Прашања за Христијанството II

[dystopian]

Уште одма комотно си можел да идеш да прашуваш у прашања за атеистите или прашања за Исламот.

За две недели кога ќе смислиш уште бољи камбек, цитирај го пак, по трети пут

 

[Antiteist]

Верниците често кажуваат дека напишаното/кажаното од Апостолите и Светите Оци има иста тежина/значење како и кажаното од Бог во Библијата.
Би сакал да знам каде и кога е напишано/озваничено тоа?

 

[Bodhidharma]

На кој поточно случај мислиш кога велиш „50 рака“?
Доколку Бог ти се објави тебе лично, тоа не е верување од прва рака, туку од нулта рака, затоа што ти си личен сведок на Божјото откровение и во тој момент ако во нешто веруваш, тоа би било вера во твоите очи, уши, вера во твојата свесност во тој момент. Доколку ти му кажеш на некој друг, е тогаш тој би верувал од прва рака, а таа рака ќе му бидеш ти.



Тоа е делумно точно. Христијанската вера се сведува на верба во луѓе на кои што Бог им се објавил лично, но не се тоа луѓе од типот на Мухамед на кого муслиманите му веруваат на „жими мајка“. Тоа се луѓе кои Бог ги потврдил (како Негови пророци, Негови апостоли) со одредени знаци кои се лесно препознатливи за искрениот трагач на вистината за Бог.

На пример, додека во Кyранот немате ниту едно изречено и исполнето пророштво, во Библијата имате илјадници такви кои се исполниле во најситни детали иако биле проречени стотици години порано.

Додека Кyранот е приватна и таинствена објава до само еден човек (без ниту еден сведок) кој со ништо не покажал и докажал дека Бог стои зад него (освен со извесни освоени воени битки) во краток период од 23 години, Библијата била јавна објава, со многу сведоци, во период од 1600 години попратена со знаци и чуда на Божјите пророци и апостоли, а најмногу Христос нели.

Кај апостолите, меѓу другото, не гледаме никакви задни мотиви, никакви причини зошто би лажеле за она што го виделе и чуле, затоа што речиси ситу до еден (и не само тие), со крв го завериле своето сведоштво бидејќи биле прогонети и умреле за својата вера.

Но не биле само апостолите очевидци на воскреснатиот Христос. Стотици други луѓе го виделе воскреснатиот Христос и многумина од нив исто така маченички биле убиени, но не се одрекле од она што со своите очи го виделе и со своите уши го чуле.

Кај Мухамед, пак ќе го земам него за пример, ситуацијата е дијаметрално спротивна. Неговата веродостојност и кредибилитет не бил прочистен низ оган и крв (ако можам така да се изразам). На него не му бил ставен нож под грло за да го проверат дали навистина е спремен да умре за својата приватна објава или не. Тој не жртвувал ништо, па ни својот живот. Тој не се откажал од никакви уживанции во овој свет, туку имал големо богатство, власт, многу жени и сл.

Значи да, христијаните веруваат на вера што не е од нулта рака, туку е од прва рака, но во „рака“ што е од Бог потврдена, рака која има силен кредибилитет и Божји авторитет.
А ако бидеме искрени и размислиме подлабоко ќе видиме дека премногу други работи ние ги веруваме од прва, втора, трета итн. рака и често пати не ги ставаме ни под знак прашалник. На пример, многу луѓе им веруваат на новинарите кои често ги добиваат информациите и од трета, четврта рака. Луѓето им веруваат на новинарите и покрај тоа што знаат дека тие редовно имаат за цел да ја „напумпаат“ информацијата за таа да изгледа по бомбастично, по интересно, за и нивната статија да биде почитана. И често пати тие истите луѓе приговараат дека христијаните се лековерни кога веруваат во извештаите на апостолите. Ма дај ти се молам

Jaс не оспорувам ничие искуство, секој си е приказна сама за себе. Не можам да прифатам туѓата вистина да биде и моја. А тоа се наметнува постојано во светов, на било кое поле па и на ова, спиритуалново.
Кој што сака нека видел, и нека види. Не се ни замарам дали е така или не е така. Од ова што го знам до сега секој човек живее во свој универзум. Некако ни се испреплетени патиштата, ама да не образлагам.
Во тој универзум секој засебно си е Бог, па ако сака тој Бог да разговара со Бог(својата сенка) јас немам ништо против , само што тоа ќе си биде негова вистина, а не моја.

