Евролига 2012-2013

[fidanmk]

Белгискиот состав на Остенде го совлада францускиот тим на Нанси со 83:76 (48:26). И покрај тоа што Французите имаа на момент водство со 75:72 во второто полувреме, сепак Остенде славеше на крај. Најефикасни кај победникот беа Лојески со 29 и Ѓорѓевиќ со 15 постигнати поени.

Литванскиот тим на Литвос Ритас забележа уште еден триумф на Гарастас купот. По победата над украински Будивелник, овојпат беше совладан рускиот Локомотив Кубан со 83:78. Македонскиот репрезентативец Предраг Самарџиски одигра 20 минути во мечот, имаше учинок од четири поени 1/3 во обидот за два поени (33.3%), 2/2 од слободните фрлања (100%), забележа три скока, една асистенција и една украдена топка. Стрелци кај Литвос Ритас: Дулкис 2, Бабраускас 12, Сеибутис 14, Кателинас 13, Јомантас 2, Редикас 4, Радошевиќ 8, Иванов 8, Блумс 16 поени.

Руската екипа на ЦСКА Москва ја продолжуваат турнејата во Италија. Тие се преселија во Пистоја, каде се соочија во пријателски меч со локалниот тим. Русите победија со 65:55 (35:24). Прв стрелец беше центарот Саша Каун со 20 поени. Се истакнаа уште Воронцевич со 13 поени и Крјапа со 10 поени, 7 скока и 6 асистенции.

Досегашниот член на Уникаха Малага, Хрватот Хрвоје Периќ би можел да се врати во хрватскиот состав на Задар за наредната сезона. Периќ играше за Задар во периодот 2008-2010 година. Лани за Уникаха во 15 одиграни меча во Евролигата, имаше учинок од 7,7 поени и 3,9 скока по натпревар.


Рускиот тим на Химки забележа уште една победа за време на нивниот тренинг камп во Словенија. Тие поуспешни од Геоплин Слован со резултат 80:61. Најзаслужни за триумфот беа Моња со 11, Вјалцев, Риверс и Жуканенко со 10 поени. Следната дестинација на подготовки за Химки ќе биде Босна и Херцеговина, на предсезонска турнеја на 14 и 15 септември 2012.

Олимпијакос нема да може да смета на Американецот Ејси Ло во првиот дел од тренинските сесии, поради повреда. По медицинските прегледи овие денови, ќе се знае колку ќе отсуствува од екипата. Еден од клучните играчи во тимот нема да патува на подготовките во Италија, а се знае дека заедно со Барцокас ќе бидат главните лидери во нападот за претстојната сезона во Евролигата.

 

[fidanmk]

Пред да започне дуелот меѓу Монтепаски Сиена и Фенербахче, и официјално Шон Стоунрук и Терел МекИнтар се опростија од дресот на Монтепаски, кои решија да се повлечат од активното играње кошарка. Навивачите со огромен аплауз им се заблагодарија на двајцата извонредни играчи за нивните големи придонеси во клубот.

Што се однесува до натпреварот Монтепаски Сиена славеше убедливо против турскиот клуб 89:61. Македонскиот репрезентативец сега во новиот дрес на Фенербахче Улкер беше прв стрелец со 16 поени против неговиот довчерашен клуб од Сиена, кој му врачи плакета, благодарница на нашиот плејмејкер.

Монтепаски Сиена: Касун 3 поени, Браун 17, Бојса, Езе 11, Карарето, Рес 7, Сабатино, Лестхалер, Кемп 9, Хакет 4, Мос 17
Фенербахче Улкер: МекКејлеб 16 поени, Ероглу, Онан 2, Угурглу, Ермин 2, Сато 14, Пекер 2, Санли, Саваш 9, Бирсен 3, Батист 13, Алемдар.

Бранителот на титулата во Евролигата, Олимпијакос славеше против италјанскиот Динамо Сасари со 106:87. Принтезис со 19 и Спанулис со 17 поени се истакнаа како најдобри во грчкиот тим, а свој удел имаше и македонскиот интернационалец Перо Антиќ со седум постигнати коша. Кај составот на Сасари, најдобар беше Торнтон со 22 поени.

22-годишниот кошаркар од Чешка, Јакуб Кудлачек (193 см), ќе биде осмиот интернационалец во италјанската екипа на Палаканестро Канту. Кудлачек минатата сезона настапуваше за италјанската екипа на Касерта, каде имаше биланс од 5,4 поени и 1,1 скок по натпревар во Серија А лигата. Тој (со учинок 4,8 поени по натпревар) успеа со сениорската репрезентација да се пласира, преку штотуку завршените квалификации, на Европското првенство во Словенија 2013 година. Исто така го носел дресот на екипите на Сан Северо и Реџио Емилиа играјќи во италјанската втора лига (Легадуе).

Како подготовка за новата сезона, во Анталија, Турција започна 5-от по ред Риксос Куп. Учествуваат екипите на Банвит, Бешикташ, Анадолу Ефес, Галатасарај (Турција), Уникс Казан (Русија) и Цибона Загреб (Хрватска). На првиот ден, Бешикташ ја совлада Цибона Загреб 73:67, додека Уникс Казан беше поразен од Банвит минимално со 72:71. Кај Бешикташ најефикасни беа Кристофер со 20 и Озер со 17 поени, додека кај Хрватите, Томислав со 15 и Демонд со 12 поени. Кај Русите, Кајмакоглу со 16 и МекКарти со 12 поени, додека најзаслужен за триумфот на Банвит беше Симонс со 11 поени.

