Неверството започнува од очите т.е да појаснам од луѓето слепци. Најчесто оние кои се изневерувани се толку несвесни и слепи што излегуваат најголеми магариња на крајот. Отсекогаш ми било чудно како човек не приметува знаци дека некој го мафта и му прави нешто зад грб. Па луѓево не се толку тешки за да ги проѕреш психолошки богати. Тоа што на некој му одговара да се прави на три и пол и да си легнува со мисла "Абе ми се причинува" е негов проблем, само мене ми пречи што истите луѓе после трујат дека никој не чинел. Добро бе пријателе, ти ако немаш очи за да го спасиш својот свет и да си го направиш животот поубав и подостоинствен не значи дека треба да труеш со муабет кој е гнил и е резултат на твоја вина.
Ако ме прашате мене, се е изневерување, зависно од мислата. Само што треба човекот до вас добро да го процените, за наредниот пат кога тој/ таа прави сосем безопасен муабет кој наликува на флерт со продавачот/чката во бутик да си знаете дали го интересираат фармерките или како да земе нечиј број. Школована работа е тоа, има опасни флертувачи, ама пак на крајот на краиштата сами си ги бираме луѓето кои се до нас, ако изглегуваш со Казанова, веројатно очекувањата да си му one and only е рамна на виц.