Македонија се наоѓа на 68.место, од вкупно 167 рангирани држави, според демократскиот индекс за минатата година што го објави Економист Јунит Интелиџенс (The Economist Unit Intelligence).
Државите се рангирани според 60 критериуми во четири групи – целосна демократија, демократија со недостатоци, хибридни режими и авторитарни режими.
Македонија се наоѓа во средината на табелата од 29 до 81 место на држави во категоријата демократии со недостатоци.
Пред Македонија, од балканските држави се Бугарија – 49.место, Романија – 50., Хрватска – 51, Србија на 55.место и Црна Гора на 58.место. Босна и Херцеговина (БиХ) се наоѓа на 87.место и спаѓа во категоријата на хибридни режими.
На прво место на индексот се Шведска, па следат Исланд, Холандија, Норвешка, Данска, Финска, Луксембург, Австралија, Канада и Швајцарија.
Единствена од посткомунистичките држави, нови членки на Европската унија (ЕУ) која е во групата на држави со целосна демократија, е Чешка на 18.место, пред Франција и Велика Британија, како и Словенија што се наоѓа на 27.место.
Унгарија е на 38.место, Словачка на 41., додека Полска го зазема 46.место.
Најтешка ситуација со демократијата има во Северна Кореја, а подобро е само во Централно-африканската република, Чад, Того и Мианмар