- Член од
- 21 септември 2008
- Мислења
- 14.569
- Поени од реакции
- 14.343
Комисијата за пандемичен грип, денеска или утре ќе решава за порано почнување на распустот за учениците поради се поголемиот број болни од опасниот грип, но и поради се поголемиот број отсутни ученици, кои не одат на настава поради страв од болеста. Според извори во комисијата, распустот би требало да почне од 15 декември и со тоа да се намали можноста за пренесување на болеста, која според очекувањата на стручните лица би требало да достигне максимум токму во овој период до Нова година. Барања за порано почнување на зимскиот распуст стигнале и од неколку училишни одбори, а и дел од директорите го известиле Министерството за образование дека се поголем број ученици отсуствуваат од настава. Но, според портпаролот на Министерството за образование, Горан Галевски, засега нема никаква одлука и учениците ќе одат на распуст од 1 јануари, како што е предвидено со редовната програма. Инаку, во саботата на Клиниката за инфективни болести почина три и полгодишно девојче од Скопје со потврдени симптоми на вирусот А(Х1Н1). Девојчето било примено на Клиниката пред пет дена во исклучително тешка општа состојба поради што веднаш било ставено на респиратор. Уште од шестмесечна возраст се лекувало, а во неколку наврати било и хоспитализирано на Детската клиника поради грчеви. Тоа е шеста жртва од свински грип во Македонија. Во тешка состојба, според информациите од Министерството за здравство, се уште тројца пациенти. Еден 25-годишен пациент со бронхопневмонија примен на 28 минатиот месец, кој се уште е на респиратор, и 40-годишната жена, хоспитализирана во средата. Нејзината здравствена состојба во саботата нагло се влошила, поради што е поставена на асистирана вентилација. Пациентката е се уште во многу тешка состојба. Во тешка состојба е и една пациентка, која била хоспитализирана вчера со знаци за тешко респираторно засегање. Таа е поставена на вештачка вентилација. Во последните 24 часа евидентирани се нови 22 случаи на болни од свински грип. На Клиниката за инфективни болести хоспитализирани се 17 нови пациенти, а на Инфективното одделение во Воена болница уште пет пациенти сомнителни за инфлуенца А(Х1Н1). Сите се во стабилна здравствена состојба. На Клиниката за инфективни болести сега се хоспитализирани 115 болни, а вкупниот капацитет на оваа болница е 120. Во Воена болница се лекуваат 42 пациенти со симптоми на новиот тип грип, а на Клиниката за детски болести во изминатото деноноќие се хоспитализирани 11 нови пациенти. Моментно, болнички се лекуваат 71 дете со симптоми на грип, на возраст од шест месеци до пет години. Сите новопримени пациенти се со полесна клиничка слика, освен едно дете, кое има потешка форма на пневмонија.
Извор
Нас исто денеска и една професорка која е многу блиска со директорот ни го потврди ова. Требаше да правиме писмена на 22, ама се одложи писмената. Ни кажа дека распустот ќе започне од 20ти декември, но не се исклучува можноста и тоа да биде порано. Иначе распустот ќе си трае исто до 20 Јануари.
Извор
Нас исто денеска и една професорка која е многу блиска со директорот ни го потврди ова. Требаше да правиме писмена на 22, ама се одложи писмената. Ни кажа дека распустот ќе започне од 20ти декември, но не се исклучува можноста и тоа да биде порано. Иначе распустот ќе си трае исто до 20 Јануари.