Блиц вести

[asterix_m]

Македонците потпишаа Меморандум за малцински права

Македонците од Мала Преспа го потпишаа Меморандумот за разбирање со малцинствата, што неодамна го подготви албанската влада. Тие се надеваат дека со овој докумнет ќе бидат опфатени и Македоните во Голо Брдо и Гира, бидејќи за првпат се добиваат одредени права што досега не ги уживале. Албанската влада подготвениот документ од МНР, неодамна го дистрибуираше до малцинските зони, односно областите кои главно се населени со припадници на други етнички заедници. Него го потпишуваат градоначалниците кои претходно треба да добијат согласност од раководствата на здруженијата на малцинствата. Меморандумот деновиве го потпишал градоначалникот на Пустец, област Мала Преспа, потврди за Дојче Веле, Едман Темелко, претседател на друштвото "Преспа". Според него, со документот се очекува поттикнување на соработката меѓу локалната и централната власт, во однос на употребата на мајчиниот јазик, негувањето на историското, културното и верското богатство на малцинствата. Темелко посочува дека меморандумот и дава право на локалната власт, на именување на традиционални топоними и враќање на имињата на селата. "Ние остро ќе реагираме како заедница на Македонците во Албанија Мала Преспа да се прогласи како македонска малцинска зона, бидејќи во Албанија постои и таа определба. Такво нешто ќе се бара и за Голо Брдо и Гора. Веќе има знаци за понуда таков документ да се потпише во Пешкопеја, а ние ќе побараме и во Кукс ист таков документ", вели Темелко. На Меморандумот свој потпис ставиле и припадниците на влашкото и ромското малцинство, додека припадниците на грчкото малцинство во јужниот дел на земјата, одбиваат да го потпишат овој документ. Темелко вели дека грчкотото малцинство не го потпишува меморандумот бидејќи работите што се нудат, тие веќе ги имаат добиено од порано. Тој, сепак, објаснува дека прифаќањето на меморандумот не значи дека Македонците во Албанија се откажуваат од нивните други приоритетни барања. Тие исто како и здруженијата на другите малцинства, остануваат на барањето за вонреден попис на населението, во кој би имало колона каде слободно ќе може да ја искажат својата етничка и верска припадност, образование на мајчин јазик, отстапување простор на државната радио – телевизија, и соодветна застапеност во државните институции.

 

[asterix_m]

КОИ СЕ ПЕТТЕ ЧЛЕНА НА МАКЕДОНСКАТА РЕГУЛАТОРНА КОМИСИЈА?

Нашите најмоќни луѓе контролираат над милијарда долари


Во рацете на пет луѓе во земјава е сконцентрирана огромна моќ, поголема од таа што ја има владата на Македонија, а малкумина ги знаат нивните имиња. Регулаторната комисија за енергетика (РКЕ) е клучниот играч за ценовната политика на енергенсите, чија годишна вредност е поголема од милијарда долари.

Откако РКЕ во минатата недела одобри нова цената на струјата, домашните експерти се сетија дека државата им дала огромна моќ на петтемина што практично во иднина ќе ја кројат националната економија во земјава. Познавачите се едногласни дека регулаторите се потребни, но укажуваат оти државата треба да обезбеди и контрола и транспарентност во нивната работа, а треба да поработи и на нивниот професионален интегритет.

Владата во заминување го гледа раѓањето на РКЕ како една од најзначајните реформи што Македонија воопшто ги направила во енергетскиот сектор. Првпат ова тело формално профункционира пред четири години со измените на Законот за енергетика, иако со вистинска работа стартуваше во јули 2003 година.

Оваа петорка решава по претходно барање на компаниите дали и колку ќе се зголемат или намалат малопродажните цени на енергенсите. Како што пресметале домашни претставници од енергетскиот сектор, комисијата регулира и дефинира по речиси една милијарда долари годишно од енергетските компании во земјава. Располага со годишен буџет од над половина милион евра што го собира од енергетските компании. Секоја регистрирана компанија за регулаторите треба да издвои по 0,05 отсто од вкупниот пријавен приход што го остварува во една година. Процените се дека по таа основа комисијата зема надомест и до 700.000 евра, што е поголем и од годишниот буџет на Македонската академија на науките и уметностите (МАНУ), а е блиску до „паричниците“ на некои од високообразовните институции во земјава.

Што е тоа што ги обврзува регулаторите да работат совесно, кои механизми ги штитат од корупција, ако се има предвид дека располагаат со големи пари?

