Gixxer
Premier Сasual Dating - Verified Ladies
- Член од
- 9 декември 2010
- Мислења
- 131
- Поени од реакции
- 89
Како резултат на повеќето нелогичности во законите на Република Македонија кои ги тангираат моторциклистите, започнавме со петиција на која потпис ќе стават сите незадоволни моторџии, а во сабота (8.10.2011) ќе се одржи мирен но бучен протест по улиците на Скопје со цел да се исполнат нашите барања.
Како што е наведено во петицијата, бараме:
1. Намалување на цената на зелениот картон
(Во моментов без разлика на зафатнината на моторциклот, зелен картон чини 90 евра)
2. Можност за регистрација на мотор на пократок период од една година
(Возната сезона за повеќето трае до 5 месеци, а сите сме обврзани да ги регистрираме моторите за цела година)
3. Намалување на давачките како за автомобилите
(За моторциклите не важи намалената царина и данок за увоз како за автомобилите, па така доколку сакате да купите моторцикл кој чини 2000 евра во Бугарија, давачките за него изнесуваат дополнителни 2000 евра)
4. Дозвола за увоз на моторцикли од Америка
(За моторциклите не важи дозволата за увоз како за автомобилите)
Нашите барања се сосем оправдани и логични и затоа очекуваме да наидеме на разбирање кај надлежните институции. Собраните потписи од петицијата ќе бидат доставени до надлежните министерства, а во сабота (8-ми октомври) ќе излеземе на улиците да ги поткрепиме на дело потписите од петицијата.
Акцијата доби поддршка од македонските мото клубови, сите слободни возачи, како и од Моторциклистичката Федерација на Македонија (МФМ). Во денешниот разговор со нејзиниот претседател Ленин Јовановски тој изјави: "Имате целосна поддршка од МФМ, ние веќе ги доставивме тие барања до надлежните но засега немаме одговор, се надеваме дека со оваа акција ќе се решат проблемите со кои се соочуваат нашите моторциклисти."
Доколку сеуште не сте се потпишале на петицијата тоа можете да го сторите преку следниот линк:
http://www.petitions24.com/baranje_od_motordziite_vo_makedonija