Не постои во никој случај идеален, совршен, прекрасен човек. Да, човек, може од време на време да промени нешто во својот карактер, во однесувањето, но генерално никој не се менува комплетно, колку и да сака.
Идеален човек би бил оној кој знае да ги почитува другите онолку колку што го почитуваат него, да во разговор со "пониски" од него биде човек, а не понижувач, а кога е со "повисоки" од него да го зачува своето достоинство. Идеален човек е оној кој знае секогаш да си го брани својот збор, онолку колку што е потребно без да навреди друг, и оној кој што ќе биде способен да си ја држи устата затворена кога личност којашто не му е рамна го навредува или прави нешто против него.