Мораш да имаш иста адреса во сите документи, зашо ако те проверат ќе јадеш казна.
Неточно.
За издавање на нов пасош поради промена на адреса на живеење, веќе пишав.
Во врска пак со издавање на нова лична карта поради промена на адреса на живеење, има 2 различни ситуации:
1. Ако граѓанинот сам извршил промена на адресата на живеење, на пр. се преселил од еден сопствен стан во друг сопствен стан да живее или почнал да живее во стан под кирија, тогаш согласно член 8 од Законот за личната карта е должен во рок од 30 дена да поднесе барање за издавање на нов лична карта, независно од тоа дали сегашната лична карта е со ситечен рок на важност или не. Ако не поднесиш барање, казната е од 20 до 80 евра.
2. Ако пак адресата на живеење е променета согласно Законот за определување на имиња на улици, плоштади, мостови и на други инфраструктурни објекти, односно промената на називот (преименувањето) на улицата е направена од Советот на Општината или Советот на градот Скопје, тогаш НЕ е потребно да вадиш нова лична карта, туку по истекот на сегашната лична карта, во новата лична карта, новата адреса на живеење ќе ти биде автоматски внесена во новата лична карта. Ова е согласно член 7 став (5) од истиот Закон. И во овој случај не сносиш никаква прекршочна одговорност.
Поздрав.
Адвокат Ѓорѓи Павлов Кавадарци