Комити Запад / Полусезона 2022/2023
Акции за време на летото:
1. Се нацртаа 50/60 графити
2. Неколку илјади налепници.
3. Маички "Вардарци на одмор"
4. Шорцеви "Комити".
5. Баклијада на кеј (12км/500 бакљи)
6. Акција "Шаблон".
7. Членски карти (златна, сребрена и обична)
Оваа полусезона помина одлично. Од вкупно 19 натпревари, присуствувавме на точно 16. Немаше можност за гостување против Арсими и Гостивар. Воедно, го бојкотиравме последниот натпревар против Кожув.
Од можни 9 гостувања, се одработија 7.
Да напоменеме дека на гостувањата во Виница и Радовиш бевме повеќе од 150, додека на натпреварот во Битола бевме околу 300 луѓе.
Се одработија и сите гостувања од Купот. Ова го напоменувам зошто термините за одигрување беа ужасни (среда од 13:00ч). Да напоменеме дека наши членови беа присутни и на натпреварот Ф.К. Дортмунд - Ф.К. Шалке 04 (17.09.2022).
Направени се 7 кореографии кои претежно се работеа на платно. Изработени се стотина знамиња, ударен транспарент од 60м кој се закачи на оградата на натпреварот против Железничар, нов барјак, како и неколку транспаренти за на ограда.
Во однос на пиротехниката, направивме 10 баклијади/димнијади. Мора да ја потенцираме баклијадата и димнијадата на јубилејот бидејќи се запалија повеќе од 300 строба, повеќе од 50 димни, стотина огномети, како и 150 полски бакљи околу двете трибини. А на сето тоа претходеше баклијадата во форма на "87" со венец од двете страна, за чија цел се запалија околу 180 бакљи на западната трибина. Тоа беше воедно и главната најава за јубилејот. За овој натпревар направивме и караван како најава.
Фото извештај е направен од сите натпревари, додека пак имаме 8 видео извештаи и две во подготовка (Ф.К. Тетекс - Ф.К. Вардар) и (Ф.К. Железничар - Ф.К. Вардар) кои треба да излезат до крајот на месецот. Воедно, направени се 8 видео најави и промовирани се две нови песни.
Во однос на маркетингот, промовиравме нови маички - урбан код, нови шалови со логото наменето за јубилејот и шушкавци кои беа промовирани на натпреварот против Железничар. Исто така направен е и графит по повод денот на организацијата - Следбеници на идејата.
Како група присуствувавме и на ракометниот натпревар Р.К. Еурофарм Пелистер - Р.К. Вардар во Охрид (11.09.2022).
Многу се работеше на проблемот со константноста на трибината. Преку постојани герила акции имавме за цел да ги мобилизираме и поттикнеме нашите членови и подгрупи, да доаѓаат редовно на натпреварите на Вардар и мислам дека во голема мера, секако, кога ќе се земе второлигашкиот квалитет на првенството, упеавме да го создадеме тој потребен менталитет.
Герила акции се направени за натпреварите:
Ф.К. Вардар - Ф.К. Охрид (27.8.2022)
Ф.К. Детонит - Ф.К. Вардар (3.09.2022)
Ф.К. Вардар - Ф.К. Воска (29.10.2022)
Ф.К. Слога Виница - Ф.К. Вардар (5.11.2022)
Ф.К. Вардар - Ф.К. Железничар (23.11.2022)
Ф.К. Пелистер - Ф.К. Вардар (3.12.2022)
Активно се вклучивме и во борбата на нашата збратимена група "Војводи Тетово" и купивме повеќе од 300 билети за спас на Ф.К. Тетекс.
Присуствувавме и на тренингот на Вардар пред дербито во Битола каде што истакнавме парола: Порака од западот верен - сакаме срце на терен!
Силни пароли се извадени на натпреварот против Железничар:
Ќе сведочат некогаш полициските архиви,
дека сме го издржале секој ваш напад,
крвави траги крие досието - Комити Запад
Калдрма, другари и фрки неброени,
од мали нозе со Вардар задоени!
Промовиран е и Правилник до кого мора да се придржуваат сите членови на групата!
Во продолжение - фотогалерија!