Предлог за филм со кратка рецензија

bobipp

Let's cook!
Член од
15 август 2008
Мислења
10.524
Поени од реакции
4.270
The Platform


Одамна не сум пишал за предлог филм на форумов ама овој филм ме натера. Се работи накратко за еден вид затвор, но не каков што сите знаеме со ќелии, врати со решетки и повремено излегување на затворениците надвор на слободни активности туку сосема поинаков, вертикален затвор на нивоа каде на секое ниво има по 2-ца. А има доста нивоа...:sneaky: Фантастичен и реален приказ на денешното општество во кое живееме. Корумпирано, поделено на слоеви, од најбогати, до оние кои буквално немаат што да јадат и се спремни на се за да преживеат. Дали е можна некаква промена? На што се спремни луѓето за да преживеат?Погледнете сами...Хорор трилер кој со гаранција ќе ви се допадне. Инаку е шпански во продукција на Нетфликс. Јас сум го нашол незнаејќи, со англиска синхронизација, што го сфатив во првите 5 минути од филмот :D , но верувам пооригинално би било гледањето со оригиналното шпанско аудио.
9/10 од мене.
 

Beric Dondarrion

Lord of Blackhaven
Член од
14 август 2006
Мислења
30.192
Поени од реакции
41.017
Сниман во два дела, 1949-та година, само четири години по Војната и три години пред да почине Стаљин. Па, кој би бил главниот лик во филмот - Битката за Сталинград?
Стаљин, секако. Нема фиктивни ликови во филмот.

Командантите-се-договараат-во-просторијата-за-состаноци - сцена.
Војската-е-во-движење-на-терен - сцена.

Тоа се сите сцени во филмот. Се менуваат, една после друга, наизменично. До крај.

Кога е врвот на германската команда прикажан, тоа е обично една непријатна ситуација, во која командантите не знаат кај тераат, Хитлер, претерано гестикулира, се дере и им вика на сите, малку повише од уобичаено што го знаеме од документарци, али нема везе.
Кога е прикажана германската команда од пониско ниво, на пример, Паулус и неговите, во Стаљинград, тогаш обично се случува ова: прекинати им се врските, не знаат кај им се единиците, советите напаѓале од сите страни...
Било кога германска команда да се прикажува, просторијата не е доволно осветлена. Како прикази у теминцата личат. Ја лично не веруем на луѓе по темници што се пикаат.

Кога е советската команда прикажана, таму не е толку жустра атмосферата, но не е лабава. Никако лабава. Централна фигура е Стаљин. Сите генерали околу него стојат и слушаат. Он е сталожен, фокусиран и замислен. Зборува полека и смирено, на моменти човек си помислува дека доживеал мозочен удар неодамна. Другите стојат и се ѕверат у него, од сите страни. Ако ги глеаш у фаца, одма ќе приметиш дека си викаат - абе, у пичку матер колку е паметен и мудар другарот Висарионович, тоа едноставно не е могуче. Тука има и сцени само со Стаљин. Додека генералите спијат или што и да праат, он сеуште неуморно работи сам, во истата сала за состаноци, гледа натписи на мапи под лупа, гледа низ прозор, или едноставно го има у гро план, онака ептен замислен. Се гледа дека сам го носи товарот на Војната, на своите плеќи.
Кога прикажуваат сцена со пониски ешалон на советската команда, таму обично е досадно, затоа што често им се дешава да читаат писмо од Стаљин, кое им стигнало, пуно со премудрости. Кога стига такво писмо, тој што го чита (на глас) станува, а потоа и другите и така стојат додека се слуша зборот и се ѕверат у овој што чита и си го замислуваат у главата другарот Стаљин како ги збори тие зборови. Ова го насетив пошто ги приметив дека праат исти фаци како кога лично Стаљин збори.
Во врска со осветлувањето во сцените со советска команда - силно светнал ден и све убаво се гледа. Очигледно станува збор за отворени и чесни луѓе, кои нема што да кријат. Лајк.

Измеѓу овие сцени со командите, у сендвич, се наоѓаат сцените со војската. Тоа се мегаломански сцени со премногу статисти, вистински оружја и орудија, градби и рушевини. У било кој момент на екранот нема помалку од сто луѓе. Рука у огин стаам дека имаат погинато војници при снимањето (пошто статистите обично се војници), у сите тие експлозии, маневрирања со тенкови у сред гужва и све друго. Такви сцени, со толку статисти денес ни приближно нема. Тука, во овие сцени нема глумци, ни улоги. Исклучиво статисти се.

Нормално, истиот тертип и за сцените со војска важи: кога е германската војска на терен прикажана, обично бегаат, се сопнуваат, паѓаат, се предаваат, умираат распарталени и гладни. Смрзнати секако.
Советската војска секогаш е подобро опремена, напаѓа, а во повеќето сцени, едноставно само оди напред. Со заробениците се строги, но праведни.

Два типа на сцени, со различна поларизација. Тоа е целиот филм. На моменти, во служба на пропагандата историски неточен, а на моменти точен.

Нема такви филмови денес.
 
