Краставица
Краставиците се зеленчук со малку хранлива вредност и големо количество вода - околу 96 отсто. Сто грама краставици даваат само околу 10 калории, па е мошне важен зеленчук во сите диети. Содржат значителни количества на витамините А и од групата Б. Од минералите најмногу има магнезиум и железо, а нешто помалку калциум и фосфор, што е важно за развојот на забите кај децата.
За јадење треба да се избираат плодови кои не се зрели. Младите плодови може да се користат без лупење, т.е да се сечат со кората, бидејќи тогаш имаат значително повеќе витамин Ц.
Краставиците се мошне здрави и корисни во борбата против целулитот. Добро е да се јадат краставици поради разните егземи и нервоза, како и превентивно против создавањето на камен во бубрезите, посебно во салати со магдонос и лук, умерено посолени.
Таквата салата може да се зачини со маслиново масло ( зашто покрај магдоносот е добро и за бубрезите ), со кисело млеко или со јогурт. И едната и другата варијанта е добра поради елиминацијата на вишокот течности и на штетните отпадни материи од организмот.
Домати
Зрелите плодови на доматите содржат многу шеќер ( околу 4 отсто ), околу 1 отсто белковини и билни влакна во умерени количества . Еден средно голем домат содржи половина од дневното количество на витаминот Ц и околу една петтина од дневните потреби за витаминот А. Од минералите најмногу има калиум, потоа калциум, магнезиум и железо.
Лековитите својства на доматите се во подобрувањето на варењето и во регулирањето на столицата, ги смирува хемороитите ја намалува можноста од воспаление на слепото црево. Ги намалува ревматичните болки, ја подобрува крвната слика и го намалува ризикот од настанување на рак. Доматот содржи и каротин липокен, што е дополнителен момент во намалувањето на ризикот од рак. Уште доматот се користи за закрепнување и издржливост, па нутриционистите им го препорачуваат на трудниците, децата, на старите и болни лица.