08.03.2014 - Православните верници денес го одбележуваат празникот посветен на светиот великомаченик Теодор Тирон
Во чест на празникот посветен на светиот великомаченик Теодор Тирон, во населеното место Јанчиште денес се одржа голем црковно-народен собир на кој присуствуваа голем број верници.
Во црквата Свети великомаченик Теодот Тирон во Јанчиште Неговото преосвештенство Митрополитот Тетовско-гостиварски Г. Јосиф отслужи Света Божествена Архиерејска Литургија.
За значењето на празникот потсети и парохискиот свештеник отец Жарко Мицковски.
На оваа Света Литургија ќе настапи хорот Воскресение од Тетово под Раководство на хороначалникот Милош Дрпа. На литургијата сите верници коие се подготвувале согласно учењето на Светата Црква пристапија да се причестат со Светото Тело и Крв на нашиот Спасител Господ Исус Христос.
Од Црковниот Одбор се задоволни од посетеноста на овој свет храм во нивното село. Особена чест им е што на овој голем ден за Јанчиште присуствува и митрополитот тетовско-гостиварски г. Јосиф.
Веднаш по празничната литургија во храмот Свети великомаченик Теодот Тирон во Јанчиште беше приредена братско-сестринска трпеза на љубовта која ја благослови владиката Јосиф, на кого му беше врачен и пригоден подарок.
Првата сабота од Светата Четириесетница Православната Црква му ја посветува на споменот на чудесното јавување на Христовиот воин Теодор Тирон за избавување на христијаните од неумолливата скверност на царот Јулијан Отстапник. Свети Теодор Тирон во времето на гонењата на царот Максимијан маченички пострада за верата Христова во 306 година.
Соња Стрезовски
http://kiss.com.mk/mak/novosti1.asp?id=19119[DOUBLEPOST=1394287483][/DOUBLEPOST]
ВО ОВОЈ ГРАД ЌЕ ЖИВЕАТ САМО ЖЕНИ
Саудиска Арабија има намера да создаде индустриски град во кој ќе живеат и работат само жени, на овој начин сака да направи компромис меѓу строгиот Шеријатски закон и желбата на жените да градат деловни кариери.
Се очекува женската општина лоцирана на истокот на земјата да привлече инвестиции тешки околу 100 милиони евра, и да обезбеди 5.000 работни места во текстилната, фармацевтската и прехрамбената индустрија. Иако Шеријатскиот закон формално не им забранува на жените да работат, статистиката покажува дека жената зазема само 15 насто од работната сила во оваа земја. Најновиот план на владата е да им овозможи на жените поактивно да се вклучат во развојот на земјата.
Идејата е за почеток вработување на жените на местото на досегашните работници од странство. Летово почнаа како продавачи во парфимерии и слични продавнички, пред половина година ги заменија мажите во одделот -продажба на женска долна облека.
Сепак и покрај ваквиот напредок, жените во Саудиска Арабија остануваат лишени од основните човекови права и слободи.
Во септември минатата година кралот Абдула најави дека жените ќе можат да гласаат и да бидат дел од локалните избори 2015 година, но Саудиска Арабија и натаму е единствената земја во светот која им забранува на жените да возат автомобил, а Меѓунардниот олимписки комитет едвај ја убеди државата да им дозволи на спортистките да учествуваат на Олимпијадата.
http://mkd-news.com/vo-ovoj-grad-ke-zhiveat-samo-zheni/
[DOUBLEPOST=1394287518][/DOUBLEPOST]
Саудиски активистки потпишаа петиција против апсолутниот машки авторитет
Во пресрет на Меѓународниот ден на жената, десет саудиски активистки потпишаа петиција, упатена до консултативното собрание Шура, со која бараат поголеми права за жените.
Активистката Азиза Јусеф изјави дека тие „бараат да престане апсолутниот авторитет на мажите над жените и да се воведат законски мерки со кои женските права ќе бидат заштитени“.
