Зонско-револтирани граѓани (ваши искуства со Зонското паркирање)

[Смрт за зони и пајак воз.]

Сега од Тетово вести дека:
Зонското паркирање воведено неделава само на булеварите Маршал Тито и Илинденска, создаде голем метеж и хаос во останатиот дел од градот.

Поради ограниченото времетраење на паркирање на овие два булевари, каде сега има и помалку паркинг места, возилата се обраќаат по другите улици, создавајќи сообраќајно тесно грло на секој чекор од Тетово.

Тетовци бараат што поскоро да се воведе зонско на сите улици, за да се балансира сообраќајот подеднакво низ целиот град

Од Јавното претпријатие Градски паркинг, велат дека доколку зонското кое се спроведува на двата булевари се покаже како успешен пилот проект, ваквиот начин на паркирање ќе се воведе етапно и во целиот град

Дел од граѓаните сметаат дека зонското нема да го реши сообраќајniot haos во градот, каде нема доволно паркинзи и обиколници.

http://telma.com.mk/vesti/zonskoto-parkiranje-sozdade-haos-vo-tetovo

 

[Kadaif]

Зонско паркиање треба да има насекаде. Многу коли се увезе во последните години. Нема место за паркинг ни за лек.

 

[Смрт за зони и пајак воз.]

Зонско паркиање треба да има насекаде. Многу коли се увезе во последните години. Нема место за паркинг ни за лек.

Паркинг места нема доволно затоа што има зонско!
Со зонско не се направени нови паркинг места, туку се узурпирани постојните и сега тие паркинзи стојат полупразни, а сите се буткаме да паркираме таму каде што не се плаќа
Зонско е направено за да се вработат, швалерките на општинските лешинари, партиски лепачи на плакати и слично

 

[Shorty]

Дечки може е одговорено прашањето но да си прашам, кога праќам порака ми враќа : Gresna poraka! Ispratete poraka vo format: 1 XX000YY . Е сега мене таблицата на пример ако ми е TE 3000 AD како да го решам проблемот.

 

[Смрт за зони и пајак воз.]

На Плус инфо е објавено писмо на читател кој вели:
Отворено писмо од Владо Данилов до Пајак службата за Градски паркинг:

„Синоќа во Тафатлиџе додека бевме на лекар, вашите служби ми го кренаа автомобилот, заради (наводно) непрописно паркирање. Додека вашите колеги го креваа автомобилот ги замолив да го симнат и дека ќе си платам што е потребно. Ми беа побарани 1.500 ден, но за жал бев кус за 100 ден, на што ми беше одговорено дека не можат да прифатат и дека ќе го носат автомобилот во депото.

На тоа уште еднаш ги замолив, барем да си ги земам работите што беа внатре, меѓу другото и подарок што мојата ќерка РАЧНО ГО ПРАВЕШЕ два дена за нејзина другарка, каде што синоќа требаше да оди на роденден. Додека ќерка ми липаше, вашите колеги бездушно си отидоа! Зошто? За да земете 1.000 денари повеќе?! Ќерка ми од срам што немаше подарок не отиде на роденден! Нели е срамота ова што го правите?! Имате ли вие и вашите колеги деца??!!

Сакам само да ве информирам дека сето ова ќе го дадам во медиуми, за да видат со каков безобразлук и бездушност вашите колеги си ја вршат работата.“

Поздрав,
Владо Данилов
http://plusinfo.mk/vest/42113/pismo-bezdushna-pajak-sluzba
......................................................
За мене е ова само еден наивен граѓанин кој мисли дека ќе допре до совеста на зонашите
Зонашите немаат совест, тоа се криминалци
Еве вест која кажува се:

Со помош на специјалното возило „пајак“ отстранети се 116 возила кои го попречувале нормалното одвивање на сообраќајот.
http://zdravstvo24.mk/2015/09/30/skopskiot-pajak-vera-otsteanil-116-nepropisno-parkirani-vozila/

Не попречувале, туку на зонашите им биле потребни плати

 

[Silvio]

Објаснувањето е дека креваат коли што го попречуваат редовното одвивање на сообраќајот, така предвидува законот. Они си креваат од кај ке им текне, си набавија еден куп пајаци, си вработија војници и дигај носи коли по цел ден. Имало случај кога во Скопје во Центар на еден адвокат му ја кренале колата зашто не платил паркинг, тркнал до негде да заврши нешто или не знам точно како било. За кратко време му ја кренале. Адвокатот се напнал максимално и ги тужел. На суд образложението му било дека со тужбеното барање он бара надомест за неостварена добивка бидејќи он имал работа во текот на денот за која му била неопходна кола, он изгубил дел од работата дури идел да си ја земе колата од депото и бара оштета за изгубеното и дека пајакот не е овластен само да крева коли од секаде туку од таму кај што мора, односно од каде што се блокира сообраќајот ради лошо паркирана кола а не кола која не платила паркинг. Рекол зашто едноставно не сте ја оставиле колата на местото. пишете ми казна и наплатете си ја преку извршител ако јас не ви ја платам. И во право бил, судот пресудил во негова корист.

