Мајсторска работа

[Violetova]

Мене ми се случило од оглас да викнам мајстор, и супер да се погоди, еве скоро имав дома, и го препорачав веднаш натаму.
А се случило и ова: од оглас мајстор доаѓа, ги растури во кујна алатите, требаше таму нешто да поправи, и за кратко си побара кафе, па со кафето ракија, не ни почна да работи. Татко ми жаллив, му нали една, па втора и ако не се лажам и трета, и мајсторот не можеше на нозе да стои, тргна да си оди, ги остави алатите растурени. Кога свикавме јас и мајка ми, па се врати од врата, си ги собра алатите, и си замина. И не дојде веќе. Другиот ден зедовме друг мајстор.

Наравоучение ми е од тогаш да не давам алкохол на мајстор, може едно пиво, и тоа пред крај на работата.

 

[Dexter26]

Наравоучение бр. 2: Муштеријата секогаш е во право, мајсторот не е дојден ниту на гости, ниту е дојден да командува, туку е дојден да работи.

Наравоучение бр. 2.1 : Иако муштеријата секогаш е во право, мора да биде подготвен за компромиси од типот "не може вака, мора онака" или "тоа не е изводливо".

И секако златното правило: Секогаш побарај второ, трето, четврто... х мислење од други луѓе.

Ти не си незаменлив како муштерија, но истото важи и за мајсторот на кого му текнало да се вдомува кај тебе дома како да ти дошол на гости, наместо да му текне да и` се посвети на работата.

Кога ставав дополнителен радијатор веднаш под прозорец, а истовремено над креветот кој беше веднаш до прозорецот, не бев дома кога го поставувале, но од самиот почеток замислата беше да се постави мал радијатор доволно низок за да го собере помеѓу креветот и прозорецот, за да може креветот да остане до самиот ѕид под прозорецот. Но бидејќи не бев дома кога го поставувале радијаторот, кога се вратив ме начека изненадувањето: радијатор со 60 cm висина и 50 cm должина од подот до прозорецот и креветот повеќе не може да биде до прозорецот бидејќи радијаторот му смета.

Објаснувањето на "мајсторот": тоа бил најмал радијатор што постоел и немало помали радијатори.

Веднаш откако дојдов дома, телефонот во рака, вртам во Техно Ауто во Три Бисери во Аеродром, ми потврдуваат дека имаат на залиха радијатор со 30 cm висина и 100 cm должина, веднаш го резервирам, за саат време го донесов дома, наредниот ден барав вистински мајстор за да го извади тоа ѓубрето 60 x 50 cm и да го замени со малиот радијатор 30 x 100 cm што го купив.

И се разбира, креветот повторно го собира под радијаторот до ѕидот.

 

[Zaptija Stojkov]

На мајстор ракија не се дава.

 

[SunnyGirl]

Каков мајстор да викам за да ми закачи тв на ѕид? И препорака ако имате.

Ѕидот не е со тула, гипс е, сендвич систем.

 

[Ron Burgundy]

Каков мајстор да викам за да ми закачи тв на ѕид? И препорака ако имате.

Ѕидот не е со тула, гипс е, сендвич систем.

Ти треба васервага, бормашина, дипли и шрафови. Ова све заедно не кошта више од 3000 денари. А ќе ти се најдат бормашината и васервагата и во иднина.