Кајгано читај,
Група од над 30 професори и студенти од пет државни универзитети од Република Македонија, денеска ќе заминат во дводневна посета на седиштето на НАТО во Брисел.
Во групата се вклучени универзитетски професори и студенти од Универзитетот „Св Кирил и Методиј“ од Скопје од Факултетот за филозофија, Институтот за безбедност и одбрана, Факултетот за безбедносни студии „Св Климент Охридски” од Битола, Тетовскиот Универзитет, Универзитетот „Гоце Делчев” од Штип и Воената Академија „Генерал Михајло Апостолски” од Скопје.
Оваа посета на група студенти на седиштето на најголемата воена организација во светот е досега најголема и најсеопфатна со вклучени претставници од државни универзитети од цела Македонија, а се реализира на иницијатива на Мисијата на Република Македонија при НАТО во тесна соработка со Одделот за јавна дипломатија при НАТО.
Во рамки на посетата на Седиштето на НАТО во Брисел, утре е предвидено групата универзитетски професори и студенти да биде брифирана од страна на високи претставници од НАТО во врска со прашања што се актуелни во НАТО, како што се безбедносните предизвици, значењето на партнерствата и операциите предводени од Северно-атлантската алијанса.
Групата универзитетски професори и студенти од Република Македонија, придружувана од страна на Амбасадорот на Република Македонија при НАТО, Мартин Треневски, ќе биде поздравена и од страна на Помошникот-Генерален Секретар на НАТО за јавна дипломатија, амбасадорката Колинда Китаровиќ-Грабар, која ќе брифира за претстојниот Самит на НАТО во Чикаго. По агендата исклучително важни брифинзи во НАТО, групата ќе биде официјално примена и брифирана и во Мисијата на Република Македонија во НАТО.
За во вторник (8 мај), пак, групата универзитетски професори и студенти од Република Македонија, придружувана од страна на амбасадорот Треневски и воениот претставник на Република Македонија во НАТО, бригадниот генерал Бранко Дракалски, ќе оствари посета на Врховната Команда на НАТО за Европа SHAPE во Монс. Во SHAPE, предвидено групата ќе биде информирана за операциите што ги води оваа сојузничка команда и за дивизијата за воена соработка, а студентите и нивните професори ќе имаат можност и да се сретнат со претставниците на Канцеларијата на врски на Република Македонија во Командата.
Посетата на оваа група универзитетски професори и студенти од пет државни образовни институции во Република Македонија на седиштето на НАТО во Брисел ќе биде извонредна можност за запознавање на една широка и сеопфатна група млади и перспективни студенти од цела Македонија со најновиот развој во НАТО.
Вложувањето во приближувањето на НАТО кон генерациите млади студенти, идни перспективни лидери во земјата, е силен придонес кон евроатлантските интегративни напори на Република Македонија за достигнување на стратегиската цел за станување рамноправен дел од Европската Унија и НАТО.
Во попладневните часови во вторник, групата универзитетски професори и студенти ќе биде примена од страна на Мисијата на Република Македонија во Европската унија, каде ќе биде брифирана за евроинтегративните напори на земјата како и за носечките институции на Европската Унија.
http://www.fakulteti.mk/news/12-05-07/profesori_i_studenti_vo_poseta_na_sedishteto_na_nato_vo_brisel.aspx
Малце оваа вест е бајата, ама нема веза.
Не дека се фалам, но еден од тие студенти кои замина таму го познавам лично и не си свесна колку ми е мило што е дел од оваа посета. Личност која е најамбициозната која ја познавам и која дефинитивно заслужува да е дел од вакви активности.
Кога ќе видам дека некој кој навистина заслужува да биде награден за својот квалитет и знаење без притоа да биде бутнат со врски, ми доаѓа надеж дека навистина има у државава луѓе кои го ценат квалитетот.
.
Бев и во основен суд 2 или 1 или не знам не памтам веќе мозокот ми работи 300 на саат, слушав како се тужат за дворни места пропратени со градежни шутови, козји патеки и секако деца што се внесуваат со кола во двор ?! Внуците го тужат чичкото... е мајката...
Толку да се нема осет.