 

[Brutus]

Зависи. Во општина Центар има табли на кои пишува дека паркингот е за станарите и ако се паркираш таму ќе ти ја тргнат со пајак. Веројатно тоа му се случило. А тоа дека бил на 5 минути, претрчал до ваму до таму нив не ги интересира.

 

[Björn]

Во постот на предходникот убаво пишува дека му ја дигнале затоа што не платил паркинг.

На местата предвидени за станарите нема предвидено плаќање паркинг, таму ако паркираш станарите ти викаат служба и ти ја дига. Така да, не се обидувај да ги браниш бандитиве, попусто. На сите места кај што се плаќа паркинг имаш 15 мин. до пола саат (зависи како каде) фазла, пред да ти пишат казна или стават блокатор на тркало.
Во овој случај не знам што се случило, затоа што кај што имаш опција да платиш паркинг не дигаат. Мада мене ми ја дигнаа од една уличка во која ама баш никогаш не дигаат (ни пред тоа, ни после тоа), каде што нон-стоп се паркира и се наоѓа во општина во која, фала Богу, зонско не постои.

 

[Brutus]

Не знам дали на мене ми се обраќаш затоа што не си ме цитирал. Ако прочиташ убаво пишував за Општина Центар. За тие бандити зборуваш дека ги бранам?
Како што пишував неколку страници претходно, на мој пријател два три пати од Општина Центар паркинзите му имаат пишано многу педерски казни. Прво казна пишана во 20:55 или 5 минути пред затварње на работното време. Второ на празен паркинг пред зграда по наводна пријава на станари (се знае дека оние бандити од сити парк бојс што ги напикаа во паркинзи демек се јавиле како загрижени станари до пајак служба.
Ја не бранам никого туку ти кажувам како функционираат. Ако ти живееш во светот на бајките и зборуваш за полаат саат гратис те предизвикувам да паркираш било каде во општина центар и да чекаш пола саат пред да пуштиш порака. Има толеранција 5-10 минути иако за општина центар мислам ни тоа време не важи одма лепат казни.
Од друга страна има милион луѓе кои наводно трчале да видат болно дете или стара баба кога баш им пишале казна. Поентата на човекот му беше дека едно е казна друго е дигање со пајак и можда е во право.

 

[Björn]

Не би ги дискриминирал никако разбојниците и нивните разбојнички системи маскирани како законски правила, прописи.... На човеков, ако паркирал во Центар, може да му ја дигнале колата од Градски паркинзи или од ПОЦ. Обете имаат своја пајак служба која работи на територија на таа општина.

Што се однесува до времето за кое можеш да ја оставиш колата без да ти пишат казна, или да ти стават блокатор, тоа време, на хартија не постои. Но, каде и да сум прашал, и во Центар и по други општини, ми кажувале дека за некое време можам да ја оставам колата. Некаде е 10-15 минути, некаде е пола саат.
Е сега, дали ако не прашаш ќе издржи колата некаде 10 или 30 минути, без санкција, тоа е ризик.

 

[Смрт за зони и пајак воз.]

Нови „ работни победи “ на зонашите - официјално дигнале 93 коли
Неофицијално три пати повеќе
http://www.telegraf.mk/aktuelno/hronika/311940-pajakot-vcera-otstranil-93-vozila-od-ulicite-vo-skopje
Инаку Уставниот суд следната среда повторно ќе ги оценува одредбите за лисиците доплатните карти и слично
4.- Член 26 , во делот: „блокирање на тркалата (лисици, блокатори на тркала) или“, од Одлуката за јавните паркиралишта од значење за градот Скопје, бр.07-3395/1, донесена од Советот на град Скопје на 4 декември 2008 година;
- член 3, во делот: „Доплатна карта за паркирање на место за лица со посебни потреби“, од Одлуката за утврдување на Ценовникот на услугите на ЈП „Градски паркинг“-Скопје, бр.02-1181/8, донесена од Управниот одбор на Јавното претпријатие „Градски паркинг“ во Скопје на 17 декември 2009 година и
- член 12 став 1, во делот: „како и во случај на паркирање на возила на места предвидени за паркирање на возила на лица со посебни потреби, од страна на лица кои не спаѓаат во оваа категорија“, од Правилникот за начинот и условите на паркирање, времетраењето на паркирањето односно неговото ограничување и означување на ограничувањето на јавните паркиралишта од значење за градот Скопје, бр. 02-1203/4-1, донесен од Управниот одбор на Јавното претпријатие „Градски паркинг“ во Скопје на 28 декември 2009 година.

http://ustavensud.mk/domino/WEBSUD.nsf

 

[Windfucker]

ЉУБИТЕЛИТЕ НА „ЏЕЗ-ФЕСТИВАЛОТ“ ГИ НАПАДНАА „ПАЈАЦИ“

Додека посетителите уживаа во концертирањето на гитаристот Џејмс Блад Алмер и тромбонистот Џанлука Петрела, „Градски паркинг“ им ги креваше автомобилите

Многумина кои дојдоа со автомобил на првата вечер од „Скопскиот џез фестивал“ останаа со горчлив впечаток кога излегоа од концертот и забележаа дека „пајак“ им го кренал возилото. Пајак-службата на „Градски паркинг“ трпеливо чекаше посетителите да влезат во МОБ и потоа да почне со работа. И додека љубителите на џезот уживаа во концертирањето на американскиот гитарист Џејмс Блад Алмер и реномираниот тромбонист од Италија Џанлука Петрела, „пајаците“ се пуштија во „лов“ на автомобилите паркирани на тротоарот од улицата кај ресторанот „Стара куќа“ и од таканаречената адвокатска уличка. А „ловот“ беше доста богат, зашто голем број возила беа паркирани близу МОБ.