Уникаха Малага соопшти дека нивниот играч Серхи Видал имаше успешна операција на препоните. Тој ќе се опоравува околу 8 недели и ќе го пропушти стартот на новата сезона. Имено, Видал потпиша за Уникаха ова лето. Доаѓа од шпанскиот состав на Лагун, каде лани имаше учинок од 11,6 поени, 5,1 скок, 2,3 асистенции и 1,5 украдена топка по натпревар.

Во Рен, Франција, домаќинот на Ле Ман беше поразен од шпанскиот состав на Каха Лаборал со 76:74, како дел од предсезоната. Најзаслужни за победата на Шпанците беа Олесон со 27 поени и Еметерио со 14 поени, додека кај Ле Ман, Пејп постигна 17 поени.

 

[fidanmk]

Босанско-хрватскиот кошаркар Бојан Богдановиќ е среќен во Фенербахче, а тоа го потврди и тренерот Симоне Пианиџани кој е задоволен од составот кој треба да игра во новата сезона. За Богдановиќ голем интерес имаше од Уникаха Малага, но нивната понуда беше веднаш одбиена. Минатото лето Богдановиќ потпиша за турскиот клуб (во Евролигата имаше учинок од 13,0 поени и 2,2 скока по натпревар). Тој успеа со хрватската репрезентација преку квалификациите (16,1 поен по натпревар) да се најде на Европското првенство во Словенија 2013 година. Тој бил член и на екипите на Цибона, Реал Мадрид и Зрињски.


Американскиот крилен центар Мајкл Ли (26), со потпишан едногодишен договор, е нов член на украинскиот состав на Политехника Лвив. Тој лани настапуваше за екипата на Донецк, каде имаше учинок од 10,0 поени и 4,5 скока по натпревар, освојувајќи ја титулата во националната Суперлига во Украина. Успеа со Донецк да стигне до четвртфиналето во Еврокуп натпреварувањето (во 13 меча, 8,3 поени и 5,6 скока по натпревар). Оваа година учествуваше на Летната лига во Лас Вегас како член на Сакраменто Кингс, одигра пет меча со биланс од 5,8 поени и 2,0 скока.

Кошаркарот од Порторико, Карлос Аројо (33), посакува да се врати во турскиот клуб на Бешикташ во Истанбул. Порториканецот не доби понуда од НБА екипа и сеуште е слободен играч. Во последните денови тој побарал помала плата за да потпише со турските шампиони во споредба со ланската сезона. Тој со Бешикташ успеа да го освои трофејот во Еврочелинџ натпреварувањето (10,7 поени и 3,6 асистенции по натпревар), а исто така беше шампион и во турската национална ТБЛ лига, откако во финалето беше совладан Анадолу Ефес. Тогаш Аројо забележа 18 поени, 5 скока и осум асистенции.


Досегашниот тренер на Макаби Тел Авив и селектор на руската репрезентација, Дејвид Блат би можел да стане помошник тренер во НБА составот на Атланта Хоукс. Блат успеа со Русија да го освои бронзениот медал нан Олимписките Игри во Лондон 2012. Главниот тренер на Атланта, Леру Дру дојде во Израел на разговори со Блат и неговите анализи со израелскиот клуб досега.

Белградски Партизан отпатува за Република Српска каде ги очекува турнир (14-15 септември 2012) во организација на клубот Игокеа од Александровац. Во полуфиналниот меч на 14 септември (петок) ќе игра со словенечката екипа на Крка, додека на другата средба ќе играат Химки и Игокеа. Тренерот Вујошевиќ ќе има на располагање 15 играчи, на тимот му се придружија и репрезентативците Анѓушиќ и Мусли, додека Бертанс треба да пристигне во Белград в петок. Поради повреда не отпатува Лучиќ. По овој турнир, е планиран уште еден контролен меч, кој ќе биде организиран во Вишеград, исто така во Република Српска. Мечот ќе биде од хуманитарен карактер, а Партизан ќе игра со тимот од Александровац.

 

[Captain Clutch]

 

[fidanmk]

Италјанската екипа на ЕА7 Армани Олимпиа Милано, донесе одлука 22-годишниот аргентински плејмејкер со италјански пасош Хуан Фернандез, да се пресели во составот Леонеса Бреша, како позајмен играч. Овој тим игра во втората лига на Италија (Легадуе). Фернандез ова лето потпиша повеќегодишен договор со составот од Милано. Тој дојде во Италија од американскиот Универзитет на Темпл, со чиј состав настапуваше четири сезони во НЦАА лигата (лани имаше учинок од 11,1 поен, 2,8 скока, 3,8 асистенции и 1,0 украдена топка по натпревар).


Во пријателски дуел, германската екипа на Ратиофарм Улм го совлада францускиот состав на Стразбур со резултат 84:67 (34:35). Стрелци кај Ратиофарм Улм: Гауса 8 поени, Тејс 12, Реј 4, Хеберлејн 7, Естеркамп 8, Вотс 9, Шветхелм 4, Џетер 10, Нанкивил 11 и Брајант 11. “Одигравме добар меч, посебно во второто полувреме, кога ја движевме подобро и побрзо топката и успевавме лесно да реализираме во нападот“, рече тренерот на Улм, Лејбенет.

Ланскиот член на Бешикташ, Американецот Дејвид Хокинс (30), ќе биде нов капитен на турскиот Галатасарај, со чиј состав потпиша ова лето. И минатата година беше капитен на Бешикташ и успеа да ги освои трофеите во Турскиот Куп, Еврочелинџ натпреварувањето и турската национална ТБЛ лига. Тренерот Атаман кој исто така лани беше тренер на Бешикташ, а оваа година стана нов стручњак на тимот на Галатасарај, беше сигурен и одлучен дека Хокинс и во новата сезона ќе ја има улогата на капитен.

