Филмот за цар Самуил ќе има општа цивилизациска вредност
Според режисерот, филмот треба да нѐ поврзе, да има благородна порака, а не да погодува нечии чувства. Филмот ќе има општа цивилизациска вредност, порачува Митирќески
Плакатот за филмот е веќе готов
Митриќески за новиот филм
Снимањето на филмот „Цар Самуил“ ќе почне наредната година во македонско-српско-канадска копродукција. Ќе се снима на локации на Галичица, околу Охридско и Преспанско Езеро, Маркови кули кај Прилеп и дел во Србија и во Црна Гора, најавува режисерот Антонио Митриќески. Структурата на филмот ќе биде во вид на интимна исповед на Самуил кон својот слуга Радој, сеќавање, бладање, кошмар пред да умре, а откако ги гледа своите ослепени војници.
Филм за предавството, љубовта, семејството и за децата
- При работата на филмот најмногу се држам до изворите на хроничарите Јован Скилица и Поп Дукљанин, според кого силата на Самуил му ја давал народот. И семејството на Самуил, татко му и мајка му, биле блиски до народот, ги познавале неговиот пулс, чувствата и стремежи на угнетениот народ. Никој не можел да придобие толку доследни и пожртвувани следбеници колку што тој имал околу себе. Во личноста на Самуил народот го нашол својот водач, човек што ќе ги обедини и организира и ќе им создаде држава. Самуил за своја престолнина ги избира Преспа и Охрид, краишта во кои се чувствувал безбедно меѓу своите. Тие предели се и последните бедеми на неговата жилава борба против угнетувачот - вели Митриќески за сознанијата на кои ќе ја темели приказната.
Според режисерот, филмот треба да нѐ поврзе, да има благородна порака, а не да погодува нечии чувства.
- Напротив, филмот ќе има општа цивилизациска вредност - порачува Митриќески.
Филмот ќе се фокусира на внатрешните психолошки немири и особини на царот Самуил, синот на Никола Мокри, кој успева да биде крунисан за цар.
- Ќе проговорам за предавствата, за неговата љубов, за семејството и децата. А паралелно ќе биде прикажан и византискиот цар Василиј. Тоа ќе биде приказна базирана на два неверојатно силни лика, нивната меѓусебна борба како борба на два суверени владетела. Ќе се обидам да ја прикажам и нивната внатрешна борба, од една страна Самуил, кој бил семеен човек, а од друга Василиј, кој никогаш не создал семејство - вели Митриќески.
Посебен акцент на феноменот на ослепувањето
Во филмот ќе биде опфатен и периодот на победата над византискиот император кај Трајановата порта и Битката за Сердика (Софија), создавање на монархијата на Балканскиот Полуостров, која силно ги потресла темелите на Византиската Империја во 976 година, а потоа крунисувањето на Самуил за цар во Охрид, во црквата „Св. Софија“. Посебно ќе бидат анализирани феномените на братоубиството и ослепувањето на војниците.
- Запишано е дека Василиј во битката на Беласица го загубил својот љубовник, што придонело за неговата жестока одмазда - ослепувањето на над 1.500 војници. До овој податок дојдов прашувајќи се како настанала оваа голема трагедија. Ме интересира кои биле причините за таквото злосторство. Василиј никогаш не се оженил, немал фамилија. Во Цариград во неговиот дворец убави момчиња влегувале постојано во неговите приватни одаи - вели Митриќески.
извор:
http://novamakedonija.com.mk/NewsDetal.asp?vest=1113141539102&id=16&prilog=0&setIzdanie=23322
Мое мислење: Искрено, не знаев дека Василиј бил хомо. А бидејќи во секој македонски филм задолжително е да има по една безобразна сцена, а овде плус станува збор за историски филм, имам некое чувство дека филмов ќе наликува на “Игра на Тронови“.
многу работи не му биле јасни.
Тоа ви е национална одлика, генетска карактеристика, од зрачењето на нуклеарките ли е, што ли е незнам... 