 

[DBack]

Шо се смееш ко ззелен, нели е Исус син божји? Ќе се осмелиш да порекнеш дека е?

 

[Nonteizam]

Значи да, христијаните веруваат на вера што не е од нулта рака, туку е од прва рака, но во „рака“ што е од Бог потврдена, рака која има силен кредибилитет и Божји авторитет.
А ако бидеме искрени и размислиме подлабоко ќе видиме дека премногу други работи ние ги веруваме од прва, втора, трета итн. рака и често пати не ги ставаме ни под знак прашалник. На пример, многу луѓе им веруваат на новинарите кои често ги добиваат информациите и од трета, четврта рака. Луѓето им веруваат на новинарите и покрај тоа што знаат дека тие редовно имаат за цел да ја „напумпаат“ информацијата за таа да изгледа по бомбастично, по интересно, за и нивната статија да биде почитана. И често пати тие истите луѓе приговараат дека христијаните се лековерни кога веруваат во извештаите на апостолите. Ма дај ти се молам

Точно е дека на новинарите им се верува иако повеќето од информациите ги добиваат преку извор, или пак преку извор што познава извор (прва или втора рака како што ги нарекуваш). Но разликата помеѓу новинарите и евангелистите е таа што кај новинарите постои можност за демант од другата страна. Најпосле новинарството е општествена дејност која е подложна на грешки, извитоперување на факти, па дури и манипулирање... Верниците иако ги знаат овие работи, сепак не се сомневаат воопшто во веродостојноста на фактите кои се напишани во евангелијата. Здравата логика вели дека ако во 21 век, време на супер-информираност, можат да се кријат битни податоци и да се лажира вистината, во првиот, вториот и третиот век тоа било уште поверојатно и уште полесно за изведување.
Точно е и дека многу историски податоци, па дури и општо познати факти се добивани преку сведоштва или преку усни преданија (прва...втора...трета рака...) но разликата помеѓу религијата и историјата е таа што историјата не се стреми кон слепа послушност од оние кои ја проучуваат, односно е отворена и кон корекции и кон менување. За разлика од неа Библијата е неприкосновена и 2000 години тврди дека се што е напишано во неа е точно од А до Ш.
Тоа е проблемот помеѓу Библијата (односно било кој религиски текст) и секој друг напишан „факт“ во историјата.
Неможе да не се сомневаме во мотивите на оние кои ги пишувале евангелијата. Посебно затоа што биле прогонувани поради нивниот став. Тоа е наивно. Да не се сомневаме во нивните сведоштва иако напишале нешто што е невозможно и по денеска познатите по физичките законитости. Дај тогаш да не се сомневаме и во Џозев Смит, Рон Хубарт, Харолд Кампинг...
Зошто не е поверојатно и пологично дека тие метафорично и хиперболично сакале да направат светец (а со самото тоа и култ) од еден мудар и правичен човек (Исус), кој бил измачуван и умрел поради своите ставови - спротивни од тие на Римската империја... Оваа верзија на приказната изгледа многу пологична, за жал на христијаните - помалку света и возвишена.

 

[~>}VOJVODATA~~LAVOT{<~]

Шо се смееш ко ззелен, нели е Исус син божји? Ќе се осмелиш да порекнеш дека е?

Не е точно тврдењето дека Исус не е Бог.

 

[DBack]

Не е точно тврдењето дека Исус не е Бог.

 

[MIKI1]

Верниците често кажуваат дека напишаното/кажаното од Апостолите и Светите Оци има иста тежина/значење како и кажаното од Бог во Библијата.
Би сакал да знам каде и кога е напишано/озваничено тоа?

„Озваничено„ е од Црквата. И денешните богослови, од кои некој може да биде Свет Отец во догледна иднина, го велат истото: дека кажаното од Светите Оци е на исто рамниште како и кажанот од Христа Бога. Принципот е едноставен: учењето, кое Христос им го предаде на Апостолите, има свој континуитет од Апостолите на првите епископи, се‘ до денешните богослови.