Во Саудиска Арабија е на сила строга интерпретација на исламското право, поради што жените не можат да работат или да патуваат без дозвола или придружба од маж.
Во петицијата, меѓу другото, се бара да им се дозволи на жените да управуваат со моторни возила, што три членки на собранието Шура го предложија и во октомври, меѓутоа беа надгласани во 150-членото собрание во кое доминираат мажи.
Иако собранието Шура не е легислативно тело, може да предложува и да интерпретира закони, а со зголемувањето на бројот во жените во собранието, може да се надеваме на придвижување и подобрување на полето на женските права во Саудиска Арабија.
http://okno.mk/node/36090
[DOUBLEPOST=1394287667][/DOUBLEPOST]
Сириските монахињи заложнички на џихадистите го напуштиле градот Јабруд
Сириските монахињи од манастирот Маалулија кои се наоѓаат во заложништво на милитантите од исламистичката групација Џебхат ан-Нисра (Фронтот ал-Нусра), го напуштиле во петокот градот Јабруд кој е под опсада на војските на сириската влада, пишува онлајн изданието на панарапскиот весник Al-Sharq al-Ausat.
Според весникот, тринаесетте жени предводени од игуманијата Пелагија (Сајаф) биле преместени на безбедна локација, подалеку од локацијата на која се водат жестоки судири, во близина на границата со Либан. Врската со нив преки мобилните телефони била загубена, што предизвикало стравувања кај свештенството на Антиохиската православна црква.
Портпаролот на сириската вооружена опозиција во областа Калјамун, крај либанската граница, изјавил за весникот дека „монахињите во моментов се наоѓаат на безбедно место". „сите се здрави и тие не се во опасност", потврдил.
Според него, групата во чиишто раце сега се заложничките ја сметаат за своја најголема должност „да ги заштитат нивните животи". Затоа била донесена одлука „калуѓерките да бидат однесени подалеку од Јабруд, каде што втора седмица се одвиваат засилени борбени дејствија од страна на владината армија", рекол неименуваниот опозициски портпарол.
Во февруари катарската сателитска телевизија Al Jazeera ја емитуваше последната снимка на којашто беа прикажани групата монахињи од манастирот Света рамноапостолка Текла, на 50 километри од Дамаск, коишто беа земени во заложништво на почетокот од ноември 2013 година. Снимката беше без звук, но на неа можеа да се забележат милитантите на Фронтот ал-Нусра облечени во црни униформи кои ги чуваат заложничките и како разговараат со нив.
Монахињите и искушениците веќе четврти месец беа во домот на Хасвани во месноста на Јабрида под стража, Овој град, оддалечен 57 километри северозападно од Дамаск, е опсаден од сириската војска, но таа не презема операција против милитантите поради стравување за животите на заложничките.
Своите барања до сириските власти џихадистите ги пренесоа преку сирискиот бизнисмен Џорџ Хавсани. Монахињите беа сместени во неговата резиденција крај Јабруд. Во моментов не е познато каде тие се наоѓаат. Грабнувачите за ослободувањето на монахињите бараа од затворите да бидат ослободен 500 нивни соборци, како и повлекување на сириската армија од Сејднаи, соседен на христијанскиот гра
http://makfax.com.mk/330875/siriskite_monahinji_zalozhnichki_na_dzhihadistite_go_napushtile_gradot_jabrud[DOUBLEPOST=1394287738][/DOUBLEPOST]И ТОЈ Е САМО ЧОВЕК
Папата Франциско: Украдов крст од покоен свештеник!
Папата Франциско вчера призна дека потклекнал пред искушението и дека ја има прекршено седмата божја заповед "не кради".
Во разговор со група свештеници, римокатоличкиот поглавар раскажал дека во родниот Буенос Аирес бил на погреб на еден свештеник кого го сметал за свој идол и дека положувајќи цвеќе во неговиот ковчег забележал дека покојникот во раката држи бројница.
