Сепак не ми одговори експлицитно на моето прашање дали сите Македонци кој од 1913 до 1944 година морале да имаат Грчки,Бугарски или Српски документи станаа Бугари,Грци или Срби?Твојата фамилија пребегнала во Македонија и секако благодарение на тоа вие сите сте останале со Македонски лични карти и пасоши,ам што со тие кој пребегнаа во Бугарија,Чешка,Романија или Русија,или со оние Македонци кој заминаа во Австралија или Канада и САД?Треба ли да им забраниме да се кажуваат Македонци,да се чувствуваат Македонци само затоа што немаат Македонска лична карта или пасош?Ајде бе не заебавај,некој да те чита ќе помисли дека си на мислење оти Хунзите се поголеми Македонци одколку самите Македонци ебаго.Зар и ти почна да веруваш во заплетите на Соросоидите кој велат дека Македонци има секаде,ама во оваа Македонија ги има најмалку,или што е полошо некој од нив одат дотаму дека во оваа Македонија не живеат Македонци,туку нешто друго,како Славомакедонци или Скопјани?
Јас пак ќе потенцирам дека Македонците без разлика какви документи ќе извадат и од какви причини,нема да бидат помалку Македонци одколку оние што моментално живеат изолирани во ова модерно ГЕТО кое само Џорџе Иванов не го гледа.
-Македонците низ историјата,во текот на последниве скоро 2000 години биле присилувани на преселби,протерувани,угнетувани, тероризирани,асимилирани,но сепак во генот им е вградено да си останат Македонци,без разлика каде и да се,и било со какви документи да располагаат,најважни се чувствата и географијата како неуништлив “документ“ на нивното постоење.
За дел од твојот пост велам дека си во право. Во еден дел од егзодусот од Грција, во 1920 година, дел од нашата фамилијата замина во Бугарија - Варна, Бургас и Софија. И денес тие за себе велат дека се Македонци, иако Бугарски државјани. Но и во Бугарија, па и во Австралија и Канада, има дел од Македонците кои себе се гледаат како Грци или Бугари.Тоа и го нагласив во еден мој претходен пост, дека превентивата е во свеста на секој Македонец.
Денес во НОВА МАКЕДОНИЈА излезе уште еден напис на оваа тема, ќе го пренесам во продолжение:
Се пишав Бугарин, ама се чувствувам како Македонец
За да си ја исчистат совеста, голем број македонски граѓани што извадиле бугарски пасоши или лични карти потпишуваат изјава кај македонски нотар дека се чувствуваат како Македонци и покрај тоа што претходно се изјасниле како Бугари. Овој документ не игра голема улога во определувањето на националноста, но на македонските граѓани им служи за да го оправдаат вадењето на бугарските лични исправи и да ја исчистат совеста поради тоа што се изјасниле како Бугари.
„Под кривична и морална одговорност изјавувам дека сум Македонец по националност, и покрај тоа што имам бугарска патна исправа и лична карта со која изјавувам дека сум Бугарин по потекло“, е најчестата форма преку која македонските граѓани пред нотар го демантираат она што го направиле, поради финансиски, здравствени или социјални причини.
Нотарите со кои се консултиравме велат дека овој документ не игра улога во правниот промет, се заведува само по волја на странката и не влегува во официјалната државна евиденција.
„Нова Македонија“ пред два дена објави дека речиси 200.000 Македонци имаат извадено бугарски лични карти, за да можат да патуваат во земјите-членки на Европската Унија. Дел од нив ова го прават незаконски, преку пријавување лажна адреса на живеење, а процесот не наидува на отпор кај бугарските власти. Напротив, процедурата на вадење бугарска лична карта е премногу едноставна и на македонските граѓани им се бара само копија од пасош и од матична книга на родени, како и молба до Државната агенција за Бугари во туѓина и до Министерството за правда дека барателот се чувствува како Бугарин, дека има бугарско потекло, исто како и неговото семејство. Преку посредник (кој наплаќа од 150 до 200 евра), целата работа се завршува за околу 5 месеци.
Зачудува фактот што македонското министерство за надворешни работи молчи пред масовниот одлив на македонските граѓани.
- Немаме инструмент за регистрирање, ниту пак за евиденција на бројката на издадени бугарски пасоши и лични кати. Овие информации ги има бугарското МВР и Агенцијата за Бугари во туѓина - изјавија од МНР.
Со оглед на тоа што Бугарија е членка на ЕУ, податокот на издадени лични карти на Македонци (што е приближно еднаков на бројот на Македонци што се изјасниле како Бугари по националност), може да се искористи на различни начини во корист на Бугарија, а на штета на Македонија.
- Бугарија како членка на ЕУ, а раководена од своите сопствени интереси може да постави услов: еве, имаме 200.000 лица од Македонија што се Бугари по националност, бараме тие официјално на попис да се изјаснат на која нација и припаѓаат - вели професорот по меѓународно право Денко Малески.
Според него, централниот проблем на оваа појава на масовно откажување од националниот идентитет, лежи во нашата, а не во бугарската држава.
- Проблемот треба да го погледнеме во себеси. Другите се водат од своите интереси, додека ние доцниме со евроатлантските интеграции и токму затоа ни се случува ова што ни се случува. Второто е работа на нашата внатрешна и надворешна политика во однос на интегрирањето во ЕУ и во НАТО. Од тие причини мора многу брзо да се најде излез од овие лавиринти и да излеземе од балканските сокаци. МНР има инструмент за да ја спречи оваа појава, преку преиспитување за тоа дали се прекршуваат меѓународните прописи и стандарди. Но факт е дека зад сето ова се презентира политика на менување на националниот идентитет на дел од македонското население - вели Малески.
Идентитетот на Македонците, вели тој, е расклатен од две страни: од една е грчкиот спор за името, а од втора преку одливот на Македонците кон бугарскиот национален идентитет. Факт е и дека ниту една од овие две држави не го признава македонското малцинство.
Од МАНУ вчера не сакаа да ја коментираат појавата на поигрувањето со македонскиот национален идентитет кога станува збор за лесните процедури при вадењето лични документи на Македонците во Бугарија. Георги Старделов, претседател на МАНУ, изјави дека не читал во медиумите за овој проблем, додека академикот Блаже Ристески рече дека дополнително ќе се изјасни.
Европската Унија веќе даде приговори до неколку земји, меѓу кои и Бугарија, дека со премногу лесни и едноставни процедури издаваат патни исправи на граѓаните од Молдавија и од Македонија. Но со оглед на тоа што секоја држава има суверено право да ги уредува овие прашања, ЕУ не смее понатаму да се меша во нивните одлуки.
http://www.novamakedonija.com.mk/DesktopDefault.aspx?tabindex=2&tabid=2&fCat=1&EditionID=343&top=1&ArticleID=20397
