Cool...
Еве ти и демант и од мене.
Не се мрднати бе они бугарки да дотеруваат...
Србија ќе увезува 250.000 моми за стари момци!
Според државниот секретар Жељко Васиљевиќ, неговите соработници веќе преговарале со Украина, Молдавија, Русија, Виетнам, Бурма и Камбоџа за увоз на девојки
Српската влада планира да "увезе" 250.000 млади девојки за да ги оженат илјадниците подостарени селски момчиња од руралните подрајча каде девојки за мажење нема ниту за лек, па затоа селата се празнат или целосно згаснуваат. Загрижувачки се и податоците дека стапката на наталитетот, од година во година, е се покатастрофална и дека се помалку има луѓе кои се занимаваат со земјоделство.
Дека е тоа така, потврдил и државниот секретар за социјална политика на Србија, Жељко Васиљевиќ (од СПС), кој додава дека неговите соработници веќе преговарале со Украина, Молдавија, Русија, Виетнам, Бурма и Камбоџа:
"Во разговорите со украинските власти констатиравме дека таму постојат подрачја и села каде има многу повеќе жени од мажи, што е одлична прилика за двете страни" - појаснува Васиљевиќ, чиј проект многумина во Србија не го прифаќаат и сметаат за скандалозен. Но, тој многу не се загрижува за тоа и на српските медиуми им го вели и следново:
"Секоја година кај нас умираат 30.000 повеќе луѓе отколку што се раѓаат. На тоа, треба да се додадат и околу 10.000 млади кои бегаат од земјата. Не помагаат тука козметичките промени какви што ги заговараат нашите демографи. Проблемот на "белата куга" мора радикално да се реши. Ова досега што се правеше е како со детско кофиче да гаснете пожар. Во Србија има околу 250.000 неженети момчиња во полна репродуктивна сила кои живеат во руралните подрачја. Тие се резервоар на нашиот репродуктивен потенцијал. Само треба да се оженат" - потенцира Васиљевиќ кој додава дека од проектот очекува Србија во загрозените селски средини да добие околу 300.000 новороденчиња.