Како тазе дипломиран политолог на државниот универзитет, топло би препорачала на сите кои сакаат да се запишат да одат без двоумење. Има некои тупаџиски правни предмети и асистенти, но има и одлични професори, одлични асистенти од кои може многу да се научи, кои си го сакаат факултетот и предметите кои ги предаваат и од кои може многу да се научи. Учиш за политиката како таква, за сите можни правци, за политичките системи, за политичките партии и интересните групи - како функционираат, што е нивната цел и задача...
Може навистина доста да се научи.
По 5те семестри имате по 4 предмети, во последниот 6тиот има пет предмети.
Прв семестар:
- Современа македонска и европска историја 18 и 19 век
- Политологија
- Англиски јазик
- Политички теории
Втор семестар:
- Теорија на правото (или вовед во право слободно кажано)
- Информатија
- Политичка економија
- Конституционализам
Трет семестар:
- Политички систем
- Современи политички теории
- Јавно мислење и масовни комуникации
- Политичка социологија
Четврт семестар:
- Јавна администрација
- Современи политички системи
- Политички партии и интересни групи
- Цивилно општество
Петти семестар:
- Економска политика
- Меѓународно право
- Историја на дипломатија
- Социјална психологија
Шести семестар:
- Современи економски теории
- Меѓународни политички односи
- Теории за мирот и конфликтите
- Политичка филозофија
- Локална самоуправа
Значи секој од предметите се поминува со труд. 100 поени има вкупно распоредени се 35 +35(од колоквиуми) + 20(есеј) + 10(активност)
Јас би ви препорачала доколку се запишете на овој факултет да бидете што е можно послободни, посебно при дискусии и активности, бидејќи највеќе се учи така и најинтересно е. Иако зависи од група, сепак има и ептен интересни дискусии, па дебати, па и расправии.
Не е совршен факултет, лично јас сум најсреќна што се запишав факултетот, го обожавам затоа што ми ги прошири видиците за некои работи и научив доста. Е сега има и заебанции, ама тоа претежно се стандардните бирократски работи кои мора да се издржат. Дури чак може и факултетов да ве очеличи со одредени нервози.
Ви го кажувам моето искуство кое беше одлично горе- доле, немав поголеми тешкотии и проблеми, ама затоа ќе напоменам активноста, заинтересираноста и редовното следење на предавања се многу битни и многу ми помогнаа.
Кој има дополнителни прашања, нека си каже, пошто вака не ми текнува повеќе во оваа доба.
И уште нешто, Македонија има ужасен недостиг од политолози и политички аналитичари и експерти, кои ќе знаат секоја политичка ситуација да ја оценат правилно, да ја разгледаат од секој можен агол, од секоја можна перспектива, да знаат да ја изанализираат правилно со објективни очи. Пошо експерти платеници од двете партии има еден куп, тие со лопата моеж да ги ринеш, но тие придонесуваат за гниењето и труењето на македонското општество.
Според мене политолог мора да биде независен, слободен и да има можност самиот да создава мислење, а не да му биде претходно наметнато од некој друг.
И мене ми е стварно жал што во Македонија нема посебен факултет за политички науки. Тогаш немаше политологијата да е толку истисната, а политолозите да се гледаат како црни офци или wannabe експерти. Мора да им се дозволи на политичките науки да се развиваат, а со тоа што ќе бидат поттиснувани од страна на фрустрации, само ќе одат надолу. Но, верувам дека може сето тоа да се промени.
![kikser[g.p]](/data/avatars/m/24/24157.jpg?1306674082){kind=avatar}
