- Член од
- 27 ноември 2007
- Мислења
- 30.451
- Поени од реакции
- 68.695
Додека со Босанците, Србите и Словенците се имаме сретнато повеќе пати во изминативе години, со најдобрата екс Југословенска ракометна репрезентација ги немаме одмерено силите на официјален натпревар, уште од 1998 година.
Квалификации за ЕП 1998:
Македонија-Хрватска 31-29
Хрватска-Македонија 37-27
ЕП 1998, натпревар од групите:
Хрватска-Македонија 28-21
Во три дуели имаме солиден скор од една победа и два порази. Може е време да се израмниме во победи?
Хрватска имаше една огромна доминација во годините после 1998, па и во денешницата може да се каже дека секогаш е во топ 4 фаворити за златен медал на без разлика дали се работи за европско или за светско првенство.
Сегашниов нивен предводник, Славко Голужа, е тренер кој лично не ме импресионирал со водењето на репрезентацијата и мислам дека состав како нивниот заслужува подобар селектор. Тоа што им недостасува во овој состав за сериозно да им ги замрсат сметките на Французите, Данците и Шпанците, дефинитивно е играч како што беше Балиќ. Мајсторот на терен, човекот кој им ја водеше цела игра и ги разигруваше другите. Како замена за Балиќ почнаа да го гледаат Карачиќ, кој конечно доби шанса во составот на Хрватска. Досега и ние и Хрватите изигравме натпревари со противници од кои не може да се процени колкав е највисокиот дострел на нашите репрезентации. Хрватска денеска го торпредираше Иран, но затоа играше два израмнети натпревари со репрезентации како Тунис и Австрија кои знаат да бидат незгодни, но сигурно се далеку од светскиот крем. Од досегашното евидентно е дека доста добро разигруваат на крилните позиции, и токму од овие позиции се и најопасни.
Левите крила Штрлек и Нинчевиќ досега имаат скор од 17 гола од 19 удари, додека десните крила Чупиќ и Хорват се засега најдобрите стрелци во екипата со скор 33/41. Чупиќ има 19 погодоци на три меча, додека Хорват 14, Штрлек 13 на спортивната страна.
Предводници на бековската линија се добро познатите Домагој Дувњак и Марко Копљар, кои засега имаат искомбинирано 19 погодоци, надополнето со комбинирани 18 асистенции. Дувњак е засега најдобар асистент со вкупно 11 асистенции. По повредата на Лацковиќ, дупката на левата бековска позиција е пополнета со играчот на Цеље кој игра одлична сезона во ЛШ, Иван Слишковиќ. а се комбинира и со Бичаниќ, како и некој од бековите на кои левата бековска позиција не им е типична. Карачиќ доста често знае во Вардар принудно да одигра и на друга позиција, па може и он и Дувњак може да бидат на теренот и еден од нив да игра како лев бек, а некој на природната централна позиција.
Лошо за нас е што овојпат како противници ќе имаме ракометари кои се пробивни, а од друга страна и одлични шутери. Копљар и Дувњак знаат да бидат и големи трошачи на топки, но само ако изиграме одлична одбрана која ќе ги натера самите да шутираат од каде стигнат. Сепак, со нашава моментална одбрана, не сум сигурен колку добро ќе може да се справиме.
Младите Слишковиќ и Степанчиќ на десната позиција, се одлични за резервисти, па дури и да не им оди на првотимците можат достојно да ги заменат. За квалитетите на Степанчиќ сме се увериле во натпреварите од СЕХА лига, каде што во дресот на Загреб честопати ги решетал мрежите на Вардар и Металург заедно со Мандалиниќ. Самото тоа што одамна е желба на фановите на Вардар, зборува за неговиот несомнен квалитет. Сплет на пробивност и одлични шутери, со одлични крила и добро познатиот и искусен џин на пикерска позиција, Игор Вори.
И Вори и тоа волесината Муса се огромни пикери, па ако не му оди на едниот, другиот ќе може да покрие. Според мене, мислам дека на овој меч повеќе шанса ќе добие Карачиќ. Кариерата на Игор е во нагорна линија, игра одлична сезона во Вардар и одбраната со Јоновски-Велко-Никола му е одлично позната од дуелите на Вардар и Металург.