Очевидците велат дека акцијата на „Пајак-службата“ наликувала на полициска акција за апсење, а интенцијата била да се соберат што повеќе автомобили. Вработените од службата како само да чекале посетителите на џез фестивалот да влезат во концертната сала за веднаш да почнат да креваат автомобили. Без никакво предупредување, пред почетокот на фестивалот тие само немо посматрале како луѓето се паркираат. „Оперирале“ пет до шест пајак-возила, кои не само што имале добра „жетва“, туку имале и доволно време непречено и без проблеми да ја спроведат намерата во дело, како што сведочат очевидците, бидејќи концертот траел повеќе од два часа. Некои од оние кои биле присутни на случувањето надвор тврдат дека не е прв пат „Пајак-службата“ да прави вакви акции, кога некаде има вакви или слични настани.

Го прашавме директорот на „Градски паркинг“, Борче Јакимовски, дали единствената намера била да ги казни прекршителите за да научат дека и на вакви настани треба прописно да се паркираат. Но, тој наместо со изјава, се огласи само со СМС-порака, додека неговите вработени ни тврдеа дека е на многу важен состанок, а го баравме во текот на целиот работен ден.

„Обратете се во МВР, СВР Скопје, акциите ги правиме по нивни налог“, ни порача Јакимовски во порака.

Од СВР Скопје ни рекоа дека завчера подигнале само пет-шест непрописно паркирани возила на улицата „Филип Втори“ и дека немале никакво барање за акција пред МОБ, каде што најверојатно има зонско паркирање, па не' преупатија да прашаме во Општината Центар, каде што функционира „Паркиралишта на општина Центар“ или во Град Скопје, па тие да ни кажат кој ја реализирал акцијата.

Саша Богдановиќ, директорот на ПОЦ, категорично одрече дека реализирале каква било акција на таа локација. „Тоа не беше наша акција, штом биле пет- шест ’пајаци‘, тогаш биле ’Градски паркинг‘“, рече Богдановиќ. (Сн.К.)

 

[Смрт за зони и пајак воз.]

Oпштинските зонаши и оваа година учествувале на „ зонашката интернационала “која се одржала на Борското езеро
Еве што се вели во соопштението за овој зонашки собир:

„
Дел од тимот на ЈП „Паркинзи“ на Општина Центар-Скопје деновиве во Србија присуствува на 11-та Национална конференција за паркирање „ПАРкон- есен 2015“, која што се одржува од 07 до 09 октомври 2015 година на Борското езеро во хотелот „ЈЕЗЕРО“.

ПАРкон е настан кој од 2009 година ги собира претставниците на општините, јавниот и приватниот сектор кој се занимава со паркирање и услуги и им овозможува на присутните да ги добијат најновите информации за паркинг индустријата, како во Србија, така и во регионот.

На конференцијата ќе се зборува за повластените карти, на кој начин функционираат паркиралиштата во централното градско подрачје и за важноста на резидентните улици и џебови на локациите со ограничен паркинг простор. Исто така, ќе се говори и за промените кои се воведени во последните две години, за организацијата и функционирањето на паркиралиштата во центарот на главниот град, како и за новитетите кои ќе се воведат наскоро со цел за брза ефективна услуга, задоволни клиенти и доближување до светските стандарди.

Настанот е од отворен тип и е единствената тридневна едукативна манифестација чија цел е преку актуелните теми да придонесе кон унапредување на паркинг индустријата. “

http://reporter.mk/2015/10/08/јп-поц-на-11-та-национална-конференци/
............................
Го забележавте ова: тоа била „ едукативна манифестација која ќе придонесела за унапредување на паркинг индустријата „
Така е тоа кога кај нас не функционира државата инаку овие одамна требаше да бидат „ паркирани “ во некој затвор

 

[Струмикс]

Не дека ми е по кеиф зонското, ама еве еден позитивен пример...
За разлика од струмичките и скопските зонаши, штипските зонаши најпрвин оставаат опомена да се плати бидејќи за 10 мин. ќе блокираат.
Струмичките и скопските тоа го прават веднаш.

 

[Смрт за зони и пајак воз.]

Дел од жителите на Тетово против зонското паркирање, оти на паркинзите пред нивните згради не можат да се паркираат. Бараат општината да најде решение и за нив.
http://www.makdenes.org/content/article/27360194.html