Последно уредено:

Natan 3.0

Bitch Божји
Член од
17 февруари 2019
Мислења
1.572
Поени од реакции
4.999
Чаплин, филмот каде насловната ролја ја толкува познатиот Роберт Дауни Џуниор, инаку номиниран за Оскар за најдобра машка улога токму за неа. За него ме потсети еден драг пријател од форумов кој ме информираше дека денес била годишнина од неговиот роденден.

Сценариото ја следи неговата животна приказна почнувајќи од тешкиот живот во Англија со ментално болната мајка, која во филмот ја толкува ќерката на Чаплин - Џералдина Чаплин, неговите почетнички обиди во комедијата и крајното етаблирање во филмската индустрија во Америка, бројните афери со жените, политичките ангажмани како и чувството на губиток кое стои зад неговиот познат филмски алијас на „малиот скитник“, а кое ќе го прогонува целиот негов живот.

Ролји во овој филм исто така остваруваат и Ентони Хопкинс, Кевин Клајн, Дајан Лејн, Ден Ејкројд, Мариса Томеи и Мила Јовович.


 
Член од
7 септември 2016
Мислења
6.477
Поени од реакции
9.437

THE CALL OF THE WILD
...компјутерски генериран филм (2020 год), ги доби моите симпатии на вешто прикажување на емоциите на едно несекојдневни куче, базирано на новелата на Џек Лондон The Call of the Wild (1903).
... инаку постојат различни филмски адаптации на класичниот роман „Повик на дивината“ каде покрај различни актери имаше една иста работа, кучето Бак „го глумеше“ секогаш вистинско куче,
... најновата верзија, John Thornton (актер Харисон Форд) за време на „Јукон златна треска“ создава една нераскинлива врска со необичното куче по име Бак (Buck) , специјалните ефекти и скоро идеална компјутерска обработка на движењата на кучето Бак ми остави голем впечаток на моменти смешни, радосни, а богами и тажни секвенции, додека го изгледав филмот во еден здив!
 

MARCELLO

Модератор
Член од
15 јули 2007
Мислења
10.754
Поени од реакции
4.980
Филм од 1993 кој вреди да се погледне. Моментално додека пишувам на ТV 1000 го даваат.


Џони Деп и Леонардо Дикаприо во млади години.

Гилберт (Џони Деп) се грижи за својот брат (Леонардо Дикаприо) кој има пречки во развојот. Поради смртта на нивниот татко Гилберт го носи товарот во семејството па така се грижи и за својата мајка, некогаш убавица но сега премногу дебела жена.

Откако Гилберт се заљубува во една Беки тој открива нови возбудливи можности во животот.
 
Последно уредено:
Член од
26 јануари 2009
Мислења
8.620
Поени од реакции
11.045
What happened to Monday?

Дејствието е временски сместено во некоја дистописка иднина во која човекот се соочува со пренаселеност, болести и недостаток на храна и вода кои на долг рок би биле недоволни за сите. Поради тоа човештвото се решава за политика на едно дете и од тука почнуваат проблемите на личноста Карен Сетман.

Mirage

Кој е фан на заплетканите шпански трилер мистерии од типот на The body, The invisible guest дефинитивно треба да го погледне филмот, мислам дека се работи за истиот режисер. Ако ви се допаднал The butterfly effect тогаш вреди да го погледнете.

Spectral

Исто, дејствието е сместено во некоја иднина после трета светска војна во свет во кој човештвото е фокусирано на војни и развој на се поиновативни оружја. Филмов изгледа бонбона и делува ко да играте игрица. Ако тоа ви е доволно и немате замерки од типот на дејствието се случува во Молдавија, а луѓето зборат пола на руски или некој словенски јазик, пола на романски, а локацијата очигледно не е Молдавија. Или па Молдавија е земена ко земја која развива оружја кои се закана за опстанокот на човештвото, што изгледа смешно ако се земе дека Молдавија се утепани нешто ко нас. Исто, многу квази наука, но ако само сакате да го пуштите мозокот на пасење и да гледате добра пуцачина и сеоски Aliens тогаш дефинитивно нема да ви биде губење на време.

The one I love

За филмов, кога го пуштив сакав да го гасам пошто ми беше копија на Соларис. Но, тоа е само зачетокот. Се на се интригирачки, бар мене таков ми беше, веројатно на доста луѓе ќе им биде досаден.
 
Член од
31 мај 2020
Мислења
60
Поени од реакции
80
Carnival Of Souls

Психолошки црно - бел хорор, рај за љубителите на класици.
Тензичен и непредвидлив до крај. Снимен е крајот на 60-тите и се рачуна како нискобуџетен филм ради режисерот (Herk Narvey), кој немал финансиски средства па, му недостасувала актерска екипа. Со намера да компензира, лично ја презема и толкува улогата на еден од главните актери во филмот. Во прилог ќе оставам линк од филмот под фотографијата, што значи го имате на youtube целосен со subtitles. (Да предупредам дека ќе треба со доста внимание да го следите ако сакате суштински да ја разберете приказната). Но, вреди за цела пажња и пари.

Викендашкава недела чипс, кока кола и внимание се сешто ви треба. (y)


p4157_v_v8_aa.jpg


Автоматски споено мислење:
 
Последно уредено:
На врв Bottom