"Ненадејно, крадецот, кој лежи во сите нас, ми се појави во мислите. И додека го спуштав цвеќето во сандакот го откинав крстот од бројницата", рекол папата кој не прецизирал кога се случил овој настан.
Папата додал дека оттогаш секогаш со себе го носи тој малечок крст кој го потсетува на свештеникот и неговата милосрдност што ја покажувал кон другите луѓе.
http://www.vecer.com.mk/default.asp?ItemID=2E9C81BF09C952498454EA5A8E36C49A[DOUBLEPOST=1394289042][/DOUBLEPOST]
Поглаварот на ИВЗ фрли клетва врз стотици Албанци и муслимани
Според познавачи на исламската религија, поглаварот на ИВЗ својата клетва врз градоначалникот на Прилеп ја темели врз анатемата што, според традицијата, ја испратиле неимарите на Чарши-џамијата при нејзината градба со жртвата изразена преку работата на изградба на џамијата и жртвата изразена преку курбанот, кој, како и во христијанската религија, се вградува во темелите на објектот. Но клетвата важи и за сите други што уништиле верски објект, не само за тие што уривале џамии
повеке на линкот
http://republika.mk/?p=213692[DOUBLEPOST=1394289236][/DOUBLEPOST]Според дел од исламските теоретичари и практичари, во изворниот текст на „Фејсбук“ напишан од Реис-ул-улема ефенди Сулејман Реџепи нема посакување смрт. Неговите изјави, всушност, треба да се толкуваат како знак дека евентуалните и потенцијални жртви ги фатила некоја клетва. Според нив, во сите вери има одредена божја казна за зулумот, односно за нанесената неправда, во случајов палењето храмови. Клетвата како институција исламот ја смета за ефективен механизам, односно смета дека таа ги стигнува неправедниците што ќе нанесат зло. Во исто време, исламот не препорачува верникот да биде тој што ќе колне. Дополнително стои еден податок што е повеќе историски отколку што е верски. Имено, во документите за вакафите, во завештанијата на имотот што се дарувал да биде на божјо име има еден дел што се вика дел на клетви. Во него тој што завештува фрла клетва над секого што ќе го уништи, ќе ја промени функцијата, ќе го узурпира или како било ќе го оштети тоа добро што му го отстапил на бога.
Други верски стручњаци, кои инсистираат на анонимност, велат дека овие правила врз основа на кои поглаварот на ИВЗ ги проколна сите што учествувале во палењето на прилепската Чарши-џамија важат за сите верски објекти, а не само за исламските. Тоа е една од причините што во османлискиот период во Македонија и секаде каде што имало христијански верски објекти тие ретко биле палени или уништувани на кој било начин. Стравот дека уништувачите ќе ги стигне клетвата на неимарите и на ктиторите на верските објекти со векови ги штител и православните цркви и манастири. На прашањето дали според таа логика од анатемата на ефенди Сулејман Реџепи треба да се плашат и тие што ги запалија Лешочкиот манастир, што го осквернавија манастирот во кумановското село Матејче во 2001 година или тие што ја запалија црквата во селото Лабуништа пред една година, тие немаат дилема, секој што свесно и со намера направил штета на верски објект, ако го следи принципот на кој се повикува Реџепи, треба да живее во страв од божја одмазда.
Со тоа ефенди Сулејман Реџепи, всушност, не го проколна само градоначалникот на Прилеп туку и сите Албанци што биле членови на ОНА и муслимани што палеле или на кој било начин уништиле христијански верски објекти.
