Најдобрите македонски романи?

[Genesis]

Не зборувам за драми, поезија, кратки раскази и слично, туку исклучиво за романите. Освен Пиреј, кој секогаш е на врвот на нашите листи, кои други наши романи би ги издвоиле?

 

[Anco]

„Крпен живот“
кога авторот го (рас)кажувал текот на својот живот,кај некои издавачи
во Београд каде одел и барал помош за објавување на своите дела,
„ тежок живот“,му одговориле а тој рекол - крпен живот
Мислам овде кај нас и имал проблеми со тоа,еве сам што вели тој;
Јас можев и повеќе да дадам, ама го губам ќеифот од издавачите.

Роман за нашето тешко време кога животот беше „крпен“
без; Рамстор,Веро,Спарк,СДС,Ибица,Јарис,ДУИ,Ајвон,Е-мајл,ЈСП....

 

[Tetro]

"Црно семе" на Ташко Георгиевски.
Романот кој мора секој македонец да го прочита, и да се замисли, барем малку.

"Големата вода" на Живко Чинго.
За сирачињата после втората светска војна.

 

[nicole_l]

„Пустина“ од Ѓорѓи Абаџиев
Сигурно ова е првата психолошка книга напишана од наш македонски писател во која освен историската подлога вметната е во најголема мера интроспективната анализа на двата главни (меѓусебно драстично различни) ликови.

 

[/МIRЧ3_МкД\]

Покрај сите овие би го додал и "Мемоарите на Алберт Ајнштајн" од Кире Илиевски , кој ја читал знае. Совршен современ македонски роман кој изобилува со знаења од теоретската физика и е лесно разбирлив за лаици.

 

[Таличниот'Том]

"Разговор со Спиноза" - Гоце Смилевски

 

[Genesis]

Ви благодарам на сите. Повеќе од половината од именуваните ги немам прочитано, така да овие денови правец накај библиотеката и се зафатувам со читање.

 

[Mary Poppins]

"Небесна и земна љубов" и "Зоја" од Паскал Гилевски
"Пеперутка" од Сашо Тасевски
"Индиго Бомбај" од Јагода Михајловска Георгиева
"Гол човек" Игор Џамбазов
"Тајната на бакарната книга" од Александар Донски
"Вештица" и "Папокот на светот" од Венко Андоновски ...

Имаме толку многу убави романи, само што нема кој да ги чита. Сите трчаат по странските бестселери.

 

[KiLian]

Горенаведените се одлични да не ги повторувам
Тунел - Петре М. Андреевски
Последниот Чај - Винка Саздова
Овде ја има ако сака некој да ја прочита Тунел
http://www.scribd.com/jchovekot/d/79124192-Tunel-Petre-M-Andreevski
Игор Џамбазов
http://www.scribd.com/doc/58760983/Priracnik-Za-Anti-Anti-Alkoholicari

 

[langelina]

„Пустина“ од Ѓорѓи Абаџиев
Сигурно ова е првата психолошка книга напишана од наш македонски писател во која освен историската подлога вметната е во најголема мера интроспективната анализа на двата главни (меѓусебно драстично различни) ликови.

Колку што се сеќавам, „Две Марии“ од Славко Јаневски е првиот психолошки роман. Го сакам и „Пустина“, иако ми е одамна читан. Ќе го ставам на список.

Мој омилен македонски роман е „Разбој“ од Владо Малески. И „Вештица“ од Венко Андоновски.

 

[Anco]

многу почнав да читам,ќе падне снег за Св.Илија,годинава
а добро се сеќавам во О.У. немам ни една лектира прочитано,
не само јас и сите други „копиљи“ и „суртуци“ околу мене,па сме ги
молеле,поточно земале тетратките од девојчињата да препишеме.
и тоа на колена,сокриени по скалине на куќине во Пајко маало.
А зошто ? Улицата ни беше тогаш и математика и лектира и домашно,
па затоа кога завршивме,гледавме да се запишеме на „занат“
т.с. кое средно е по кратко,за да пак бидеме побрзо на улица,и сме.
Е сега пак признавам многу читам,има ден ќе почнам книга со 300 стр.
и не ми се остава,да не речам кратам и од спиењето,да ја дочитам.

