Уште неколку денови ќе бидеме во илегала, вели висок функционер на ДПА за А1. По ова ќе излезат со став за расколот во партијата.
Во меѓувреме, и во двата табора трка по разграноците, врбување на пратениците и функционерите. Гостиварскиот огранок му го сврте грбот на Тачи. Екс министерот за образование Сулејман Рушити се определи за опцијата на Селмани.
И пратеникот Абедин Зимбери, некогашниот командант на воената полиција на ОНА го сместуваат во крилото на Селмани, а кај него најверојатно ќе оди и Ружди Матоши, кој себеси се гледа како пратеник доколку се остварат најавите дека за неколку месеци со едно до две министерски места Селмани би влегол во тимот на Груевски. Селмани не крие дека амбициите на новата партија се да можат да ја креираат политиката во државата.
„Се разбира дека целта на формирање на политичката партија е да се има влијание, а влијанија се има кога се има мнозинство во Парламентот и кога имате Влада, меѓутоа апсолутно не ни е целта сега веднаш да бидеме составен дел на Владата. Еден ден да бидеме, меѓутоа не утре“, изјави на 04.09 Имер Селмани.
Од скопскиот регион сигурни играчи кај Селмани се и членовите на Централното претседателство, Аргетим Нагавци и еден од партиските спонзори, Наим Халими, а се споменува и поранешниот министер за екологија Џелал Бајрами.
Тачи го загуби Скопје, велат од кај Селмани. Од ДПА, пак, признаваат скопско и липковско одамна се изгубени. Тетово засега останува бастион на Тачи.
За експертите Тачи требаше да го исполни ветувањето во изборниот период и да си даде оставка.
„Обично политичките лидери во Македонија забораваат на своите изјави пред и по изборите, така што тие се соочуваат со последиците коишто се по дефиниција природни за политичките партии, по губењето на изборите“, рече Владимир Мисев, Институт за демократија.
Колкава ќе биде реалната сила на новата партија, ќе се види на локалните избори.
sam si se radvam za predviduvanjavaza toa deka selmani i gruevski se vo ``ljubovna`` vrska