Тренерот на Бешикташ, Ерман Кунтер во едно интервју овие денови, ги негираше информациите дека е можно кошаркарот од Порторико, Карлос Аројо, да се врати во турскиот клуб. И покрај тоа што ова лето тренерот спомнал во еден момент за продолжување на договорот со Аројо, сепак со доведувањето на Тутку Ачик и Куртис Џерелс, нема повеќе гарантирано место за Портораканецот.

Израелскиот клуб на Макаби Тел Авив исто ја започна предсезоната и тоа со победа над Макаби Хаифа со 89:71. Најзаслужни за успехот беа Ландесберг со 26, Хикмен 19 и Логан со 11 поени.

Србинот Марко Кешељ (24), кој потпиша едногодишен договор, е нов член на шпанска Валенсија. Тој доаѓа од екипата на Олимпијакос, каде помина две сезони, а лани ја освои титулата во Евролигата (во 14 меча имаше учинок од 3,9 поени и 2,0 скока по натпревар). Тој со сениорската селекција успеа да се пласира на ЕП Словенија 2013 (со биланс 4,6 поени и 3,0 скока по натпревар во седум одиграни меча од квалификациите).

 

[fidanmk]

Фенербахче Улкер-Монтепаски Сиена 89:61


Шпанската екипа на Каха Лаборал во пресрет на новата сезона, предводена од тренерот Душко Ивановиќ.


Литванската екипа на Жалгирис Каунас во пресрет на новата сезона.



На вториот ден од турнирот “Риксос Куп“, Галатасарај го совлада Банвит со 77:61. Први стрелци во победата беа Хокинс со 20 поени, 4 скока и 4 асистенции, Гордон додаде 16 поени и Мачван 10 поени. Кај поразените домаќини, најдобар беше Туркјилмаз со 23 поени и осум скока. Во вториот меч Анадолу Ефес ја совлада Цибона убедливо со 83:66. Во триумфот дабл-дабл учинок имаше Барач со 18 поени и 10 скока, се истакнаа уште Вујачиќ со 13, Батук со 12 и Лукас со 11 поени. Кај клубот од Загреб, Зубчиќ забележа 16 поени и три скока, додека Хамилтон 14 поени.

На вториот дуел одигран на турнирот во Лавал, Франција, составот на Ле Ман загуби минимално од екипата на Шалон со 71:69. Најзаслужни за победата на Шалон беа Денмон со 25, Шилб со 14 поени, Ленг и Евтимов додадоа по осум. Во мечот најдобри стрелци кај поразените беа Катберт Виктор и Папе Су со 15 реализирани поени.

26-годишниот српски кошаркар, Урош Трипковиќ, и официјално потпиша за шпанскиот состав на Ваљадолид за претстојната сезона. И покрај тоа што постоеше интерес за негов ангажман и од страна на Виртус Болоња, Трипковиќ се реши да остане во Шпанија. Ланската година ја пропушти повреда. Негов последен клуб беше Уникаха Малага (сезона 2010/2011 година). Тогаш во 14 одиграни меча од Евролигата имаше учинок од 8,4 поени, 1,4 скок и 1,1 асистенција по натпревар.

Хрватската екипа на Цедевита загуби од рускиот состав на Урал Екатеринбург во контролен меч со резултат 71:67. Прв стрелец кај Урал беше Крис Монро со 22 поени. Федјушин и МекГи додадоа по 11, односно 9 поени. Кај клубот од Загреб, Американецот со македонски пасош, Маркиз Грин постигнал шест поени. Стрелци кај Цедевита: Враговиќ 2, Грин 6, Шупут 3, Бува 17, Билан 15, Желабал 17, Кар 3, Баџариќ 4. Претходно, Цедевита во Пореч лесно го совлада рускиот тим на Рускон Мордовиа со 79:53. И во тој меч Маркиз Грин постигна шест поени, додека први стрелци во победата биле Билан со 22 и Шупут со 13 поени.

Азиз Јилдирим, претседателот на турската екипа на Фенербахче Улкер, како гостин во фудбалската емисија за НТВ Спорт, даде т.н. неочекуван коментар за судиите во кошаркарската Евролига: “Судиите кои доаѓаат во Турција за да дели правда на меч од Евролигата, оди право во главниот, односно Големиот Базар. Веднаш тие имаат намера да купат скапа облека, подароци, а ние треба да плаќаме наместо нив. Ова стана традиција кај судиите наменети за Евролигата, а не е спорно тоа дека ова се случувало и во минатото. Истото прашање би го поставил и до сите други клубови од Турција да го потврдат моето мислење“, рече Јилдирим.

 

[fidanmk]

29-годишниот Американец Девин Смит поради повреда на коленото ќе паузира еден месец. Членот на израелската екипа на Макаби Тел Авив има искинат менискус, по што ќе биде подложен на артроскопски третман. Смит кој игра на крилната позиција (196 см), пристигна во Макаби Т.А. минатото лето. Во 21 одигран меч во Евролигата, имаше учинок од 8,1 поен и 4,2 скока по натпревар. Со екипата успеа да стигне до четвртфиналето од Евролигата, а успеа да ги освои трофеите во израелското првенство и куп. Претходно Смит бил член и на екипите на Бенетон Тревизо и Фенербахче Улкер.


