T
Tetro
Гостин
Грчкиот претседател Каролос Папуљас побара од министерството за финансии да му ги намали платата и пензијата, објави заменикот министер за финансии, Христос Стаикурас на седницата на парламентарната комисија за буџет.
Претседателот, исто така, предложил да се намалат пензиите на сите поранешни претседатели на Грција, со што, според министерството, државниот буџет ќе заштеди околу 350 илјади евра годишно, пренесува грчката телевизија SKAI.
Шефот на државата кого го избира парламентот, во Грција врши главно церемонијални функции, а извршната власт му е доверена на премиерот.
Според претседателот, платата на шефот на државата треба да се намали, заедно со намалување на платите на министрите и другите владини претставници.
Претходно во февруари, по состанокот со претседателот, грчкиот министер за финансии изјави дека Папуљас се откажал од платата за да ја поддржи земјата западната во тешка финансиска криза. Потоа беше објавено дека платата на претседателот изнесува 23 илјади евра месечно, или 278,4 илјади евра годишно, а по оданочување му остануваат годишно 192 илјади евра. Сега, како што претпоставуваат грчките медиуми, ќе се дефинира новата плата шефот на државата.
Грција којашто се наоѓа петта година во тешка економска криза, презема чекори за драматично намалување на јавните трошоци, особено во сферата на платите и пензиите. Атина води напорни и сложени преговори со Европската унија и Меѓународниот монетарен фонд за продолжување на финансиската поддршка за Грција, којашто е целосно зависна од надворешното финансирање од 2010 година.
Премиерот Антонис Самарас, лидерот на конзервативната Неа демократиа која победи со мала предност на повторените предвремени парламентарни избори на 17-ти јуни, уште на самиот почеток од неговиот мандат ги намали платите на министрите за 30 отсто. Самарас, исто така, ги укина сите специјални комисии и секретаријати на владата, што државата ја чинеше значителен износ, ја ограничи употребата на службени автомобили од страна на министрите, а го затвори и ресторанот за администрацијата во неговата резиденција, на што се трошеле по 63 илјади евра годишно.
http://makfax.com.mk/#4/291366/grchkiot_pretsedatel_bara_da_mu_ja_namalat_platata
