнел која моментално е најекспонирана по Фолаут серијата. Сите тројца иначе се споредни ликови тука.
Приказната во филмот се врти околу Алекс, кој студира во колеџ и има одлични познавања од областа на математиката, лик кој како дете тврди дека видел непознат летечки објект за кој е убеден дека нема потекло од земјата. Во сегашноста, се случуваат неколку необјасниви појавувања на UFO, и последното кое се случува на аеродромот во Синсинати го привлекува неговото внимание и убеден e дека станува збор за летало надвор од овој свет, и не верува на известувањата од надлежните дека е дрон што дополнително го мотивира да го докаже спротивното.
Со оглед дека е математички гениј што е битно во конкретниов случај, и со помош на неговата професорка (Гилијан Андерсон) го испитува целиот случај, од официјални снимки (видео и аудио) до лица кои биле сведоци на настанот на аеродромот и полека успева да ги расплеткува работите, додека истовремено и го привлекува вниманието на надлежните со оглед дека почнува да допира до доста сензитивни информации за кои јавноста не треба да знае.
3. Тhe Vast of Night, oцена на IMDB, 6.7
Тотално инкогнито глумци слично како и Cosmos, деби на режисерот кој сеуште и нема извадено нов проект, буџет од околу 700 000 долари, ништо посебно.
Посебно уживав во овој филм искрено и кога и да го начекам на ТВ го гледам и го оставам да си тера во позадина, а всушност денес го имаше ( а Космос пред 2 дена ) па ова и ме мотивираше за постов кој подолго време сакав да го напишам.
Ми се допаѓа целиот амбиент во кој е практично пренесена цела онаа атмосфера која владеела во 50ти у Америка, а и увек има нешто посебно за ваков тип на филмови со ваква тематика а се однесуваат на тој период.
Дејството се случува во 1950та, Кајуга, мал град во Ново Мексико, и Се во глобала се врти околу 2 главни ликови во филмов, Еверет и Феј (колега и колешка), млади ликови кои работат во локалното радио, и за време на една од емисиите, слушаат мистериозен сигнал кој доаѓа од друга фрекфенција и не се сигурни за што станува збор.
И за да откријат, се вклучуваат во живо на емисија и го емитуваат истиот тој сигнал со надеж дека некој од слушателите ќе го препознае и ќе се јави да даде соодветно објаснување. Во меѓувреме низ градот кружат доста информации за видени објекти во небото за кои луѓето немаат објаснување од каде потекнуваат. Да не откривам повеќе, претпоставувате веќе во која насока ќе се движи и овој филм.
Worth to mention филмови со слична тематика, али повеќе што одат накај киднапирање од вонземјани:
1.
Fire in the Sky, од 1993, повеќето сме го гледале филмов на тв како мали, една од сцените со тоа што го правеа вонземјаните до ден денес ми е врежана во глава.
2.
Dark Skies, 2013
3.
No one will Save you, 2023, e oвој го немам гледано што е глупо да го препорачувам во ваква ситуација, ама знам дека добро помина на критика бајаги, добар кастинг има, и ми е на листа за гледање доста долго време само никако да се нафатам да седнам и да го гледам. Така да конкретно ова тука е и препорака за самиот себе, доста одовлекувам со филмов.
4.
Roswell, 1994, исто филм што како мал многу пати сум го изгледал на тв, кога немавме нит торенти нит стриминг платформи, и отскокнува од листава погоре од 3 филма која е повеќе насочена на тематика со киднапирање од вонземјани. Се однесува на вистински настан од 1947 година и пад на летало за кое многумина тврдат дека е од вонземско потекло, а владата вели дека е метеоролошки балон, лесно да се погоди каде со оглед дека е така наречен филмот, и работите што се случуваат во позадина, дел вистинити, дел фикција, или можеби не.
Лично, ако сакате филмови стриктно со ваква тематика, сите овие би ви препорачал да ги изгледате, верувам дека барем 80% од истиве ќе ви се допаднат.
, дека ја очекував пак Стинг да искочи на дуел. 
www.imdb.com