Полско-шведскиот кошаркар Мациеј Лампе го напушти тренинг кампот на шпанската екипа на Каха Лаборал во Франција поради повреда и се врати во Виториа. Медицинските прегледи ќе покажат колку ќе отсуствува од терените. Лани Лампе потпиша за Каха Лаборал минатата година, го пропушти поголемиот дел од сезоната и многу мечеви, за да се врати дури февруари оваа година и да одигра 21 меч со учинок од 12,4 поени и 5,1 скок по натпревар. Во сезоната 2010/2011 година му помогна на рускиот клуб на Уникс Казан да го освои трофејот во Еврокуп натпреварувањето (15,6 поени и 8,1 скок по натпревар).

Тренерот на хрватската екипа на Цедевита Загреб, Божидар Маљковиќ со свое видување засега во предсезоната: “Ние полека, но сигурно влегуваме во последната фаза од подготовките за новата сезона. Се соочуваме со многу проблеми, повреди кај играчите. Нашите тест противници од Русија тука во Пореч дојдоа во нивните најсилни состави. Ние имавме добар меч со Рускон, но има уште простор за подобрување. Во тимот недостасуваат Андриќ, Бабиќ, Томас, Врајт и уште еден Американец кој треба да ни се приклучи во наредниот период, значи не сме целосно комплетни. Имаме тежок испит со Цибона наредните денови, во Евролигата оваа сезона се наоѓаме во тешка група (Олимпијакос, Каха Лаборал, Анадолу Ефес, Жалгирис и ЕА7 Милано) и мораме добро да се подготвиме за предизвиците кои ни следат. Мораме ментално да акцептираме се што се случува околу нас, соработуваме во потполност на тренинзите и максимално да се извршат задачите на терен“, рече тренерот Маљковиќ“.

Денеска преку линкот можете да проследите неколку контролни мечеви, преку веб сајтот на livescoreshunter.com. Како еден од позанимливите мечеви ќе биде мечот меѓу бугарската екипа на Лукоил Академик, каде тренер е македонскиот стручњак Марин Докузовски и шпанскиот состав на Барселона.

http://www.lshunter.tv/basketball-live-streaming-video.html

Бешикташ-Анадолу Ефес (17:00 часот)
Панатинаикос-Црвена Ѕвезда (17:25 ч.)
Галатасарај-Уникс Казан (19:15 ч.)
Лукоил Академик-Барселона (19:30 ч.)

Исто така, можат и останатите да споделувате линкови за следење на пријателски меч било кога. Еве на пример, денеска освен овие натпревари, се играат уште неколку интересни, како што се, Монтепаски Сиена-Унион Олимпија, Олимпијакос-ЦСКА Москва и Сасари-Фенербахче.

 

[fidanmk]

Руската екипа на Уникс Казан, каде што настапува Американецот со македонски пасош, Мајк Вилкинсон, нема да може да смета на 37-годишниот Кели МекКарти. Американецот се повреди на еден од тренинзите. Уникс соопшти дека МекКарти нема да игра за тимот на квалификацискиот турнир во Десио, Италија (25-28 септември 2012) за пласман во Евролигата оваа сезона. На првиот меч Уникс Казан ќе игра против германскиот клуб на Ратиофарм Улм на 26 септември 2012 со почеток во 18:00 часот.

31-годишниот Летонец, Кристапс Валтерс (190 см) моментално тренира со летонската екипа на Вентспилс, со цел да стане нивни член, но неговата цена што ја бара Уникаха Малага е превисока за Вентспилс, па мали се шансите да се направи трансфер. Лани Валтерс за шпанската екипа во 13 одиграни меча во Евролигата имаше учинок од 8,2 поени, 1,8 скок, 3,1 асистенција и 2,1 загубена топка по натпревар.


Кошаркарот од Уругвај, кој игра на позицијата центар, Естебан Батиста (29), е многу блиску до заминување од турската екипа на Анадолу Ефес. Батиста (208 см) кој доаѓа од Монтевидео, минатото лето потпиша повеќегодишен договор за Анадолу Ефес, а менаџерот на овој клуб, Цетин Јилмаз потврди дека играчот си заминува. “Го комплетиравме списокот за новата сезона, а Батиста ќе мора да бара нов клуб“, рече Јилмаз за НТВ Спорт. Лани Уругваецот во 16 меча одиграни во Евролигата имаше биланс од 5,1 поен и 4,3 скока по натпревар. Моментално шпанскиот состав на КАИ Сарагоса се интересира да го доведе Батиста во своите редови.

Полската екипа на Асеко Проком Гдиниа ќе учествува на меѓународен турнир во полскиот град Вочавек. Во наредните три дена ќе настапат и екипите на Анвил (Полска) како домаќин, Тарту Уликоол (Естонија) и ВЕФ Рига (Летонија). Проком ќе допатува во малку поразличен состав, на овој турнир нема да настапат бекот Френк Робинсон, центарот Жулиан Казу, вториот центар Адам Хричаник и бековскиот шутер Дардан Бериша кои ова лето станаа нови играчи на клубот. Шанса ќе добијат дебитантите во овој тим, Кошчарек, Вини, Памула и Сниег. Проком во првиот ден ќе игра против естонски Тарту, потоа со летонска Рига, а последниот дуел ќе го има со домаќинот Анвил.

Распоред на натпревари:
14 септември (петок)
Проком-Тарту (17:00 часот)
Анвил-Рига (19:30 ч.)

15 септември (сабота)
Проком-Рига (17:00 ч.)
Анвил-Тарту (19:30 ч.)

16 септември (недела)
Тарту-Рига (16:00 ч.)
Анвил-Проком (18:30 ч.)

