Ватерполо: Грција - Македонија, Атина. (8:6)

[Ilumious]

Ватерполистите ветуваат максимум со Грција

Без измени во играчкиот состав македонската ватерполо-репрезентација в недела патува во Атина, каде што против домаќинот Грција во вторник го играат вториот меч од Светската лига. Селекторот Стеван Нонковиќ вчера го објави поширокиот список на репрезентацијата со 22 играчи, а оние 15 што ќе патуваат ќе се знаат в недела, кога ќе се собере тимот на базенот „Младост“ во Скопје.

- Не не' плаши фактот што ќе играме во Грција, ни што грчкиот тим е со подобар рејтинг од нашиот. Не се уплашивме ни од носителите на светската бронза -Хрватите во Скопје, па иако изгубивме, бевме рамноправни. Грчкиот тим ми е познат, со ист состав настапуваат на последните три-четири меча. Искусни се и квалитетни. Минимум што ќе направиме во Атина е да дадеме максимум - вели Нонковиќ.

Македонија во својот дебитантски настап во Светската лига со апсолутниот фаворит Хрватска во Скопје одигра 7-9, што предизвика позитивни реакции во ватерполо-круговите. Грција во нашата група на гостински терен изгуби од Русија со 6-9. На табелата први се Русите, пред Хрватска, Македонија и Грција.

Ова е прв настап на Македонија во Светската лига и трет настап на големи натпревари, по настапите на ЕП во Малага, и на СП во Рим. Костурот на македонскиот тим се состои од искусни странци со македонски пасош кои играат во европски лиги, а се' повеќе се вклучуваат и ватерполисти кои потекнуваат од Македонија.

Селекторот потенцира дека не очекува некој посебен резултат во светската лига и најави дека овие мечеви ќе бидат одлична можност за подготовка пред квалификациите за следното ЕП 2010, во Загреб.

На поширок список играчи се наоѓаат: голмани - Далибор Перчиниќ (Јадран Херцег Нови), Бојан Јаневски (Работнички), Дарко Недановски (Работнички). Бекови - Ненад Петровиќ (ВК Ниш), Небојша Милиќ (ВК Приморац), Димитар Димовски (Работнички), Анастас Белев (Работнички). Центри: Даниел Бениќ (Штурм 2000), Александар Арсовски (Работнички), Стефан Лошковски (Работнички), Игор Милановиќ (Работнички). Надворешни играчи - Владимир Кречковиќ (Салемо), Еди Бркиќ (Шибеник), Горан Крстоношиќ (Рома), Ненад Босанчиќ (ВК Ниш), Димитар Стојчев (Работнички), Кристијан Манасков (Работнички), Иван Вуксановиќ (Патра), Владимир Латковиќ (ВК Ниш), Мирослав Крстовиќ (Трестино), Мартин Пулејковски (Работнички), Марио Синадиновски (Работнички).


Извор: Дневник

Ранкингот според ФИНА:

2009 FINA World ranking

1 Serbia
2 Hungary
3 Spain
4 Croatia
5 USA
6 Montenegro
7 Germany
8 Australia
9 Romania
10 Italy
11 Greece
12 Canada
13 Russia
14 Slovakia
15 Holland
16 China
17 France
18 Brazil
19 Macedonia
20 Slovenia
21 Japan
22 South Africa
23 Turkey
24 NZL
25 Cuba

По одличното деби и малиот очекуван пораз од Хрватска, дали мислите дека нашите дечки ќе имаат шанса за првата победа на Македонија во ватерполо и тоа против нашиот јужен сосед?

 

[SanIker]

Ќе има пренос некаде ?

 

[Ilumious]

Македонската ватерполо-репрезентација утревечер во Атина против Грција (18.30 ч.) ќе го игра вториот натпревар во рамките на Светската лига. Во првото коло, ватерполистите загубија од силната Хрватска со 9-7, но оставија одличен впечаток, кој е основа за нескромните надежи во утрешниот меч. Притоа селекторот Стеван Нонковиќ за дуелот со Грција како изненадување ги подготвува четворицата нови репрезентативци кои не беа дел од мечот со Хрватска, Александар Арсовски, Небојша Милиќ, Горан Крстоносиќ и Ненад Босанчиќ. - Не одиме со бело знаме во Атина, не стравуваме од противникот иако има далеку подобар рејтинг од нашиот, исто како што не се уплашивме од екссветскиот шампион Хрватска со кого бевме рамноправен противник. Ние одиме да се надигруваме со еден силен и квалитетен тим, па ако се подобри нека го докажат тоа во базенот. Нашето изненадување ќе бидат новите имиња, кои се доволно квалитетни да ни донесат поволен резултат - вели Нонковиќ. Ова е дебитантски настап за Македонија во елитното натпреварување и желбите не се мегаломански, туку целта е репрезентацијата што подобро да се воигра за квалификациите за Европското првенство што ќе се одржи во Хрватска во идната година. Сепак, иако нема преголеми амбиции, дуелите меѓу Македонија и Грција отсекогаш го привлекуваат вниманието поради политичкиот спор за името. Речиси секогаш кога играле овие две репрезентации имало задни игри во поглед на притисоци од страна на јужниот сосед. Така, минатата година на квалификацискиот турнир за пласман на Олимписките игри во Пекинг, кои се одржаа во Орадеа, Романија, грчката делегација бараше македонските ватерполисти да ги соблечат бањарките на кои пишуваше МКД. Дел од репрезентацијата беше и Нонковиќ како помошник на тогашниот селектор Александар Крстоношиќ, но тој овојпат не очекува слични проблеми. - Се сеќавам на минатогодишните инциденти, но не очекувам да се повтори такви нешто и сега. Единствена забелешка може да имаат за нашите гаќички за капење на кои пишува МКД, но не верувам дека ќе имаме некои проблеми со тоа. Ние одиме да играме ватерполо, нас политиката не не интересира - вели Нонковиќ.

Време


Истиве проблеми ги прават на сите, и на нас ни правеа тогаш проблеми за тренерките со МКД на нив :nerv:

За пренос , би требало да има на Сител, ама ќе видиме, ништо чудо и да нема

 

[[ Македоникус ]*]

Ќе ги скршиме сред Атина!

 

[CIL]

Како што гледам според програмиве што ги имаат Сител и А1 нема да ја даваат. Може МТВ да не изненади или некоја друга. Кога можеа МТВ да даваат Катанија - Емполи за куп на Италија, зошто Грција - Македонија да не ја даваат?:nesum: Стварно штета ако не ја даваат ќе биде многу интересна за гледање.

 

[kapadaster]

од колку часот играат?

 

[CIL]

од колку часот играат?

Играат од 18 и 30

 

[Supervisor]

Ќе ги скршиме сред Атина!

Патриотските фантазии и го примивме во Полска на ЕвроБаскет и тоа јако.
Овде очекувам неизвесност и минимална нивна победа ама "нашиве" да дадат отпор.

 

[Џои]

Мора да удавиме минимум пола екипа!!!

 

[wARMAN69]

Тепаме само храбро момци!

 

[Фил Ајви]

Би сакал да тепаме, ама не е можно.

 

[Џои]

Би сакал да тепаме, ама не е можно.

И јас викам истото за Милан. :smee::smee:

 

[FromSunWithLove]

има негде пренос по нет ?

 

[Шота Буби]

Eдни пишуваат 17.30 други 18.30 а трети 19.00,дали некој знае точно кога се игра натпреварот?

 

[Iceboy]

Луѓе дајте некој линк ако најдете.