Периодов ништо не се фаќа со пета, а не па со рака. Балонот издишува, но уште има устоен воздух во него. После сите објавени извештаи мое размислување.
АЛК мислев ќе испорача не знам што, но извештајот покажа стандардни бројки за оваа акција, која ја сметам за една од најпрефорсираните на мсе. Добра само ако сте за 5+ години на инвестирање, бидејќи има континуиран и конзервативен раст (освен во 2024), но далеку над реалната вредност. Се над 21.500 во моментов е преценето.
КМБ направи распределба и компромис, што да покаже, како успех, а што да остави за идната година со што би ја балансирала неминовната разлика во добивката. Се насобраа повеќе фактори кои и противтежат, како намалени каматни стапки, сега ова и со Сепа, и помалку од очекуваната дивиденда. Првиот квартал ќе биде голем тест, но по вториот нема шанси да излезе како победник и таму среде лето, мислам дека ќе има добра надолна корекција. Соодност дивиденда и цена на акција мислам дека не е вредно да го коментираме. Тоа се краткорочните прогнози, за подолг рок, КМБ останува играч број 1, по 2025 која ќе биде сметководствено лоша, ќе следи добра 2026, бидејќи би завршил периодот на порамнување со бројките од 2024 која секако нема да се повтори во догледно време. Се над 27.500 во моментов е преценето, а ако би дошло до корекција, цена на влез реална гледам на 24.500 – 25к. Какви и да се бројките за кмб, секогаш заслужува 10% плус заради суперликвидноста.
СТБ, повторно ќе кажам, потценета и ретко кој знае, има трпение, и ја гледа во иднина а не сегашната проекција, бидејќи не е спекулативна. Во моментов според сите мои параметри потценета, а ако ги применам истите кои ги аплицирам за кмб и нлб, тогаш 3600 ден. би требала да биде пазарната цена. Кварталните извештаи можеби ќе ги загрижат и имателите и потенцијалните купувачи, но да не заборавиме ќе се компарираат бројки со вонредната 2024. Акција за подолг рок.
НЛБ брзо се стабилизира, бидејќи балонот кај неа би рекол дека беше најмал. Сега е гледам некаде на 57к, би рекол тука е стабилизацијата, иако јас би ја спуштил и до 56.500 и така ќе тлее до следниот извештај. За мене логичен и прифатлив влез некаде околу 52к.
МПТ растури, и бројките кои се добиваат од пресметки се неверојатни. Во некои претходни постови пишував дека после извештај 125к ќе биде пазарната вредност и стојам на тоа, но сега со уште повисока маргина. И на оваа цена од 106к акцијата е потеценета за ~ 30%. Но секако цената за добар дел од инвеститорите веќе е превисока, а и ликвидноста е дополнителен минус.
Има и неколку други високо доходовни акции, но ликвидноста е негативен фактор и препораката би била само за оние што сакаат да ги заборават вложените пари, па не би згрешиле ако паркингот би бил во Витаминка или Прилепска пивара.