 

[fidanmk]

Украинскиот тим на Донецк ја забележа првата победа на тренинг кампот во Италија. Беа подобри од швајцарски Вакало со резултат 65:59. Први стрелци кај Донецк беа Сонгаила со 18, Фишер со девет и Перкинс со осум поени. Свој придонес во успехот даде и македонскиот репрезентативец Војдан Стојановски забележувајќи седум поени.

На силниот турнир во Софија, бугарската екипа на Лукоил Академик триумфираше против Црвена Ѕвезда со 85:75. Избраниците на македонскиот стручњак Марин Докузовски очекуванп славеа против српскиот вицешампион. Најзабележителни кај Лукоил Академик беа Аврамов со 19, Абукар со 16 и Грин со 15 поени.

Италјанската екипа на Палаканестро Канту и официјално се засили со 22-годишниот Андреа Касела, кој игра на позицијата крило. Касела (196 см) ланската сезона ја мина во италјанскиот второлигаш Пјаченца со учинок од 2,7 поени и 1,7 скок по натпревар во т.н. лига, Легадуе.

И покрај тоа што се пензионираше оваа година, 36-годишниот Карлос Хименез (205 см) одлучи да потпише договор на еден месец со можност да остане уште еден во шпанскиот клуб на Уникаха Малага. Искусниот играч посакува барем привремено да го замени Серхи Видал, кој ќе паузира два месеци.

31-годишниот Летонец, Кристапс Валтерс, кој беше слободен играч, вкупно два месеца ќе биде член на германскиот состав на Артланд Драгонс, кој има можност да го продолжи договорот за време на сезоната со Валтерс, кој треба да биде замена за 34-годишниот Американец Демонд Малет кој има повреда. Валтерс пред извесен период тренираше со Драгонс, а минатата сезона беше член на шпанскиот клуб на Уникаха Малага, каде за 13 одиграни меча во Евролигата имаше учинок од 8,2 поени, 1,8 скок, 3,1 асистенција и 2,1 загубена топка по натпревар.

Белгискиот тим на Теленет Остенде одигра два пријателски меча во подготвителниот период. Најпрвин загуби од германскиот тим на Ратиофарм Улм со 92:88. Најдобро стрелци кај победникот беа Естеркамп со 16 и Вотс со 15 поени, додека кај поразените, Дробњак и Петровиќ постигнаа по 18, односно 13 поени. Во вториот меч, Остенде го совлада германскиот состав на ЛТИ Гиесен со 91:79, а најзаслужни за триумфот беа Стојиќ со 20 и Лојески со 18 коша.

На Кастелан купот, во контролен меч полскиот тим на Проком го совлада Анвил (Полска) со 71:55 (38:32). Кошчарек со 18, Вини со 17 и Памула со 11 поени беа најдобрите на теренот за Проком.


Како подготовка за новата сезона, АЛБА Берлин беше поупешен во германскиот дуел против Баерн Минхен со 65:57, најмногу благодарение на 16-те поени на Деон Томпсон и 12-те на Џаред Хоман.

На турнирот Комунидад во Мадрид, составот на Реал славеше против Асефа Естидиантес со 71:60. Реал победата ја заклучи во последните 10 минути од мечот. Стрелци за Реал Мадрид: Миротиќ 21 поен, Фернандез 18, Рејес 10, Суарез и Љуљ по седум.

 

[fidanmk]

Турскиот клуб на Фенербахче славеше победа против ЦСКА Москва на меѓународниот турнир во Каљари, Италија, со резултат 70:65. Најефикасен и најзаслужен за победата беше македонскиот репрезентативец Лестер Бо МекКејлеб со 21 реализиран поен, а Сато додаде 14. На спротивната страна Понкрашов даде 17 поени. Истите две екипи меѓусебе повторно се сретнаа еден ден подоцна во Истанбул. Фенербахче го организираше прошталниот меч за Мирсад Туркчан, славеа повторно Турците овојпат со резултат 74:65, а МекКејлеб даде девет коша.

На истиот турнир, грчкиот тим на Олимпијакос со 71:67 славеше против италјанскиот состав на Монтепаски Сиена. Македонскиот интернационалец имаше свој придонес во успехот со реализирани 10 поени, а поефикасен од него во тимот беше само Гечевичиус со 14 поени.

Партизан од Белград го освои турнирот во Лакташи, Босна и Херцеговина, откака во финалето беше поуспешен од Химки со 68:56. Гагиќ ги предводи црно-белите со 27 поени, додека Лео Вестерман и Дру Гордон додадоа по 11, односно девет поени. Кај рускиот тим Кејси Риверс уфрли 21 поен. Претходно во полуфиналето Партизан беше подобра од словенечка Крка со 68:64 и повторно најдобар стрелец беше Гагиќ со 17 реализирани коша.

Во хрватската екипа на Цедевита Загреб пристигна ново засилување, 29-годишниот американски плејмејкер, Куртис Стинсон (191 см). Лани го носеше дресот на Крка настапувајќи во Јадранската лига (8,3 поени, 3,3 скока и 4,5 асистенции по натпревар), а таму одигра само четири меча, по што се пресели во американската Д-лига како член на Ајова Енерџи. “Чест ми е што добив можност да играм во Евролигата. Американците кои доаѓаат во Европа, секогаш посакуваат да играат во најеминентното европско клупско натпреварување. Навистина сум му благодарен на хрватскиот тим што ме прими, многу сум слушнал за Цедевита со успешни резултати и се надевам дека во новата сезона ќе помогнам да оствариме многу победи и трофеи, со помош на нашата публика“, рече Стинсон.