Извори за „Време“ сметаат дека платите што ги добиваат регулаторите, сепак, не може да бидат гаранција за заштита од корупција и од притисоци. Иако официјално, во комисијата не откриваат колкави плати земаат (немале пониска од 35.000 денари), економските експерти велат дека тоа е не е гаранција дека се имуни на корупција.

- Комисијата во иднина може биде изложена на притисоци од компаниите кои ќе бараат зголемување на цените на услугите што ги даваат. Се разбира, веќе се покажа дека не секогаш регулаторите ја одобруваат цената во оној процент што го посакуваат фирмите. Токму затоа е потребен механизам за заштита на комисијата од разни притисоци. Секогаш постои опасност од корупција на луѓе кои се клучни за профитите на некои моќни компании – укажува Пеце Недановски, продекан на Економскиот факултет.

Дел од енергетичарите, пак, се сомневаат во компетентноста на луѓето

во комисијата, бидејќи неколкумина не го исполнувале критериумот за десетгодишно работно искуство за областа за која се именувани. Познавачите велат дека членовите имаат можност сами да си ги носат правилниците и да се раководат според нив, без притоа да ги образложуваат пред јавноста. Тоа може да биде извор на манипулации бидејќи им се даваат дискрециски права на малкумина кои понекогаш може да имаат поголемо влијание и од Владата.

Енергетичарите велат дека никој „од надвор“ не може да им се меша, да ги коментира или да ги толкува актите што си ги носат и подготвуваат членовите. Моќта на Комисијата е уште поголема што за предвремено заминување на некои од членовите одлучуваат неговите четворица колеги, па дури потоа согласно нивната одлука, ако биде потребно, Владата предлага Собранието да изгласа нов член во согласност со Законот за енергетика.

Одредбите велат дека за член на РКЕ може да биде именуван и припадник на политичка партија на кој треба да му престане членството штом ќе стане дел од комисијата.

На петтемина им се забележува дека немаат тарифник врз кој ги носат новите цени во делот за топлинска и за електрична енергија, иако велат дека со постојните формули лесно може да пресметаат нови цени на енергенсите.

Таму велат дека се работи според законот. Секој член во комисијата може да помине најмногу десет години, бидејќи има право на реизбор, а еден мандат трае пет години.

 

[asterix_m]

ОРГАНИЗИРАН КРИМИНАЛ СО ДЕНАЦИОНАЛИЗАЦИЈАТА

Парцели проголтаа пет милиони евра
Антикорупциската комисија побара обвинителството казнено да гони државни функционери, службеници, нотари, полномошници и други инволвирани лица

Криминал со кој државата е оштетена за најмалку пет милиони евра се крие зад незаконитостите во процесот на денационализацијата на триесетина парцели во Скопје, соопшти вчера Државната антикорупциска комисија.

Малверзациите се правеле според разработена шема со која повеќекратно е зголемувана отштетата за денационализирани плацови, кои потоа, преку фиктивни договори за хипотеки, станувале сопственост на други лица откако за нив бил платен многу помал данок од вистинската пазарна вредност. Станува збор за триесетина градежни плацови при што најголемата малверзација, според Антикорупциската комисија, е направена со земјиштето спроти Соборниот храм „Свети Климент Охридски“, на аголот до булеварот Партизански одреди.

Антикорупционерите вчера побараа Јавното обвинителство да покрене иницијатива за казнено гонење на повеќе државни функционери и службеници, службеници во даночниот орган на скопскиот градоначалник, нотари, полномошници и други инволвирани лица. Дознаваме дека прв на листата за одговорност е Саша Андоновски, тогашен претседател на Второстепената комисија на Владата за решавање управни работи во втор степен од областа на денационализацијата.

Комисијата смета дека тие биле директни извршители и соизвршители на сериозни кривични дела на корупција и организиран криминал - злоупотреба на службена положба, даночно затајување, лихварство, надриписарство и слично.

Антикорупциската комисија соопшти дека во три случаи сценариото одело според шемата во која владината комисија ги поништила решенијата на првостепените општински комисии од Карпош и Чаир и донела мериторни одлуки со кои износите за обесштетувањата се повеќекратно зголемени, а потоа веднаш заменети со градежно неизградено земјиште во централното градско подрачје на Скопје, на улиците Илинденска, булевар Партизански одреди и на други локации.

Утврдено е дека десет парцели со вкупна површина од 8.073 квадратни метри во општина Центар, 12.470 во општина Кисела Вода и 20 парцели од 179.000 метри земјоделско земјиште во Морани и Орешани се доделени како замена за одземени 21.630 метри земјоделско земјиште. Комисијата соопшти и тоа дека во сите случаи, во периодот од 2001 до 2006 година, како баратели на имотот се јавуваат Владимир Димитров, Слободан Димитриевски, Гоце Димитриевски, Даринка Тодоровска и Благоја Неделковски од Скопје. Тие ги користеле услугите на адвокатката Ленче Димчевска, која своето полномоштво да ги застапува овие лица го пренела на лицето Ордан Милановски, пензионер од Скопје.

