имам маче,
и денес дознав дека е бремено, ама заборавив да прашам што да правам, колку време и треба да се породи и слични работи.
Дали некој може да ми објасни?:smir:
Следново е превземено од една книга за мачки:
Бременоста кај мачките претставува период од моментот на парење до омачување. Трае два месеци-просечно 62 дена (од 56 до 67 денови). Должината на носењето е во врска од бројот на плодовите т.е ако нивниот број е поголем, породувањето се ближи кон 56 ден и обратно, што значи: повеќе плодови, пократко носење. Кај трудната мачка не се забележуваат рани физички знаци на бременост, освен некои промени во однесувањето како: невообичаена смиреност, незаинтересираност за играње, поспаност и сл. Дури во втората половина од бременоста можат да се опипаат плодовите.
Пред самото породување мачката е изразито вознемирена, потоа е повлекува барајќи мирно и скришно место кое што го проценила како безбедно за своите млади. Мачењето започнува со породилни болки, кои во почетокот се благи и ретки а подоцна се почести и јаки со што најпрво од срамниот отвор излегува водењакот; откако тој ќе пукне и откако од него ќе истече течноста, се појавува првото маче. Брзината со која што излегуваат плодовите е различна. Тоа значи дека паузата меѓу две мачиња варира од неколку минути до еден или повеќе саати. Исто така паузата може да биде различна меѓу секои два плода. Со секое маче излегува и неговата постелка со која е врзано преку папокот. Кога мачето целосно ќе излезе, мајката ја прегризува папочната врпца и така го ослободува мачето од постелката. Потоа ја јаде постелката и почнува да го лиже новороденото маче, со тоа поттикнувајќи го да дише. Постелката вообичаено се исфрла веднаш после мачето, а понекогаш е поттисната од следниот плод. Исто така се случува мачето да се роди замотано во својата постелка, па мајката сама ја чисти. Мајката ја јаде постелката од мачињата (некаде читав дека тоа , меѓу другото, ја стимулира појавата на млекото). Особено е важно мачката да ги исфрли сите постелки (а ги има колку што има мачиња). Понекогаш може да закасни исфрлањето на последната постелка-дури и до 12 часови. Сопственикот мора да биде сигурен дека СИТЕ постелки се исфрлени, бидејќи неисфрлената постелка може да предизвика тешки компликации кај мачката.
Обично мачката омачува 3-5 мачиња. Првите денови после породувањето, мачката е постојано со своите млади. За време на доењето на мачката мора да и се појача исхраната-пилешко и јунешко месо, риба, жолчка од јајце, млеко и малдо несолено сирење, витамини А, Ц и Д, калциум, фосфор и железо...(ова ко да раниш чоек
)
Некаде прочитав дека жолчката од јајце е штетна за мачка, ал еве овде ја пишува, кој ќе му ја знае...
Ова е тек на НОРМАЛНО породување кај мачките. Секако може да настанат компликации и заради тоа е потребна помош од ветеринар. Затоа, за секој случај имај при рака бројче. Исто така, не е лошо кај претходно спомнатата стручна особа да се информираш за состојбата на твоето милениче.
ПоздравЧе.