Не знам каква одбрана би поставил Обрван, ама се надевам дека има некој џокер во ракавот. Тоа што знам е дека мора да го искористиме недостатокот од играч кој би им бил мастермајнд во играта, како што некогаш беше Балиќ. Често пати сме виделе дека Дувњак и Копљар знаат да се заборават од шутирање, доколку им проработи инаетот. Треба да се игра поостро на нив, да се испровоцираат да шутираат, но од друга страна никој од нашите голови не е некој кој би бранел такви удари. Да го имавме Станиќ или Штербик, ќе можевме да поставиме една таква тактика
Премногу сме статични во одбрана, Георгиевски толку лесно го сецнуваат со финти, така што секое разиграно противничко крило би сакало таков одбранбен играч на своја страна. Тука надежта ми е во Борко, кој знае одлично да кине шутеви од крило и со тоа да ги натера Хрватите да ја сменат својата тактика и брз проток до крилата.
Во нападот не очекува гранитна одбрана пред нас и како и секогаш за вакви противници, опција број еден ми е Миркуловски. Секако, ако не оди, спуштај топки до Столе и нека вади пенали
Доколку Кире изигра натпревар како денешниов, тогаш немаме што да бараме. Затоа задутре ни треба Кирца во најдобра можна форма, а мислам дека овојпат ќе распали. Ги изнафалив Хрватите, но како и од почеток на првенствово, така и сега, тврдам дека Македонија немала повеќе опции за напад од моментов. Да не се повторувам, одлично сме покриени на секоја позиција и сметам дека можеме да ја пробиеме таа одбрана особено што мислам дека треба да таргетираме кај Гојун кој лесно знае да направи глупави исклучувања. Мора да се изнудуваат исклучувања од Гојун, Вори и Дувњак, а имаме коњи за трчање во ваква битка, пред се Миркуловски и Прибак, а богами и Наумче знае со тие шутевите во паѓање да извади две минути. Она што според мене е слаба страна на Хрватска се нивните моментални голмани. Алиловиќ има лоша сезона, потиснат од стартната постава на Веспрем, на првенството е очаен со само 28% на одбранети удари.
Има одбрането само 21 шут од вкупно 75, додека статитстиката на Хрватска ја подобрува Ивиќ со 45% одбранети удари. И со ваков скор, сепак се за нијанса подобри од нашите голмани
Интересно, Алиловиќ фатил скоро пола од шутевите од крило, што сепак е значителен процент, но затоа од 6 метра го избушиле, а и од 9 метра има скор 14/35.
Колку за споредба, Борко е уште полош со скор 9/26 од 9 метри
Како што знаеше да каже Сарачевиќ, играчите на двете репрезентации одлично се познаваат, истото важи и за селекторите, па горе-доле не може да има многу тајни во играта. Сарачевиќ рече дека Хрватска има подобри индивидуалци, а Македонија игра подобро како колектив. Се надеваме дека ќе проработи инаетот кај некој од индивидуалците од Хрватска, со што би влегол во серија грешки, а тоа да го искористиме добро.
Хрватска е тестот кој конечно ќе покаже дали сме дораснати за повисок пласман
Од друга страна, сигурно по мечов низ порталите ќе се дискутира дали Македонија требало да оди со сите сили на победа против Хрватска или да се чува за последниот дуел со Австрија кој е клучен за второ место.
Од сегашен аспект знам дека победа над Хрватска ни носи ЗАГАРАНТИРАНО ПРВО МЕСТО, така да ме заболе дали понатаму ќе бидеме втори или трети (за во случај да загубиме од Хрватска при даден максимум, а потоа да влеземе издишани против Австрија, што по некоја логика би значело дека они би биле фаворити во тој дуел).
Така да, одиме на победа
Ако бев сигурен во три победи од првите три дуели, овојпат ќе останам резервиран со тоа што мислам дека Хрватска е за нијанса подобра и е фаворит на дуелов. Да речеме давам шанси 55-45 за Хрватите, ама потајно очекувам да ги плеснеме
п.с. ако постира некој што ги ебам, ќе ги сечам, одма оди на бан листа
)
