Изберете вредни противници
Неодамна прочитав дека, откако ќе се вратат од Олимпијадата, некои од атлетичари патат од она што психолозите го нарекуваат ПОД (Пост-Олимписка Депресија). Откако биле во центарот на светското внимание и со години тренирале за да брилјираат во натпреварот, штом ќе се вратат на секојдневните животи некои од атлетичарите паѓаат во состојба на депресија. Се чини дека, откако го достигнале врвот на успехот, за нив не постои повисока цел кон која ќе се стремат и затоа нивниот живот ја губи смислата. Истото искуство го доживеаја и астронаутите на Аполо кои стапнаа на месечината. Штом го постигнаа ова, станаа депримирани бидејќи сфатија дека не постои ниту едно нешто во животот кое ќе биде толку возбудливо како патувањето во вселената.
За да одржувате едно нормално ниво на оптимизам и страст за животот, постојано мора да поставувате се повисоки и повисоки цели. Откако ќе постигнете една цел, без разлика дали е професионална или приватна цел, неопходно е веднаш да поставите следна. Овој процес на поставување постепено поголеми, попривлечни цели, го нарекувам „бирање на вреден противник". Кога работев како адвокат, поголемиот дел од времето го поминував по судници, претставувајќи ги интересите на моите клиенти. Во сите тие години (кога ги решавав тие случаи), забележував дека секогаш се покажував во најдобро светло кога се борев против најтешките противници. Тие умни, многу подготвени и беспрекорно фокусирани адвокати ме принудуваа да дојдам до суштината на проблемот и да ги изнесам аргументите кратко, јасно и успешно пред судијата. Највредните противници ме принудуваа да допрам длабоко во себе и да се покажам подобро од претходниот пат.
Имањето постојан проток на поставени цели ќе ги ослободи сите ваши таленти. Запомнете, дијамантите се создадени под постојан притисок. Затоа осигурајте се вашите цели да имаат некаква вредност за вас. Осигурајте се дека тие се оној вид предизвици кои ќе допрат до вашите срца и ќе го изнесат на виделина најдоброто од вас, помагајќи ви да се развиете во текот на процесот. На предавањата за животни совети, што ги држам низ целата земја, многу од учесниците веќе го имаат постигнато она што јас го сметам за успех и во нивната кариера и во животот. Тие се високо почитувани, влијателни и уживаат во она што го прават бидејќи водат урамнотежени и исполнети животи. Па сенак тие се придружуваат на моите програми, затоа што длабоко во себе знаат дека можат да бидат нешто повеќе и дека животот чува поголеми награди за нив. Сфаќаат дека за вистински да го прикажат нивниот човечки потенцијал и да остават наследство кое трае, мора постојано да ја зголемуваат препреката и да се држат до повисоки стандарди. И заради тој став на постојано подобрување, животот навистина испраќа подобри благослови на нивниот пат.
Незнам како да го задржам некое задоволство во мене а не само додека трае и да бидам горд и задоволен од нешто што сум го направил.
се надевам дека нема да ти биде тешко ќе чекаме ние форумџиите, ама исто би сакал да те прашам од каде може да ги купиме овие книги дали ги има во некоја книжара ?