Во некој теми за животот во Старо Скопје вие младите имате кажано:
„Што ми е криво што не сум живеел-а во тоа време“.
Пред некој ден прочитав една книга во еден здив,таа не те остава
иако и ќе пробаш да ја оставиш за миг на маса,да би свршил некоја
работа,но погледот се ти е таму кон книгата,а таа е:
„Цена од Ново Малоо“ - Владимир Плавевски
Вистинито и автентично опишан животот во тоа Старо Скопје,пред рато,
и пред замјотресот.Не сум ни знаел дека постојат вакви романи.
За тоа време кое и јас сум го живеел,и се најдов таму во редовите
од авторот на: Вардар на Руска плажа,на Корзо,На Железен мост и т.н.
Ќе ги купам и другите од овој автор,сигирно се со иста тематика, ,
посебно ќе ја барам „Поплава“, ако се работи за “62 год. да се присетам
и на тие денови,кога бев во кино,и на сред представа го прекратија
филмот и соопштија: Скопје е поплавено,сите деца кој живеат под
пругите не може да одат дома,туку кај свој другари да преноќат.
Уф се заборавив во пишување ,како во читањето.

 

[Мартин`]

Пустина и Пиреј се дефинитивно најдобри, ремек дела!

 

[goce76]

Пиреј, Петре М. Андреевски,
http://www.kupikniga.mk/BookDetails.aspx?Pr=110
Вештица, Венко Андоновски,
http://www.kupikniga.mk/BookDetails.aspx?Pr=1027
Последниот чај, Винка Саздова
http://www.kupikniga.mk/BookDetails.aspx?Pr=62

 

[B. Boop]

многу почнав да читам,ќе падне снег за Св.Илија,годинава
а добро се сеќавам во О.У. немам ни една лектира прочитано,
не само јас и сите други „копиљи“ и „суртуци“ околу мене,па сме ги
молеле,поточно земале тетратките од девојчињата да препишеме.
и тоа на колена,сокриени по скалине на куќине во Пајко маало.
А зошто ? Улицата ни беше тогаш и математика и лектира и домашно,
па затоа кога завршивме,гледавме да се запишеме на „занат“
т.с. кое средно е по кратко,за да пак бидеме побрзо на улица,и сме.
Е сега пак признавам многу читам,има ден ќе почнам книга со 300 стр.
и не ми се остава,да не речам кратам и од спиењето,да ја дочитам.

Во некој теми за животот во Старо Скопје вие младите имате кажано:
„Што ми е криво што не сум живеел-а во тоа време“.
Пред некој ден прочитав една книга во еден здив,таа не те остава
иако и ќе пробаш да ја оставиш за миг на маса,да би свршил некоја
работа,но погледот се ти е таму кон книгата,а таа е:
„Цена од Ново Малоо“ - Владимир Плавевски
Вистинито и автентично опишан животот во тоа Старо Скопје,пред рато,
и пред замјотресот.Не сум ни знаел дека постојат вакви романи.
За тоа време кое и јас сум го живеел,и се најдов таму во редовите
од авторот на: Вардар на Руска плажа,на Корзо,На Железен мост и т.н.
Ќе ги купам и другите од овој автор,сигирно се со иста тематика, ,
посебно ќе ја барам „Поплава“, ако се работи за “62 год. да се присетам
и на тие денови,кога бев во кино,и на сред представа го прекратија
филмот и соопштија: Скопје е поплавено,сите деца кој живеат под
пругите не може да одат дома,туку кај свој другари да преноќат.
Уф се заборавив во пишување ,како во читањето.

Анчо, ова се книгите од истиот атвор, Плавевски:

• „Играч на Фанта'" (1997.),
• „Амкање" (2001.),
• „Ловец на самовили" (2004);
• „Поплава" (2006.);
• „Цена од Ново Маало“ (2009)
• „Последниот сплавар на Вардар“ (2010);
• „Вистински приказни“ (Македоника литера, Скопје, 2011)

Конкретно, Поплава ја немам читано, ама еве на кратко што изнајдов:

Книгата „Поплава“ е збирка од дваесетина раскази во кои Плавевски го продолжува својот стил на раскажување во прво лице, кој го почна во збирките „Играч на фанта“ и „Амкање“. Низ гледна точка на дете-раскажувач што го осознава светот, авторот го опишува животот во Скопје што се одвивал пред педесетина години.

Книгата „Вистински приказни“ содржи 14 раскази што се однесуваат на вистински настани и вистински личности од македонскиот филм и театар: Петре Прличко, Тодор Николовски, Шишков, Бранко Гапо, Дарко Дамески, Ацо Алексов, Ненад Стојановски, Димитар Христов, Душко Костовски, Илија Милчин, Андреј Бељан, Марија Исаја, Боре Ангеловски... Секој текст е проследен и со уметничка фотографија на главниот лик во расказот, направен од авторот на книгата.