ПИСМА - ОХРИДСКИ УГОСТИТЕЛСКИ КРАЖБИ
Периодов, случајно или не , ете така испадна, со колеги кои не се од Охрид да посетам неколку угостителски локали, и можам да кажам со еден збор дека се запрепастив и тоа како прво од тотално непрофесионалниот однос на келнерите, шанкерите, па и на самите " газди " на кафаните. Значи да напоменам дека станува збор за места кои важат за пореномирани во градов (или барем за така некој мисли).
Со кое право келнерот кога стигна нашата нарачка на шанк си зеде со прсти од помфритот??? Каде му е ако не повеќе домашната култура? Еден од пријателите на масата во истата кафана праша какво е кафето кое го служат во кафаната? Келнерот повеќе од очигледно беше дека не го разбра прашањето и одговори сосема нешто десетто...дека кафето го служеле во многу убаво дизајнирани шолји...мислам дека не е во ред! А дури и во случај да незнаеше какво е кафето можеше слободно да праша во шанкот и сл. Никој немаше да го кара.
На друго место порачавме скара јас и една пријателка, значи двете порачавме различно јадење, кое нормално и некошташе исто. На крај побаравме сметка и келнерот само дојде и ни ја кажа сумата колку треба да платиме, и ни реше дека касата нешто неработела..ма ајде ви се молам!!! Сепак тоа небеше најтрагичното..кога го прашавме кое колку е, ни рече двете се по 150!!! Е како е можно???? Уште неми е јасно од каде двете порции да чинеа исто кога од старт порачавме скрос различни јадења. Повеќе од јасно е дека цените си ги кажа од памет! Еееее... вака туризам не се развива!!!
Исто така, јадевме пиевме.., доаѓа келнерката и ни носи фискална сметка, но со појаснување" ова не е вашата сметка, ама износот е тој" коментар не е потребен! Мислам дека некој треба да се загрижи за сево ова, и да незборуваме за извесна нехигиена во смисла на пајажини, неисчистени тоалети и сл. Дури еднаш бев и сведеок како шанкер вербално нападна ни крива ни должна госпоѓа... Не е во ред! Дали некого го фатило иштав за помфрит, или дали била касата расипана или шанкерот станал на лева нога, на гостинот не го интересира! И да незборуваме за цените...тоа е друг муабет ( шо би се рекло)...напредок вака нема!
( авторот познат на редакцијата )
ohridon.com се оградува од ставовите и мислењата на авторот