Нема посебен „датум„ или документ, според кој е одредено она кое го прашуваш. Светото Предание од Црквата има свој континуитет низ времето и во Црквата и така ќе остане барем до второто Христово доаѓање.

 

[vone]

Мики!!!!!
Уште не ми одговори како преживеале хиените откако Ное ги избркал од Арката!

 

[Чорбаџија]

„Озваничено„ е од Црквата. И денешните богослови, од кои некој може да биде Свет Отец во догледна иднина, го велат истото: дека кажаното од Светите Оци е на исто рамниште како и кажанот од Христа Бога. Принципот е едноставен: учењето, кое Христос им го предаде на Апостолите, има свој континуитет од Апостолите на првите епископи, се‘ до денешните богослови.

Не би рекол. Во Светото Божјо Писмо јасно пишува дека некои и од првите епископи ќе отпаднат од верата и ќе поучуваат изопачено. Светиот апостол Павле ги нарекува свирепи волци.

„ Внимавајте на себе и на целото стадо, во кое Светиот Дух ве постави за надгледувачи (оригинално: епископи) за да ја пасете Божјата Црква, која Тој ја придоби со Својата крв. Јас знам дека по моето заминување, ќе навлезат меѓу вас свирепи волци, кои нема да го штедат стадото; а и од вас самите ќе станат мажи, кои ќе зборуваат изопачено, за да ги одвлечат учениците по себе.“ (Дела 20:28-30, Библијата)

Оттука гледаме дека е сувишно тоа што некои биле епископи (според MIKI1 имале историски континуитет) со апостолите, кога Павле јасно кажува дека и тие ќе отпаднат.
Понатмау, И фарисеите се повикувале на својата историска (крвна) поврзаност со Авраам, но сепак Јован Крстител им рекол дека Бог може и од камењата да издигне чеда на Авраам, а Исус им рекол дека се деца на ѓаволот.

„И не велете си во себе: "Авраам е наш татко", зашто ви велам, Бог може од овие камења да му издигне чеда на Авраам. Секирата веќе лежи при коренот на дрвјата; затоа секое дрво што не дава добар плод, се сече и се фрла во оган“ (ев. Матеј 3:9-10, Библијата)

Значи залудно некој се фали дека на главата ги има отисоците на апостолите. Ако тој/таа не дава плод, секирата нема да го одмине.

„Исус им рече на евреите кои Му поверуваа: "Ако продолжите да го следите Моето слово, навистина сте Мои ученици..." Му одговорија: "Ние сме Авраамово потомство..." Исус им одговори: "Знам дека сте Авраамово потомство, а сепак сакате да Ме убиете, зашто Моето слово не наоѓа место кај вас..." Му одговорија и рекоа: "Наш татко е Авраам". Исус им рече: "Вие поттекнувате од вашиот татко - ѓаволот." “ (ев. Јован 8:31-44, Библијата)

Слично е и со некои традиционални христијани денес. Тие можат да си велат „Ние сме потомци на апостолите“, но доколку Христовото Слово не наоѓа место кај нив, Христос им вели: „Вие поттекнувате од ѓаволот!“

Христос исто така ни кажува дека дури и онаа црква која што е оформена директно од апостолите, може да биде отсечена доколку ја остави „првата љубов“ кон Бог.

"Но имам нешто против тебе, зашто ја остави првата љубов. И така спомни си од каде падна и покај се. А ако не, скоро ќе дојдам при тебе и ќе го отстранам твојот светилник од неговото место, ако не се покаеш."
(Откровение 2:4-5, Библијата)

Од друга страна пак уште во времето на Христос имало Христови ученици независни од апостолите. Во една прилика апостолите виделе еден таков „илегалец“ и реагирале кај Христос барајќи одобрение да му забранат да дејствува во Христово Име, заради тоа што не е „еден од нив“ (светата елита). Но Христос не им го одобрил тоа, цитирам...