„Јавниот обвинител и јавниот правобранител треба да поведат постапка за поништување на решенијата на Второстепената владина комисија. Мора да се изрече привремена мерка за пленување имот на сите инволвирани лица и забрана за отуѓување на ова земјиште. Министерство за финансии треба да оневозможи наместо според пазарната вредност, данокот да се плаќа симболично преку фиктивни нотарски договори за заем“, смета Антикорупциската комисија.
За Андоновски, се' е законски
Саша Андоновски вчера изјави дека нема ништо спорно во тоа што Второстепената владина комисија го зголемила обесштетувањето за земјиштето.

- Првостепените комисии најчесто донесувале одлуки со кои на барателите им давале многу низок износ како обесштетување. Ние моравме да извршиме корекции, а тоа и го правевме врз основа на ценовникот што го применува Управата за јавни приходи. Освен ова, имаме право да даваме друго градежно земјиште како компензација за некој имот. Такви одлуки носел и Никола Груевски кога бил министер. Зад овој случај стои обидот на Михајло Маневски да се заштити од нападите во парламентот при изборот на новата влада - изјави тој.

 

[asterix_m]

Алстом - Гама поблиску до договорот за Те-То

Понудата на овој конзорциумот е поповолна, бидејќи е за 15 милиони евра пониска од германски "Сименс" и шпанската "Ибелдрола"


Конзорциумот составен од швајцарско-француската компанија "Алстом" и турската "Гама" има најголеми шанси да ја гради и опремува гасната термоелектрана "Те-То" во Скопје. Тие, како што неофицијално се дознава, се поблиску до добивањето на бизнисот вреден над 120 милиони евра, бидејќи нивната понуда е за 15 милиони евра пониска од директниот конкурент на тендерот-конзорциумот составен од германски "Сименс" и шпанската "Ибелдрола". Според Димитар Хаџимишев, директорот на скопска "Топлификација", преговорите се во завршна фаза и деновиве ќе се знае конзорциумот со кој ќе биде потпишан договорот за реализација на гасната термоелектрана. - Се работи за голема инвестиција што треба педантно да биде завршена од страна на изведувачот. Тоа значи дека оној што ќе ја земе работата в раце, треба комплетно да ја опреми гасната термоелектрана, што се вели до фаза "клуч на рака" - вели Хаџимишев. За таа цел, денеска во земјава се очекува да пристигнат претставници на руската "Итера" која заедно со македонскиот партнер - скопска "Топлификација" е инвеститор на овој голем проект. Претставниците на "Итера" треба да го кажат последниот збор и да пресечат околу конечниот избор. Во изградбата на "Те-То", руската компанија учествува со 70, а "Топлификација" со 30 проценти од капиталот. Над 80 милиони евра, пари наменети за инвестицијата, Русите ги обезбедиле од германски, а "Топлификација" од словенечки банки. Градежните активности за гасната турбина треба да стартуваат кон крајот на септември. Надзорот ќе го врши швајцарската консултанска куќа "Коленко, која веќе потишала договор со инвеститорите вреден 3,3 милиони евра. Изградбата на гасната термоелектрана треба да биде готова за две години. Таа ќе произведува годишно 1,8 милијарди киловат часови електрична енергија и со тоа ќе се обезбедат околу 30 проценти од потребите на земјава за електрична енергија. Директорот на "Те-То", Ивица Секованиќ вели дека во завршна фаза е и договорот за испорака на електрична енергија од "Те-То". Заинтересирани се повеќе компании меѓу кои австриската "Вермунт", АТЕЛ од Швајцарија, словенечкиот холдинг ХСЕ и американската "Семпра". Оваа гасна централа ќе биде независен производител на електрична и топлинска енергија, а ќе работи и на поевтин енергенс - природен гас.