Словенечкиот состав на Унион Олимпија славеше во подготвителен натпревар против италјански Динамо Сасари со убедлив резултат 79:64. Тимот предводен од тренерот Саша Филиповски имаа веќе сигурно водство по првиот дел (40:28). Стрелци за Унион Олимпија: Рупник 5 поени, Препелиќ 16, Блажиќ 18, Муриќ 10, Бејнс 14, Бубниќ 11, Пејџ 5.

Шпанската екипа на Каха Лаборал во контролен меч загуби на гостински терен кај францускиот тим на Шоле со 79:77 (39:38). Стрелци кај Каха Лаборал: Ночиони 11, Хедс 1, Сан Еметерио 16, Плајс 12, Хортел 11, Олесон 9, Хернандез-Сонсека 2, Косер 15.

Монтепаски Сиена

 

[fidanmk]

Составот на Жалгирис успеа да го освои првиот трофеј во новата сезона, и тоа против Литвос Ритас во литванскиот СуперКуп. Откако на првиот меч славеа убедливо со 89:71, на реваншот, т.е. вечерва Жалгирис извлече нерешено 87:87, благодарение на тројката на Поповиќ со звукот на сирената и да спречи било каков пораз. Македонскиот репрезентативец Предраг Самарџиски за Литвос Ритас забележа пет поени и пет скока.
Литвос Ритас: Радошевиќ 20 поени, Сеибутис 13, Блумс 12, Бабраускас 11, Недовиќ 11, Кателинас 7, Иванов 6, Самарџиски 5, Редикас 2.
Жалгирис: К. Лавринович 16, Поповиќ 14, Д. Лавринович 12, Фооте 12, Кузминскас 8, Јанкунас 6,Каукенас 6, Дарден 5, Јушкевичиус 3, Липкевичиус 2.

Српско-црногорскиот кошаркар Милко Бјелица и крилен центар поради повреда ќе биде надвор од терените. Минатото лето Бјелица потпиша за Каха Лаборал, доаѓајќи од составот на Литвос Ритас. Во Евролигата во осум одиграни меча за шпанскиот клуб имаше учинок од 10,6 поени и 3,9 скока по натпревар.

Во пријателски меч во градот Хуеска, Уникаха Малага славеше против КАИ Сарагоса со 93:82. Најдобри стрелци кај Уникаха беа Уртасун со 23 поени, Вилијамс 15, Каловеј и Драгиќ по 12 и Гист 11. На спротивната страна Стефансон постигна 14 поени.

Ланскиот играч на Олимпијакос, крилниот српски играч Марко Кешељ ги помина медицинските прегледи и официјално стана нов член на шпанскиот состав на Валенсија. 24-годишниот Кешељ потпиша едногодишен договор. Минатата година со Олимпијакос успеа да стане шампион во Евролигата, каде за 14 одиграни меча имаше биланс од 3,9 поени и 2,0 скока по натпревар.

Турскиот клуб на Бешикташ се засили со 27-годишниот Американец Рендал Фалкер (201 см). Тој доаѓа од екипата на Шоле каде помина вкупно четири сезони. Лани во францускиот клуб во 34 меча одиграни во националната Про А лига имаше учинок од 6,2 поени, 6,4 скока, 2,4 асистенции и 1,5 блок по натпревар. Во сезоната 2009/2010 успеа да стане првак на Франција со Шоле. Во сезоната 2010/2011 во девет одиграни меча во Евролигата забележа 7,0 поени и 7,5 скока по натпревар.

Германскиот состав на Ратиофарм Улм успеа да слави на т.н. СВГ Куп турнир во градот Лих, Германија. Во одлучувачкиот меч, го совладаа тимот на Артланд Драгонс со 99:74. Најзабележителни кај Улм беа Брајант со 23, Вотс со 15, Гунтер со 14 и Шветхелм со 13 поени.


Грчкиот тим на Панатинаикос посакува во своите редови да го доведе Американецот Ентони Толивер (206 см), кој игра на позицијата центар. Челниците на Панатинаикос водат разговори со првите луѓе на НБА составот на Минесота Тимбервулвс, со цел Толивер да потпише договор со Грците за претстојната сезона. За Толивер, Грција не е во преден план, но останува како опција. Повеќе се надева дека ќе остане во НБА и ќе добие задоволителна понуда, односно поголема плата. Лани за 51 одигран меч во Минесота, имаше учинок од 4,1 поен и 3,0 скока по натпревар.

Српскиот шампион Партизан во градот Вишеград одигра хуманитарен меч со екипата на Игокеа. За избраниците на тренерот Вујошевиќ ова беше осми подготвителен меч во предсезоната. Составот од Белград доживеа пораз со резултат 71:56. Стрелци кај Партизан: Милосављевиќ 14 поени, Гагиќ 12, Богдановиќ 8, Гордон 8, Томас 6, Чакаревиќ 3, Милутинов 2, Чековски 2, Џекиќ 1. “Заслужена победа на Игокеа. Во тимот недостасуваа Вестерман, Лучиќ, Бертанс, Анѓушиќ и Мусли. Се чувствуваше заморот по враќањето од турнирот во Лакташи, БиХ. Како да имаше продолжено ехо по онаа победа во финалето на самиот турнир пред само еден ден, во тој контекст овој пораз може да биде лековит за нас, во смисла дека мораме да извлечеме поука од новонастанатата ситуација. Имаме млади и перспективни играчи, но кога е во прашање пристапот и борбеноста, таквите осцилации само поради младоста мора да се исклучат, а тоа не се случи во натпреварот со Игокеа“, рече Вујошевиќ. Наредната недела црно-белите ги очекува гостување во Фуенлабрада, Шпанија и два контрилни меча со домашниот тим.