„Јован Му рече: "Учителе, видовме еден, кој во Твое име изгоднува демони, а не не следи, па му забранивме зашто не оди по нас." А Исус рече: "Не бранете му! Зашто нема никој кој би правел чудо во Мое име, а да може веднаш потоа лошо да зборува за Мене. Зашто, оној кој не е против нас, тој е со нас."“ (ев. Марко 9:38-39, Библијата)

Просто е неверојатно колку Божјото Слово е релевантно и за ден денес опфаќајќи исти појави кои се случувале и во времето на апостолите. Очигледно човекот не се променил многу, а особено не во неговата духовна надменост над другите.

 

[frose94]

Ако Бог е еден дали врската со припадник од друга вера се смета за грев?
Каков став има православието кон гатачките или лицата надарени од Бог со моќ да предвидуваат? Според христијанството знам дека се забранети, но од друга страна зошто имаат таква мисија ,,да им помагаат на луѓето''?
Зошто не се бања на поважните празници?

 

[MIKI1]

Не би рекол.

И јас исто така!
Види мајката, конечно во нешто да се согласиме...
--- надополнето: 6 февруари 2012 во 08:45 ---

Ако Бог е еден дали врската со припадник од друга вера се смета за грев?

Овој дел од постот е премногу воопштен. Ако се однесува на православните рисјани, тогаш, да, не им е дозволено мешање со други вери, освен ако иноверниот сопружник се покрсти во Христа Бога.
--- надополнето: 6 февруари 2012 во 08:47 ---

Каков став има православието кон гатачките или лицата надарени од Бог со моќ да предвидуваат?

Таа моќ не им е од Бога дадена, туку ја примаат од лукавиот.
--- надополнето: 6 февруари 2012 во 08:50 ---

Според христијанството знам дека се забранети, но од друга страна зошто имаат таква мисија ,,да им помагаат на луѓето''?

Таквите поединци, кои имаат несекојдневни особини, воопшто не им помагаат на луѓето, туку со тие свои способности, ги наведуваат луѓето право кон ѓаволот, за да тој им биде бог и за нему да му се поклонат.
--- надополнето: 6 февруари 2012 во 08:51 ---

Зошто не се бања на поважните празници?

Бањањето е забрането само во денот после примената Светата Причест, од предострожност. Бањањето не само што не е забрането, туку е препорачливо.
--- надополнето: 6 февруари 2012 во 09:06 ---

Мики!!!!!
Уште не ми одговори како преживеале хиените откако Ное ги избркал од Арката!

Важи, ќе Ти одговорам, ама прво посочи ми каде и кога Ное ги избркал хиените од арката.

 

[vone]

Важи, ќе Ти одговорам, ама прво посочи ми каде и кога Ное ги избркал хиените од арката.

Да ти посочам, заебаваш сега, абе не ли беше ти библиски стручњак........
.. таму негде погоре ти спомнав од каде го чув тоа...

 

[spiros]

.



Оваа слика и текст не ја преставува точно Исусовата молитва во градината Гетсемани, бидејќи Тој (Господ Исус Христос) падна ничкум (Ев.Матеј 26:39) пред БОГА (Отецот), Кој што одсекогаш бил и е’ лично во Него, а само на кратко Го напушти Телото на Својата Првородена и најљубена Мудрост, за да се изврши спасението на кое што упатуваа сите вистински Старозаветни Пророци!


Совршениот БОГ нека ги чува душите на верниците од вакви злонамерни карикатури, кои имаат за цел само да ги одтргнат од Совршената Вистина во Господа Исуса Христа !

Амин


.

 

[DBack]

.
Оваа слика и текст не ја преставува точно Исусовата молитва во градината Гетсемани, бидејќи Тој (Господ Исус Христос) падна ничкум (Ев.Матеј 26:39) пред БОГА (Отецот), Кој што одсекогаш бил и е’ лично во Него, а само на кратко Го напушти Телото на Својата Првородена и најљубена Мудрост, за да се изврши спасението на кое што упатуваа сите вистински Старозаветни Пророци!

На колку време го напушти телото? Не ли можеше спасението да го направи додека беа заедно двајцата во телото? ...или тројцата, ако внатре бил и гулабот.

...и после пак го напушти, нели, пошто знам дека на крстот Исус така нешто викаше.