Сите што не ги казниле институциите, и христијани и муслимани, ќе ги казни господ
Портпаролот на ИВЗ Абаз Ислами индиректно потврдува и верува дека покрај сите христијани што уривале исламски верски објекти, клетвата ќе ги стигне и сите Албанци и муслимани што уништувале неисламски верски објекти. Тој иако се согласи да одговори на директните прашања на „Република“ на оваа тема, сепак до затворањето на овој број не одговори на прашањата што беа доставени до неговата лична пошта и до службената електронска пошта на Исламската верска заедница. Во изјава за дел од македонските медиуми што побараа објаснување за радикалните изјави на поглаварот, Ислами порача дека поглаварот не напишал ништо лошо и секако дека стои зад тоа што е напишано на „Фејсбук“. „Ако некои луѓе не се казнети за тоа што го направиле, тогаш работата е оставена во рацете на господ“ (локално.мк, 19 февруари 2014 година). Со тоа и портпаролот на ИВЗ ја потврди тезата на дел од верските активисти дека реисот со фамозната изјава фрлил клетва на стотина припадници на ОНА што палеа и уништуваа христијански објекти во 2001 година и подоцна.
Само во Тетовско стотици „неверници“ треба да живеат во страв од бога
Според извештајот објавен на веб-страницата на тетовското архијерејско намесништво при Полошко-кумановската епархија на МПЦ ОА во 2001 година (сега Тетовско – гостиварска епархија), членови на ОНА од тетовското Кале извршија напад со огнено оружје на Тетово, во неговиот западен дел каде што се наоѓаат црквите „Света Богородица“, „Свети Никола“, соборната црква „Свети Кирил и Методиј“ и „Свети Димитриј“. Со куршуми од тешко стрелачко оружје и со минофрлачки гранати терористичките банди оштетија дел од споменатите цркви уште првиот ден. А потоа, како што се распламтуваше агресивноста во „борбата за човекови права“, така се напаѓаа, сквернавеа, уриваа, палеа и минираа цркви и манастири, па дури и такви што имаат нагласена културно-историска вредност и се под посебна заштита на државата. Таков е случајот со манастирскиот комплекс „Света Богородица“ и „Свети Атанасиј“ во селото Лешок, каде што црквата „Свети Атанасиј“, возобновена во 1924 година врз темелите на разурнатата црква за време на Отоманската империја, на 21.8.2001 година е разурната до темели со минирање. Освен споменатиот Лешочки манастир, запалени се и манастирот „Свети Ѓорѓи“ во село Мала Речица и црквата „Свети Никола“ во селото Слатина. Осквернати, оштетени и опустошени се црквите и манастирите во речиси целото тетовско архијерејско намесништво, и тоа манастирската црква „Света Богородица“ во село Џепчиште, црквата „Свети Кузман и Дамјан“ во село Једоарце, црквата „Свети Ѓорѓи“ во село Отуње, црквата „Света Богородица“ во село Сетоле, црквата „Свети Архангел Михаил“ и манастирот „Свети Ѓорѓи“ во село Непроштено; црквите „Свети Спас и свети Атанасиј“ во село Долно Палчиште, манастирот „Свети Атанасиј“ во Балтепе, на тетовското Кале, црквата „Свети Ѓорѓи“ во село Лавце со конакот, црквата „Свети Никола“ во село Долна Лешница, црквите „Свети Димитриј Солунски“, „Света Богородица“ и „Света Марена“ во село Теарце, манастирската црква „Свети Атанасиј“, позната како стар Лешочки манастир; црквата „Света Петка“ во село Варвара, црквата „Света Богородица“ и манастирот „Свети Илија“ во село Брезно, црквата „Свети Јован Богослов“ во село Отушиште, црквите „Света Богородица“ и „Свети Спас“ во село Јелошник, и црквата „Свети Никола“ во село Доброште, се вели во извештајот на Полошката епархија.
Во анализата се нагласува и дека штетите и разурнувањата на православните светилишта во Долни Полог воопшто не биле предизвикани како „колатерална штета“ при воени дејства (освен дел од оштетувањата на црквата „Свети Атанасиј“ на Балтепе) туку како резултат на активности мотивирани од најниски побуди на етничка и верска исклучителност и омраза, како очигледни антицивилизациски геноцидни средства за етничко чистење и искоренување на трагите на автохтониото население, а сето тоа во функција на деструктивната идеја за остварување на големоалбанските цели, се наведува во извештајот што е направен заедно со претставниците на ОБСЕ и со воената мисија „Конкордија“.