АЛБА Берлин

 

[fidanmk]

Руската екипа на ЦСКА Москва и лански финалист, има најголем буџет од 38 милиони евра, од сите претставници кои ќе се натпреваруваат во новата сезона во Евролигата, со исклучок на Уникс Казан (Русија) кој треба да настапи во квалификациите за пласман во ова натпреварување.

Втор најголем буџет има Барселона со 28 милиони евра, додека трет најголем буџет има турскиот Анадолу Ефес со 24 милиони евра.
Најмал буџет има словенечката екипа на Унион Олимпија со четири милиони евра.

Буџет на евролигашките клубови:

1. ЦСКА Москва (Русија) – 38 милиони евра
2. Барселона (Шпанија) - 28
3. Анадолу Ефес (Турција) - 24
4. Реал Мадрид (Шпанија) - 23
5. Фенербахче (Турција) - 20
6. Олимпијакос (Грција) – 19,5
7. Макаби Тел Авив (Израел) -19
8. Панатинаикос (Грција) – 18,5
9. Химки (Русија) – 18,5
10. Армани Милано (Италија) - 16
11. Каха Лаборал (Шпанија) - 16
12. Уникс Казан (Русија) - 16
13. Жалгирис Каунас (Литванија) – 11,5
14. Уникаха Малага (Шпанија) – 11,5
15. Монтепаски Сиена (Италија) - 11
16. Бросе Баскетс (Германија) – 8,5
17. АЛБА Берлин (Германија) - 8
18. Цедевита Загреб (Хрватска) - 7
19. Бешикташ (Турција) – 6,5
20. Литвос Ритас (Литванија) – 6,5
21. Проком (Полска) - 5
22. Шалон (Франција) - 5
23. Партизан (Србија) – 4,5
24. Унион Олимпија (Словенија) – 4

 

[fidanmk]

Каха Лаборал го совлада ЕА7 Емпорио Армани во интересен меч со 89:85 на турнирот во Ла Риоја Логроњо, Шпанија. Најдобри стрелци кај Лаборал беа Ночиони и Олесон со 15, Кабезас со 12, Косур 11 и Еметерио со 10 поени, додека кај поразениот, Лангфорд даде 18, Фотсис и Хендрикс 13, Бурусис и Херстон осум поени. На истиот турнир, Емпорио Армани лесно славеше победа над локалниот тим на Логроњо со 87:64. Најзабележителни кај Емпорио Армани беа Лангфорд со 19 и Херстон со 16 коша.

Монтепаски Сиена победи на седмото издание на Меморијалот Стефано Белавеглиа во Фиренца откако беше подобар од тимот на Вуеле Песаро со 87:69. Стрелци кај Монтепаски Сиена: Касун 20 поени, Браун 16, Езе 6, Рашиќ 4, Кангур 5, Саникидзе 10, Џенинг 13, Мос 13.

Белградски Партизан во вторник на 25 септември 2012, ќе го претстави тимот за сезоната 2012/2013 и тоа традиционално собирањето и оваа година ќе биде организирано на Калемегдан. Избраниците на тренерот Вујошевиќ наредниот ден в среда на 26 септември, ќе имаат организиран т.н. “Ден со медиумите на Евролигата“, кога и официјално ќе има сликање на екипата, снимање видео материјали за потребите на Евролига.

Британецот Попс Менсах-Бонсу не е повеќе член на Макаби Тел Авив. Медицинските прегледи покажаа дека тој сеуште не се опоравил од повредата на коленото стекната ова лето настапувајќи за репрезентацијата. Бонсу имаше успешна сезона со Бешикташ заблежувајќи 18,5 поени и 11,8 скока по натпревар во 11 меча одиграни во Еврочелинџ, а подоцна турскиот клуб стана и првак во ова натпреварување. Во меѓувреме, Израелците имаат интерес да го доведат 26-годишниот американски центар Ди Џеј Вајт, кој е слободен играч. Тој минатата година беше член на НБА составот на Шарлот Бобкетс каде имаше учинок од 6,8 поени и 3,6 скока по натпревар во 58 одиграни меча. Исто така, на листата на желби кај Макаби е и српскиот крилен играч Новица Величковиќ (26). Тој претходните три години беше член на Реал Мадрид, но според информациите не е 100% подготвен сеуште да игра, поради повреда. Лани во седум одиграни меча во Евролигата за Реал имаше биланс од 4,1 поен, 2,0 скока и 1,6 асистенција по натпревар.


Досегашниот член на француската екипа на Ле Ман, Американецот Алекс Акер (29), кој игра на позицијата бек, има понуда од италјанскиот состав на Виртус Болоња, кој повеќе не може да смета на Џи Ар Бремер. Акер веќе има искуство во Италија, играјќи претходно за Олимпиа Милано и би можел повторно да се врати на Апенините, со оглед на тоа што таму е оженет.

Литвос Ритас загуби во пријателски натпревар од белгискиот состав на Спиру со 74:69. Во поразот македонскиот репрезентативен центар Предраг Самарџиски постигна два поени. Најдобри стрелци кај литванскиот клуб беа Иванов со 13 и Недовиќ со 12 поени. Радошевиќ и Бабраускас додадоа по 10, односно девет коша во истиот тим.

