Ликвидацијата на Дилавер Бојку Леку испланирана до детаљ: Откриено зошто убиецот, кој изговорил три српски збора, пукал точно во 16:15
Точка
06/09/2017
16:33
12.451
Големина на фонт
А А А
Се верува дека ликвидацијата на Бојку била планирана да се изврши токму на денот кога од охридскиот аеродром требало да полета авион за една странска земја, а часот на егзекуцијата да биде во последен момент, непосредно пред полетувањето на авионот.
Ликвидацијата на некогашниот макро и еден од главните босови на албанската мафија во Европа, 58-годишниот Дилавер Бојку Леку, била долго и до детаљ испланирана, а куршумот во чело му го испукал најверојатно платен убиец од Базел, Швајцарија.
Бојку бил убиен на 14. август помеѓу 16 и 17 часот во неговото кафуле на плажата "Аква Блу" во Струга. Иако мотивите уште не се до крај расвлетлени, според сознанијата на
Нова Македонија, истрагата не тапка во место, туку полека но сигурно се склопуваат коцките на мозаикот на ова злосторство.
Повикувајќи се на своите извори,
Нова Македонија пишува дека егзекуцијата на Бојку била долго и прецизно планирана. Постојат индиции кои укажуваат на тоа дека најмалку пет лица биле непосредни организатори на убиството, а еден од нив бил директен извршител. Се верува дека ликвидацијата на Бојку била планирана да се изврши токму на денот кога од охридскиот аеродром требало да полета авион за една странска држава, а часот на егзекуцијата бил во последен момент, непосредно пред полетувањето на авионот.
Строго се водело сметка и за идентитетот на извршителот и неговите "оригинални" патни исправи, а авионската карта не била купена на денот на злосторството, туку многу порано. Постојат сознанија дека убиецот на Бојку неколку дена пред злосторството доаѓал во кафулето на плажата "Аква Блу" и мирно нарачувал пијалаци, а кога допивал, без да комуницира со никој, мирно го напушал локалот. Непознатиот убиец во "Аква Блу" дошол и во критичниот понеделник, седнал на маса, а кога го испил пијалакот уредно платил и влегол во тоалет. По излегувањето од тоалетот, во 16:15 часот, мирно пришол до масата каде седел Дилавел Бојку, извлекол пиштол и му испукал еден куршум директно во слепоочницата. Куршумот бил смртоносен.
По злосторството, убиецот почнал да бега во насока на Караорман, а кога забележал дека го бркаат двајца гости, се свртел кон нив и испукал уште два куршума, по што тие се повлекле. Убиецот потоа седнал на мотор, на главата ставил темна заштина кацига, и кога се уверил дека никој не го гони, со моторот се вратил назад кон "Аква Блу". Таму не застанал, туку продолжил да вози кон хотелот Мираж, оддалечен на околу 200 метри од местото на злосторството, во насока на Охрид. Таму го чекал камионет "Мерцедес", во чија приколка, како во крими филмовите, се качил без да се симне од моторот. Од таму бил префрлен до охридскиот аеродром "Св. Апостол Павле", каде во 16:35 часот пришол на шалтерот да чекира авионска карта за лет во Базел. Во чекалната за полетување влегол во 17:15 часот, иако авионот требало да полета дури во 18:30 часот.
Се претпоставува дека луѓето кои му го организирале доаѓањето во Струга, по злосторството му нашле безбедно засолниште во Швајцарија, каде засега му се губи трага. Изворот на кој се повикува
Нова Македонија наведува дека во организацијата, планирањето и реализацијата на убиството на Бојку учествувале најмалку пет луѓе. Тие имале и своја логистичка мрежа, луѓе од струшкото село Ливада. Тие не биле во тек со деталите на криминалната акција, која тајно се подготвувала, но и помогнале на бандата да го лоцира Дилавер Бојку по неговото враќање во Македонија. Стравувајќи до крвна одмазда, тој извесен период бил надвор од Македонија. Кога се вратил, тоа го увиделе јатаците на криминалците , кои потоа добро го простудирале неговото движење.
Овие нови сознанија велат дека целата акција за ликвидација на некогашниот макро и еден од главните босови на албанската мафија Дилавер Бојку, била долго и прецизно планирана. Кога биле утвредни сите детали, бил доведен егзекутор, кој успешно ја завршил работата. Дали и кога ќе биде изведен пред лицето на правдата, останува да покаже истрагата.
Убиениот Дилавер Бојки Леку, не се занимавал само со "увоз-извоз" на бело женско робје, туку и на најбрутален начин ги принудувал девојките на проституција. Тој во тоа време контролирал две главни илегални насоки за транспорт на девојки и жени. Еден кој одел од Бугарија, а друг од Албанија. Двата канали завршувале во неговото родно село во Велешта кај Струга, кое важело за место со најмногу проститутки во Македонија. Таму тогаш во секој момент имало 200 до 250 жени подготвени за продажба. Лека за себе задржувал 20 најубави, кои ги нудел на клиентите во својот бар "Експресо", а по неколку месеци работа кај него, тој ги продавал на Косово, каде овој бизнис бил уште попрофитабилен.
Дилавер Бојку, кој бил мозокот на овој вид на организиран криминал на Балканот и во Европа, долго за полицијата бил недофатлив, бидејќи пред секоја рација благовремено се криел благодарение на информациите кои до него протекувале од МВР.
Да потсетиме,
Нова Македонија, повикувајќи се на релевантен извор кој бил присутен на местото на настанот, пренела дека убиецот по злосторството, на српски јазик изговорил: "Сега си бескорисен".
Гледам како сограганиве мој од Ох. спомвет некој фацки како С.Лучијано, Димче Грунец, Мите Џале а не знает кој е Митко Капетанот , не знает дека од Ох. имат од основоположниците на Пинк Пантери до луге кои поседуваат хоетли на Златни Песоци и далје, како и да е алал вера за темава но морам да напоменам дека дел од изјавиве ви се од чисто рекла казала муабети