 

[asterix_m]

Се бараат докази за да се запленат парцелите

Меѓу вмешаните се нотарите Никола Стојменовиќ, кого Антикорупциската го прозва во „Бачило“ и Гордана Ракочевиќ, чиј сопруг, е адвокат на Иснифарис Џемаили
Јавното правобранителство ги побарало вчера документите и доказите за незаконска денационализација и отуѓување на триесетина парцели во Скопје, кои Антикорупциската ги посочи како предмет на корупција и организиран криминал. Комисијата побара кривична одговорност и заплена на имотот на замешаните. Адвокатите и нотарите замешани во случајот вчера не сакаа да ги коментираат обвинувањата на Државната комисија за спречување на корупцијата. Во случајот, полномошник на сите договори за отуѓување на имотот е пензионерот Ордан Миланоски, кој даде заем со хипотека и во случајот „Бачило“. Меѓу замешаните се и нотарите Никола Стојменовиќ, кого Антикорупциската го прозва во „Бачило“ и Гордана Ракочевиќ, чиј сопруг Владимир му е адвокат на овчарот Иснифарис Џемаили, кој доби отштета од 727 илјади евра за тој случај.

Антикорупциската комисија завчера оспори денационализација на триесетина градежни и земјоделски парцели, во вкупна вредност од околу пет милиони евра.

Тие со денационализацијата им биле доделени на петмина наследници од извесно скопско семејство Димитриевски. Тие го заложиле имотот под хипотека за заем што не го вратиле, па имотот станал сопственост на Гроздана Манасиевска и на Томислав Трајковски. Најголем дел од имотот на истиот начин подоцна и' припаднал на извесна Светлана Симоновска, вклучувајќи и градежна парцела од повеќе од 1.200 квадрати спроти Соборниот храм во Скопје. Во сите договори полномошник бил пензионерот Миланоски.

Во куќата на Миланоски во скопската населба Камник вчера никој не одговори на ѕвонењето на врата, иако портата од дворот на еднокатната куќа беше ширум отворена. На маса во дворот беа отворени вчерашните дневни весници. Соседите велат дека цел ден не виделе никого од семејството. Антикорупциската го сомничи Миланоски, кој се јавува како заемодавец во најмалку 30 хипотекарни договори, за надриписарство, лихварство и шпекулативно манипулирање. Освен во овој и во случајот „Бачило“, Миланоски бил полномошник во договори за отуѓувања на имотот, во нотарски акти, хипотеки и други акти во континуитет повеќе години и на големи износи пари и од по неколку стотици илјади евра, посочи Антикорупциската. Миланоски се јавува и како заемодавец на Иснифарис Џемаил, овчарот од тетовско Камењане и главен актер во случајот „Бачило“.

Антикорупциската ја осомничи адвокатката Ленче Димчевска дека незаконски го ополномоштила Миланоски да застапува странки во денационализацијата, иако не бил адвокат или лице со правно образование. Во Адвокатската комора велат дека тоа е спротивно на прописите и дека, ако тоа се докаже, адвокатката може и да ја загуби лиценцата за работа. Димчевска вчера не беше достапна на ниедна од двете адреси во населбите Карпош и Аеродром, заведени со нејзино име.

За случајот немаат коментар нотарката Гордана Ракочевиќ, која склучила дел од договорите, и извршителката Емилија Алексовска, која во тоа време била раководител на Секторот за премер и катастар. Антикорупциската ја сомничи Алексова дека извршила промени во обработен предмет и дека вршела притисок врз своја службеничка да го заврши предметот.

Правобранителството може да побара судот да ги поништи сите сомнителни договори, да го заплени денацинализираниот имот, проценет на околу пет милиони евра и да им го замрзне имотот на сите инволвирани лица, кои ги сомничи за корупција и организиран криминал, даночно затајување, лихварство, надриписарство, злоупотреба на службена положба и други кривични дела.
Рекордот на Симоновска
Извесна 25-годишна Светлана Симоновска преку фиктивни заеми и хипотеки станала сопственик на плацот спроти Соборниот храм „Свети Климент Охридски“ во Скопје, но и на други големи земјишни површини. Таа прво склучила договор за заем со кој на лицето Мирко Николов му позајмила 890.000 денари (околу 15.000 евра), со обврска да и' биде вратен на четири еднакви месечни рати. Како гаранти на Николов се јавуваат истите наследници од семејството Димитриевски, кои под хипотека ги стават земјишните парцели што ги добиле во процесот на денационализацијата.

Веќе по еден месец, откако должниците не ја вратиле првата рата, се пристапило кон реализација на договорот за хипотека, по што, на крајот, Симоновска станала сопственик на две земјишни парцели во центарот на Скопје со површина од 1.214 квадратни метри и на 13 парцели земјоделско земјиште во КО Орешани и КО Морани, со вкупна површина од 170.717 квадрати. За сето тоа е платен данок од само 27.285 денари, односно само 450 евра.
Четири плаца за 59.000 евра
Извесен Томислав Трајковски преку фиктивен заем од 59.000 евра станал сопственик на четири парцели најквалитетно градежно земјиште во централното градско подрачје, со вкупна површина од 5.672 квадрати. Од ова, 5.319 метри се парцела наречена „Парк“, што се наоѓа на улицата Илинденска, веднаш до Градскиот парк во Општина Карпош, а 353 метри се во Општина Центар.

