Прашањето е кој е подмитен и сега, и кој мижел 9 месеци откако се смени власта, а притоа надлежностите на Државниот Инспекторат и налагаат на таа институција да ги провери ваквите објекти и ако има неправилности, да ги утврди, тоа законот го налага. 9 месеци тука не биле утврдени никакви неправилности и оваа шупа, очигледна шупа, која да ја видиш само од надвор на 2 секунди знаеш дека има 100 неправилности, си работела и понатака без никаков проблем како што беше случајот и во изминатите години.
Што значи, потфрлањето на институциите и системот и понатака било случај, а од истите тие институции моментално нема никој во притвор што е малку сиптоматично, ако се знае дека поранешниот директор на ДПИ е исто така во притвор. Точно е дека ДПИ нема обврска секој ден да ги проверува овие објекти, ама има обврска да ги провери барем еднаш во годината, нарочито што Кочани не е метропола со 200 дискотеки, една дискотека е, секој ја знае, и секој знаел истата на што личи. Па се поставува прашањето, дали во 9 месеци ДПИ ниту еднаш не влегле да ја проверат оваа шупа која функционирала како диско, или ја провериле, и мижеле и не констатирале ништо. Кое и да е точно од овие 2 сценарија, таму мора да има одговорност!
Друга работа, не следам толку до ситни детали све, ама прочитав некаде дека оваа дискотека имала и блокирана сметка, па како функционирала тогаш сега, ако сметката била блокирана? И зашто никој ништо не превзел во врска со истово, ако секако, истото е точно, бидејќи и ова се додава на листата зашто оваа дискотеката воопшто и не требала да работи. Ете, претходната власт мижела пред истово, ама и моменталната структура одговорна за вакви работи, го правела истото, да не беше овој страотен пожар, и викендов ќе имаше деца таму што ќе се журкаа, како што било случај секој викенд во изминативе година дена.
www.facebook.com