Шпанската екипа на Каха Лаборал е заинтересирана да го доведе Словенецот Јака Лаковиќ (34). Тој е во под договор со турскиот состав на Галатасарај кој информираше дека Лаковиќ може да бара нов клуб во пресрет на новата сезона. Лани во Галатасарај во 16 меча во Евролигата имаше учинок од 9,7 поени, 1,9 скок и 2,6 асистенции по натпревар.


Ланскиот шампион во Еврокупот Химки Москва, во пресрет на новиот предизвик - Евролигата


Турската кошаркарска легенда - Мирсад Туркчан - проштален меч во екипата на Фенербахче

 

[fidanmk]

По поразот од Левски со 92:80, тренерот на Лукоил Академик, Марин Докузовски рече дека може неговиот тим да извлече позитивна страна по контролниот одигран натпревар одигран во Софија. Докузовски ја пофали играта на Левски, но спомна дека тие не се прв приориет во моментов, туку дека се фокусира за дуелот со италјанскиот состав на Палаканестро Канту на 25 септември вторник со почеток во 18:00 во квалификациите за пласман во Евролигата. Последниот подготвителен тест Лукоил Академик ќе го имаат против српската екипа на Раднички Крагујевац на 22 септември со почеток во 18:00 часот.

“Да ви кажам нешто, секој сака да победи кога се игра натпревар. Секое зло за добро, како велите вие. За нас поразот дојде во вистински момент, да слеземе малку на земја. Левски играше добро, помотивирано и во одбрана и во напад, а ние не бевме на висина на задачата. Многу кошеви примивме, вкупно 92, затоа треба понатаму кога противнички тим ќе напаѓа, мора да одговориме со силна одбрана“.
“Мислам дека по тие два дена на силниот турнир во Софија и мечевите со Барселона и Црвена Ѕвезда, моите играчи се изморија. Имаме неколку дена да се одмориме, да направиме анализи, да го подготвиме тимот на физички и тактички план“.

“Се надевам дека тимот ќе биде спремен за дуелот со Канту. Со максимална ангажираност и мотивираност да пристапиме кон мечот. Што се однесува до првенството, Левски играат многу добро, многу се напредни и ќе бидат еден од ривалите за највисок пласман, но за Левски ќе размислуваме на 3 ноември кога се игра нашиот меѓусебен дуел“, рече македонскиот стручњак, Марин Докузовски.


30-годишниот Американец кој игра на позицијата бек, Џералд Фич, и официјално потпиша за францускиот состав на СИГ Стразбур. Тој ќе го замени Рашард МекКантс, кој не ги помина лекарските прегледи. Фич лани играше за шпанската екипа на Уникаха Малага, каде имаше учинок од 10,8 поени, 3,4 скока, 1,7 асистенција, 1,2 украдена топка и 1,5 загубена топка по натпревар во 13 одиграни меча во Евролигата. Со Галатасарај во 2007 година успеа да стане првак во турската национална ТБЛ лига.

Регал Барселона го продолжи договорот со тренерот Чави Пасквал до крајот на сезоната 2014/2015. Пасквал кој дојде во февруари во 2008 година, со шпанскиот тим успеа да освои 12 трофеи во сите натпреварувања, вкупно 22.

Кошаркарите на Партизан утре в петок 21 септември 2012, ќе игра пријателски меч со шпанскиот состав на Фуенлабрада. Како подготовка за новата сезона, натпреварот ќе се одигра во 20:30 часот во арената “Фернандо Мартин“.

 

[fidanmk]

Украинската екипа на Донецк одигра уште еден контролен меч на тренинг кампот во Италија. Донецк успеа да го совлада шампионот на Казахстан со 60:55 (32:34). Македонскиот репрезентативец Војдан Стојановски во победата беше втор стрелец со 11 поени, зад Сонгаила со 17. На спротивната страна Џонсон и Маршал дадоа по 13, односно 12 поени.

Хрватската екипа на Цедевита Загреб загуби во пријателски дуел од составот на Игокеа од Александровац со 72:67. Мечот бил неизвесен, а победникот успеал во крајните минути да оствари резултатска предност. Имено, во последната четвртина Цедевита водела 6 поени разлика, но таа бргу се стопи. Американецот со македонски пасош, Маркиз Грин во поразот постигна пет поени. Поради повреда, во Цедевита не настапија Сутон, Врајт, Баждариќ и Томас. Стрелци кај Цедевита: Кар 2 поени, Грин 5, Желабал 6, Шупут 8, Бабиќ 9, Андриќ 25, Лебо 4, Билан 8.

Во францускиот Суперкуп во Париз, составот на Шалон загуби неочекувано од Лимож со 78:76. Кај победникот најдобри стрелци беа Ванамакер со 23, Мипока со 17 и Валкер со 11 поени, додека кај поразениот Шилб беше најзабележителниот со 23 коша, 7 асистенции и 5 скока. Шикамбу и Капела додадоа по 21, односно 10 поени.

На турнирот во Ла Риоја Логроњо, Шпанија, составот на Каха Лаборал лесно и убедливо го совлада домаќинот Кнет Логроњо со 83:56. Стрелци кај Каха Лаборал: Ночиони 8 поени, Кабезас 5, Еметерио 15, Плајс 4, Олесон 19, Рочест 7, Милошевиќ 1, Сонсека 3, Бјелица 15, Косур 6.

31-годишниот грчки кошаркар, Михалис Пелеканос, кој игра на позицијата крило, ќе биде нов член на екипата на Арис. Пелеканос минатите две години ги мина во бранителот на титулата во Евролигата, Олимпијакос. Лани тој имаше учинок од 3,1 поен и 1,4 скок во 10 одиграни меча во најквалитетното европско клупско натпреварување.