Тој заем не бил вратен во предвидениот рок од пет дена, а Трајковски на крајот платил данок од 1.782 евра

 

[ROZA]

Жените нема да трпат насилство

НА 8 МАРТ СОЖМ ПОРАЧА, А ПРЕТСЕДАТЕЛОТ И ВЛАДАТА ДАДОА ПОДДРШКА


Жените нема да трпат насилство


Потребни се законски, политички и практични мерки за спречување на оваа негативна појава


Додека голем број припаднички на женскиот пол вчера примаа честитки и цвеќиња, а празникот на жената го прославија во рестораните, Сојузот на организации на жени, 8 март го одбележаа ПОИНАКУ. Во присуство на претставниците на Владата и претседателот на Македонија, претставничките на СОЖМ побараа поддршка за нивната кампања против насилството.
- Последните истражувања говорат дека во земјата секоја втора жена е жртва на насилство, а трговијата со жени зазема загрижувачки размери. Околу 59 проценти од припадничките на женскиот пол доживеале некаква форма на сексуално вознемирување на работното место. Во вкупниот број на неактивно население тие учествуваат со цели 62,9 проценти, а во улога на вработени, жените се јавуваат со 40,7 проценти, а како работодавци само 20,9 проценти. Токму од овие причини сметаме дека надлежните институции треба да се зафатат со работа, рече вчера Савка Тодоровска, претседател на СОЖМ и го означи започнувањето на кампањата "Нулта толеранција за насилството врз жените".
Поддршака на активностите вчера дадоа претседателот на Македонија Бранко Црвенковски, како и министерствата за труд и за здравство.
- Заштитата на жените од семејно насилство и насилство во заедницата треба да се постави на највисоко политичко ниво и сите наши залагања треба да се движат во насока на преземање законски, политички и практични мерки за спречување на оваа негативна појава, рече шефот на државата.
Според министерот за здравство Имер Селмани, борбата против насилството е и дел од здравствената стратегија која деновиве треба да биде одобрена од Владата. Целта е да се постигне значителен одржлив пад на бројот на повредите, инвалидноста и појавата на смрт поради насилството.
- Неопходна е обука на здравствениот кадар со цел да ја препознаат жртвата и навреме да реагираат, а се подготвуваат и упатствата за соодветно справување со злоупотребата, изјави Селмани.
Од Министерството за здравство вчера беше побарано да започне издавањето на лекарски уверенија со кои би се докажало насилството.
Даниела ТРАЈКОВСКА

 

[ragazza]

Здравствен дом проневерени 100.000 евра

ресенскиот Здравствен дом проневерени 100.000 евра

Полицијата ги осомничи Г.А. (61), поранешен в.д. директор на Здравствен дом - Ресен, потоа Л.Б. (42), бивша началничка на отсекот за економско финансиска дејност во истата установа, и Т.Н. (55), поранешен прв човек на Подрачната единица на Фондот за здравство за Ресен, за злоупотреба на 6,2 милиони денари.

Еве со што се бафтат моите сограѓани , арам да му е!

 

[jutel]

vo vardino demirhisarsko ima mnogu golempozar inikoj nemozi i nema da go izgasni

 

[burn84]

Ова за Бучковски прати ли некој?

 

[BILBIL]

more eden da ne ostanit ne podelija zaeno so arapine pod nas koren nivni skapan da propadnit sela srbija

 

[Стрелец]

Ред се редат Маре мори


Притворен е поранешниот генерален директор на ЕМО Љубе Ставревски, против кого заедно со уште двајца поранешни директори на оваа охридска фирма, МВР поднесе кривична пријава за оштетување на ЕМО со сума од 816.000 евра. Љубе Ставревски во два мандати беше директор на фирмата за време на владеењето на СДСМ.


По два месеца од апсењето, обвинителството покрена обвинение против Јорго Ќука. Покренато е обвинение и против членовите на Управниот одбор на ОХИС и двајца директори.
Првиот човек на фабриката се товари за злоупотреба на службената положба, а неговите најблиски соработници за помагање.

 

[Стрелец]

По најавите од СДСМ дека ќе собираат потписи за смена на градоначалникот на Аеродром, Кирил Тодоровски и по упатеното барање до Груевски да ги бара криминалците и во своите редови, конечно стигна и веста која што ќе ги израдува Аеродромци...

Кривична пријава за градоначалникот на општина Аеродром Кирил Тодоровски. Обвинет е дека ја злоупотребил службената должност.