Кајганке
Никако не можам да го разберам ова матурантско лудило.
Родителиве во паника земаат кредит - причина - “детето ми е матурант, па да се облече, па кафана, музика, 200 гости“
Аманнннн мориииииииии, што зборувашшшшшшшшшшшшш, матурантттттттт.
Ако судиме според подготовкиве, ќе помислиш дека докторирал на Харвард, Јеил, Сорбона, а тој кутриот мрсулко само завршува средно училиште.
Во состојба се да плаќаат Х% камати, да се заглавуваат до гуша, ама матура за синот/ќерката мора да се прави. Да се знае во комшилукот која куќа мрсно јаде бре, после ќе мачкаме леб и маргарин, ама за кафана, за музика, за 200 гости, мора да се најде, макар и на кредит
Ама не се криви децата, криви се родителите.
Мојата генерација не знаеше за надградби на коси, за ботокси на уста, за силикони, матура славевме дома на денот кога беше матурската прослава, без фамозните 200 гости, туку само со најблиските, па не ни фалеше ништо.